Nalunaarutit

◼ Neqeroorutissat kalaallisuut: Februaari: Ilaqutariittut pilluarneq isertugaateqarpoq. Marsi: Ilisarsineq inuunermut naassaanngitsumut sammisoq. Biibilimik atuaqqissaaqatitaarniarnissat suliniutigiuk. Apriili maajilu: Atuagassiat Napasuliaq Alapernaarsuiffik aamma Iteritsi! Atuagassiaaraq Guutip sumik piumaffigaatigut? Biibilimik atuaqqissaaqateqarnermi atorneqarsinnaavoq.

◼ Sapaatip-akunnera 22. marsi 1999-imit atuagaq Inuk inuit inuusimasut pingaarnerpaartaat ilagiinni atuaqqissaaqatigiinnermi atorneqartalissaaq. Guutip Naalagaaffianut Kiffartorneq-mi uani atuakkamut tamarmut pilersaarut allattorneqarsimavoq. Nuutsissinnaavat atuakkannullu ilillugu. Atuakkap aallaqqaasiutaata atuaqqissaaqatigiissutiginissaanut ilitsersuut, Naalagaaffimmut Kiffartorneq-mi septembari 1992-imoortumi quppernermi 1-imi immikkoortoq 5-imi ilanngutassiami „Atuakkamik Inuk inuit inuusimasut pingaarnerpaartaat-mi atuaqatigiinnermut pilersaarut“-mi nassaarineqarsinnaavoq.

◼ Allatsip kiffartuussinermullu nakkutilliisup pioneerit angusimasaat misissussavaat. Pioneerit nalunaaquttap-akunnerisa anguniarnerini ajornartorsiuteqarpata, utoqqaanertat pisariaqartumik ikiorneqarnissaat isumagissavaat. Takuuk Peqatigiiffiup utoqqaanertaqatigiinnut allagai 1. oktobari 1993-imoortoq, aammalu 20. novembari 1992-imoortoq, ilanngussarlu Naalagaaffimmut Kiffartorneq-meersoq aggusti 1986, immikkoortuni 12-20-ni.

◼ Guutip Naalagaaffianut Kiffartorneq-mi januaari 1999-imoortumi eqqaaneqareersutut immikkut oqalugiaat 18. apriili 1999-imi oqalugiaatigineqassaaq. Oqalugiaatip qulequtaraa: „Guutimut inoqatitsinnullu piviusumik ikinnguteqarneq“. Sapinngisamik amerlasuut oqalugiaammut qaaqquniartigik.

◼ Oqaluussisartut marsimi, apriilimi, maajimilu ikiorti-pioneriunissaminnut pilersaaruteqartut qinnuteqaat piffissaalluartillugu tunniuttariaqarpaat utoqqaanertat kiffartornissamut pilersaarutinik, atuagassianik allanillu isumaginnissinnaaqqullugit.

◼ Eqqaasissutigissavarput atuagassianik apriilimi saqqummertussanik immikkut inniminniineq 25. januaari 1999 aammalu maajimi saqqummertussanik innimereersimanissaq 22. februaari 1999 Seltersimeeriissammata.

◼ Malagami Spaniami 23-25. juuli 1999-imi Skandinaviamiusut oqaasilinnut ataatsimeersuartoqassaaq. Utoqqaanertat Danmarkimi ataatsimeersuaararnerni ataatsimeersuarnernilu pisassaqartartut, ataatsimeersuarnermullu peqataanissaminnut periarfissallit, qinnuigineqarput kiffartornermut immikkoortortaqarfik Betelimiittoq atassuteqarfigeqqullugu. Allat Malagami ataatsimeersuarnermut najuukkusuttut inissamik allanillu ikiorneqarusuttut Peqatigiiffimmut atassuteqarsinnaapput.