Aalajangersimasumik oqaluussisartuuit?
1 Ukiumi kiffartuussiffiusumi 1998/99-imi oqaluussisartut 15.071-it amerlanerpaaffigaat, tamannalu qiimmaallannarpoq. Oqaluussisartulli ilaasa ukiup ingerlanerani qaammatit tamaasa aalajangersimasumik oqaluussinissartik ajornakusoortissimavaat, aalajangersimasumik oqaluussisartut 13.647-innaammata. Imatut paasillugu oqaluussisartut qulingiluaagaangata ataaseq qaammatit tamaasa kiffartornerminik nalunaaruteqartanngilaq. Isumaqarpugut tulliuttut kajumissaarutaajumaartut.
2 Pisinnaatitaaffik annertooq pingaartiguk: Guutip naalagaaffia pillugu nutaarsiassamik nuannersumik allanut oqaluussissinnaanermik pisinnaatitaaffik pingaartingaartariaqarparput. Tamanna Jehovap uummataanik nuannaartitseqataasarpoq ilumoortunillu inuunermut aqqutissiuussisarluni. (Uss. 27:11; 1 Tim. 4:16) Akuttoqatigiimmik oqaluussisarluni misilittagaqarnarnerusarpoq, nuannaarnarluni nalerisimaarnalunilu.
3 Kiffartornermit nalunaarit: Kiffartorsimasut ilaat piffissaatillugu nalunaaruteqanngitsoortarput. Isumaqartariaqanngilagut iliuuserisimasatta nalunaarutiginissaat pingaaruteqanngitsoq. (Naleqqiuguk Mákorse 12:41-44) Iliuuserisimasatta nalunaarutiginissaat pingaaruteqarpoq. Qanoq sivisutigisumik oqaluussisimanerluta ullorsiutinut allassimagutsigu qaammatip naanerani eqqortumik nalunaaruteqarnissatinnut eqqaasinneqassaagut.
4 Pisariaqartumik ikiuigit: Immaqa ilagiinni ikiortariaqartut aalajangersimasumik oqaluusseqataanissaannut tapersersornerusariaqarpavut. Ilagiinni allatsip atuakkamillu atuaqqissaaqatigiinnermi aqutsisup oqaluussisartut misilittagallit qinnuigisinnaavai isumassueqataaqqullugit. Meeraqaruit allamilluunniit kuisimanani oqaluussisartumik atuaqqissaaqateqaruit qaammatit tamaasa oqaluussisimanerminnik nalunaaruteqarnissaannik ilinniartikkit.
5 Inuunermik oqaluttuaq „Jehovamut kiffartorluni inuuneq sivisooq qujamasunnartoq“ Napasuliaq Alapernaarsuiffik-mi 1. oktobari 1997-mi allaaserisaq eqqaamaviuk? Tassani qatanngutip Ottilie Mydlandip Norgimiup oqaluttuaraa 1921-mi kuisinnginnermini qanoq ililluni aalajangersimasumik oqaluussisartunngorsimalluni. Ukiut 76-it qaangiunneranni, 99-nik ukioqarluni, oqarpoq: „Suli aalajangersimasumik oqaluussisinnaanera nuannaarutigeqaara.“ Isuma pitsaalluinnartoq tamanna Jehovap kiffaanut tamanut maligassaalluarpoq.