Apeqquteqartarfik

◼ Ajornartoornissamut piareersarsimavit?

Ullutsinni ’periarfissat nalaatsornerillu’ pissutigalugit ajornartoortoqarsinnaasarmat tassanngaannartumik napparsimmavimmut pisinneqarsinnaavugut, immaqalu aalersortinnissamut tatineqarsinnaalluta. (Nal. oq. 9:11) Jehovap peqatigiissortani aqqutigalugit Jehovap taama pisoqarnerani ikiorneqarsinnaanissarput assigiinngitsorpassuartigut isumagisimavaa, ilimagaali uaguttaaq nammineq iliuuseqassasugut. Ataani taaneqartut ikiorsinnaavaatsit.

• Siumoortumik peqqussut nalinginnaasoq nassatariuartaruk.

• Meeqqavit tamatigut kinaassutsimut allagartamik ungasinngitsukkut saqummersinneqartumik nassataqarnissaat isumagiuk.

• Rigets Tjeneste-mut novembari 1992-imoortumut ilanngussaq uteqqiguk, nakorsat kommunemilu isumaginninnermi ataatsimiititaliap eqqartuussisullu meeqqavit nakorsarneqarnissaat pillugu oqaloqatiginissaannut sungiusarit.

• Aap akuanik sanaat aammullu taarsiullugu atorneqartartut pillugit allaaserisat uteqqikkit. (Siunnersuutit: Vagttårnet 1. oktobari 1994-imoortoq, qupperneq 31; 1. juuni 1990-imoortoq,quppernerit 30, 31; 1. marsi 1989-imoortoq, quppernerit 30, 31; Vågn op! 8. decembari 1994-imoortoq, quppernerit 23-27; 8. aggusti 1993-imoortoq, quppernerit 22-25; 22. novembari 1991-imoortoq, qupperneq 10; aamma Rigets Tjeneste-mut novembari 1992-imoortumut kiisalu januaari 1991-imoortumut ilanngussat. Immaqa naniuminarnerulersinniarlugit immikkut ungalulerlugit toqqorsinnaavatit.)

• Aalajangerit aappit timip avataani atortorissaarummi kaaviiaartinneqarnissaa aammalu aap akuinik sanaanik tunineqarnissat akuerisinnaaneritit. (’Nakorsarneqarnissaq pillugu siumoortumik peqqussut annertusisaq tamakkiisumillu piginnaatitsissut’ immersorukku, tamannalumi kajumissaarutiginarpoq, takutissinnaavat paasissutissinneqarnikkut nakorsarneqarnissamik qinersisimasutit.)

• Napparsimmavimmut unitsinneqassagaluaruit utoqqaanertat tamatuminnga nalunaarfigisinnaavatit, taakkununnga tapersersorsinnaaqqullutit pisariaqarpallu Napparsimmavinnut Attaveqartitat paasitissinnaaqqullugit. Meeraq pineqarpat utoqqaanertat qinnuigikkit sapinngisamik piaartumik Napparsimmavinnut Attaveqartitanut nalunaaruteqaqqullugit.

Erseqqissaaruk aalersortikkumanngivissutit: Nalunaarusiat takutippaat qatanngutit ilaasa kingusinaarpallaartumik nakorsaasussaq aalersortikkumannginnerminnik paasitittaraat. Taamaaliorneq nakorsanut eqqortuliornerunngilaq nakorsallu suleqataajumannginnerannik kinguneqarsinnaavoq. Nakorsat nalunngikkunikku qanoq upperisaqartutit, kissaatigisatillu peqqissaartumik sukumiisumillu allattorneqarsimappata atsiorneqarlutillu, nakorsaaniarnerminni kinguarsarneqassanngillat, tamannalu aalersuinatik nakorsaanissaannut periarfissaqarnerulersitsissaaq.

Qaqugukkulluunniit ajornartoortoqarsinnaammat, amerlanertigut ilimasunnginnerpaaffimmi, maannakkut sillimaniarluta iliuuseqartariaqarpugut uagut meeqqattalu kissaatiginngisamik aalersortinnissarput pinngitsoorniarlugu. — Uss. 16:20; 22:3.