Kristusip toqunera nunarsuaq tamakkerlugu eqqaaniarneqassaaq
1 Jehovap tunissutinik naammangaartunik tunisimavaatigut. Ajunngissusia ilumoortumillu asanninnera eqqorluartumik ’saammaannermik angingaartumik’ taaneqartarpoq. Aap, Guutip ’tunissutaa taassaanngitsoq’ tupinnartoq qanorluunniit nassuiassanerlugu sapernarpoq. — 2 Kor. 9:14, 15.
2 Tunissutaa annerpaaq: Inuiannut utertitsisutut Jesus Kristus tunissutaavoq annerpaaq. Jehovap inuiannut asanninnini takutissimavaa, ernitui asasani tunniullugu. (Juá. 3:16) Pilluaqqussut pisassarinngisaraluarput Guutimeersoq tamanna nunarsuaq tamakkerlugu eqqaaniarneqartariaqarpoq. 1999-imi apriilip aallaqqaataa sisamanngorneq unnukkut kristumiut nunarsuaq tamakkerlugu Naalakkap unnukkorsiortitsinera nalliussissavaat; aap, pilliutit annerpaartaat eqqaaniassavaat. — 1 Kor. 11:20, 23-26.
3 Kristusip toqussutigisimavaatigut ’suli ajortuliortilluta’, nammineerlutalu qujamasunnerput takutissinnaavarput eqqaaniaalluni nalliuttorsiorneq najuuffigalugu aammalu pisussamut pingaartumut tamatumunnga allat najuunnissaannut peqatigaluta qaaqqullugit. — Rûm. 5:8.
4 Pisimasut pingaarnerpaartaat: Kristusip toqunerata eqqaaniarneqarnerata pingaartumik ersersippaa qanoq ililluni amigaateqanngitsumik Guutip kisimi oqartussaanera qutsitsisikkaa. Tamatuma eqqaasippaatiguttaaq Jehovamut ajunngitsumik attaveqarluarsinnaasugut Jesusip pilliutaa upperigutsigu, tamatumuuna annannissatsinnut nakimanaveerutigisatsinnik. (ap. sul. 4:12) Ilumut ukiormanna pisussat pingaarnersaraat.
5 Tullitsinnut asanninnerput ersersissinnaavarput allat Naalakkap unnukkorsiortitsineranut najuunnissaannut peqatigaluta qaaqquneratigut. Utertitsissutip naleqangaartup nalinganik ilinniartut millionilikkuutaat iluaqutigisinnaavaat. (Fil. 3:8) Kristusip pilliutaanut uppertut naassaanngitsumik inuunissaminnut neriuuteqalersinnaapput. — Juá. 17:3.
6 Eqqaaniaalluni nalliuttorsiornissamut piffissami matumani periarfissaqarluarpugut Guutip ajunngissusianik pisassarinngisaraluatsinnik qujamasunnerput takutissallugu. Periarfissatsialaavoq ilungersuussilluta Guutip naalagaaffia pillugu tusagassap nuannersup oqaluussissutigineranik peqataanissatsinnut. Qinunikkut Jehovap tunissutaa nalissaqanngitsoq eqqarsaatigeqqissaaraanni aammalu ukiormanna eqqaaniaalluni nalliuttorsiornermi peqataanissamut pilersaaruteqaraanni pilluaqqussutissanik kinguneqarsinnaavoq.