Allamiutut oqaasilinni oqaluussiffigisartagaq
1 Ukiut arfineq-marluk qaangiupput allamiutut oqaasillit pulaarneqartarnerannik aaqqissuussaq nutaaq aallartikkatsigu, Jehovallu suliniuterput pilluaqqusimavaa.a Sumi najugaqartoqarneq pillugu nalunaartarneq inatsisigut peqqussutigineqartoq malissinnaaqqullugu qinnuvigissavassi tulliuttut siunissami malinniaqqullugit.
2 Oqaluussiffissani qallunaanut oqaasilinni: Oqaluussisartup matumi ateq allamiorpaluttoq takuguniuk, taannalu ilagiinnut allamiutut oqaasilinnut ilagiinniluunniit oqaluussisarfinnik allamiutut oqaasilinnik akisussaaffilinnut nalunaarutigineqarsimanera qularnaateqarpat taanna allatulli pulaarneqassaq. Oqaluussiffigineqarsinnaavoq atuagassiaaraq „Godt nyt til alle nationer“ ikiortigalugu. Paasiniaruk pulaakkap oqaatsit suut oqaaserinerai, aperalugulu oqaatsiminik oqaluttumik pulaarneqarnissani ajorinnginneraa.
3 Akuerippagu, immersugassaq „Besøg hos fremmedsproget“ immersorneqassaaq, allatsimullu tunniunneqarluni. Taava paasititsissut tamanna allamiutut oqaasilinnik akisussaaffeqartumut tunniunneqarumaarpoq. Aammattaaq ateq oqaluussiffigisartakkap allagartaanut allanneqassaaq tullianik angalaarfigineqarpat oqaluussisartunit qallunaanit pulaarneqannginniassammat. Tamatuma kingorna oqaluussisartut allamiutut oqaasillit pulaarneqarnissaa akisussaaffigilissavaat.
4 Immersugassamut „Besøg hos fremmedsproget“-mut tunngatillugu eqqortumik immersuinissaq pingaaruteqarpoq. Immersugaq aamma pulaakkap ussersorluni oqalunneq atorpagu atorneqassaaq. Allatsip imaluunniit ilagiinni allamiutut oqaasilinnik oqaluussisarfimmut nakkutilliisup eqqortumik immersorneqarsimanersoq misissussavaa.
5 Oqaluussiffissani allamiutut oqaasilinni: Ilagiit gruppillu allamiutut oqaasillit taavalu oqaluussisartut ilagiinni allamiutut oqaasilinnik pulaartartut, oqaluussiffigisartagaq tullianik angalaarfigineqarpat allamiutut oqaasillit tamaasa aperissavaat ajorinnginneraat pulaaqqinneqarunik. Akuerineqarpat immersugassaq „Besøg hos fremmedsproget“ immersorneqassaaq, taakkualu immersukkat qallunaatut oqaasillit ilagiivineersunut ilanngullugit tassaapput allamiutut oqaasilinnik oqaluussiffigisartagaq.
6 Allamiutut oqaasillit qallunaatullu oqaasillit Jehovap nalunaajaasuinit pulaarneqarusunngippata soorunami tamanna ataqqineqassaaq, paasissutissarlu tamanna oqaluussiffigisartakkap allagartaani qallunaatuumi allanneqassaaq.
7 Najoqqutassiaq tamanna maleruarutsigu, kikkut tamarmik, qanorluunniit oqaaseqaraluarunik, pulaarneqarumaarput, taamaalillutik Guutip naalagaaffia pillugu nutaarsiassap inuunermut pingaaruteqartup tusarnissaanut periarfissaqassallutik. — 1 Kor. 14:40; sar. 14:6, 7.
[Quppernerup ataani ilanngussaq]
a Allaaserisami matumani Danmarkimi pissutsit eqqarsaatigineqarnerupput.