Inuunerup illernassusianut ataqqinninneq — nammineq akisussaaffipput
1 Ersarissiartuinnarpoq aattaqanngitsumik nakorsamik passunneqarnissaq silatusaartumik qinersinerusoq. Nakorsat amerliartuinnartut aammik killilimmik atuinermut naleqassusia nassuerutigaat. Biibili tunngavigalugu aak pillugu isiginnittaasitsinnut tapersersuinngikkaluarlutik aammut taarsiullugu allanik atuilluni passussinissaq amerlasuut piumassuseqarfigaat. Napparsimasumut ataqqinnipput, aammillu atuinnginnerup iluaqutaasortai takusinnaavaat. Inuunerput qinigarpullu pillugit ataqqinnipput — tamannalu qujassutigaarput.
2 Silarsuarmi avatangiisitsinni inuit inuunermut assigiinngitsunik isiginnittaaseqartarput. Ilaasa inuup allap inuunera kipitissalugu soqutaanngitsutut isigisarpaat, sulilu amerlanerusut inooriaasiisa erssarissumik takutippaat inuunertik naleqartinngikkaat. (1 Kor. 15:32) Jehovap nalunaajaasuitut inuunerup naleqassusia ilisimavarput. Inuuneq tunissutitut erlinnartutut isigaarput. Inuunerup Pilerfianut akisussaaffeqarluta misigivugut, upperaarpullu MAANNANGAAQ inuunermik pingaartitsinerput aalajangiisuusoq Jehovap inuunermik NAASSAANNGITSUMIK tuniumaneraatigut. — ap. sul. 17:25-28; Tus. 36:10.
3 Inuunermik ataqqinninneq kristumiunut tassaaginnanngilaq aammut naaggaarnissaq. Inuunerup illernassusianut isiginnittaaserput ulluinnarni inuunitsinni ersersittariaqarparput — taamaanngippat isumarput kinguneqaranilu siunertaqassanngilaq. Guutip Naalagaaffianut Kiffartorneq-ni tulliuttuni allaaserisaqassaaq inuunerup illernassusianut qanoq ililluta takutitsisinnaasugut Guutitut isiginnittaaseqartugut. Ilagiinniittunut tamanut pingaarutilinnik nalunaaruteqarumaarpoq, utoqqaanertallu tamanna Naalagaaffilersaarfimmi eqqartorneqartillugu najuussinnaasimanngitsut allaaserisat imarissaannik ilisimannilernissaat isumagiumaarpaat.