Atuagassianik aalajangersimasumik pisartagaqarpit?
1 Katersuuttuniitillutit pooqattanni atuagassianik nassataqanngitsoorsimavit? Immaqa ilanngutassiaq Rigets Tjeneste-mi septembari 1995-imoortumi qulequtaqartoq „Brug bladene på den bedst mulige måde“ eqqaamavat? Tassani kajumissaarneqarpugut „aalajangersimasumik pisartagaqarnissatsinnut“. Aamma allaqqasoqarpoq: „Qatanngummut atuagassiaateqarfimmiittartumut piviusorsiortumik inniminniigit. Normullu tamaasa aalajangersimasumik pisartagarilissavatit, taamaalillusi ilaqutariillusi naammattunik atuagassiaateqassaasi.“ Kajumissaarut tamanna malinnikuuiuk?
2 Atuagassianik aalajangersimasumik pisartagaqarnikkut sapaatip-akunneri tamaasa agguaassinissamut akisussaasutut misiginerulissaatit, nuannaarnerulissutigalugulu. Aalajangersimasumik pisartagaqareeruit ajunngissaqaaq eqqarsaatigissallugu pisariaqartitatit matussusertarnerai. Soorunami qaammatit tamaasa atuagassiat saqqummeraangata aasassavavut, taamaliornissatsinnullu pisussaasutut misigisariaqarpugut. Ilagiinnit sivisunerusumik peqannginnissarput ilimagigutsigu iluassaaq qatanngummut atuagassianik nakkutilliisumut oqaatigigutsigu uternissatta tungaanut oqaluussisartunut allanut tunniussinnaanerai.
3 Aamma ilanngussami kajumissaaruteqarpoq ’ullormi aalajangersimasumi atuagassianik siaruarterisarnissaq’. Sapaatip-akunneri tamaasa ulloq atuagassianik siaruarteriffiusoq tapersersorsinnaaviuk? Soorlu Jehovap Nalunaajaasuisa qaammatisiutaanni 1999-imoortumi, takuneqarsinnaasoq arfininngornerit tamarmik atuagassianik siaruarteriffiussapput. Napasuliaq Alapernaarsuiffik aamma Iteritsi! agguaannerisa pingaaruteqarneranik suusupaginninngisaannarit. Atuagassianik agguaassinermi peqataaniarluta ilungersorutta, tullitsinnut ’tusarningaartumik nuannersumik oqariartuuteqassaagut’. — Jes. 52:7.