Nalunaarutit

◼ Neqeroorutissat kalaallisut: Maaji: Atuagassiat Napasuliaq Alapernaarsuiffik Iteritsi!-lu. Atuagaq ’Ilisarsineq’ imaluunniit atuagassiaaraq Guutip sumik piumaffigaatigut? Biibilimik atuaqqissaaqatissarsiornissinni atorsigit. Juuni: Guutip sumik piumaffigaatigut? imaluunniit Ilisarsineq inuunermut naassaanngitsumut sammisoq. Biibilimik atuaqqissaaqatitaarnissat pingaartiguk. Juuli aggustilu: Atuagassiaaqqat 32-nik quppernillit tulliuttut atorneqarsinnaapput: nâlagauvfik pâratîsimik pilersitsiumârtugssaĸ, Guutip ilumut soqutigaatigut?, nuname inûneĸ nâgssáungitsumik nuánârutigiuk!, Inuuneq sumik siunertaqarpa? Qanoq ililluni nanineqarsinnaava?, Toqusimasut anersaavi — ilinnik ikiuisinnaappat imaluunniit ajoqusiisinnaappat? Aammattaaq atuagassiaaraq Inunnut tamanut atuagaq tulluartinneqaraangat neqeroorutigineqarsinnaavoq.

◼ Nakkutilliisup siulittaasup taassumaluunniit toqqagaata juunip aallaqqaataani imaluunniit tamatuma kingorna piaarnerpaamik ilagiit naatsorsuutaat kukkunersiortariaqarpaat. Taama pisoqareerpat ilagiit nalunaarfigineqassapput.

◼ Oqaluussisartut eqqaaseqqittariaqarpavut Peqatigiiffiup adressia nassiussisutut atorneqassanngimmat. Tassani pineqarput allakkat atuagassialluunniit soqutiginnittunut, ’naammattuunngisanut’ imaluunniit inunnut ornikkuminaatsuni najugalinnut nassiuttakkat. Taamaattoqartillugu tamatigut nammineq ateq, adressi telefonillu normua allanneqatassapput. Taamaaliornissaq toqqissisimanartinneqanngippat inuttaanut sianiinnartoqarsinnavoq.

◼ Brooklynimi, Pattersonimi Wallkillimiluunniit qullersaqarfimmut pulaarnissaq pilersaarutigineqarpat, nalunaarutigisinnaavarput Peqatigiiffik hotelini qanittumiittuni immikkut akikilliliivigineqarmat. Washingtonimi Holocaust katersugaasivianut Canadamilu Betelinut pulaarnermi aamma taamaappoq. Pattersonimut pulaarusuttut Patterson Inn-imi ullut tallimat tikillugit inisimanissamik qinnuteqartoqarsinnaavoq. Hotelit taakku allattorsimaffii, Patterson Inn-imik paasissutissat immikkoortortaqarfimmi Holbækimiittumi nakkutilliisoq siulittaasoq aqqutigalugu piniarneqarsinnaapput.

◼ Naalagaaffilersaarfimmi katittoqaraangat nalinginnaasumik katitsitsisartoq oqalugiaateqartussaavoq. Qatanngummilli allamik oqalugiartoqanissaa kissaatigineqarpat kiffartornermut ataatsimiititaliap qulakkeertariaqarpaa qatanngut tamatuminnga suliakkerneqartoq utoqqaaneqatagiinnit akuerisaasoq. (Utoqqaanertaqatigiinnut tamanut allakkavut 11. maaji 1999-moortoq takukkit.) Peqatigiiffiup najoqqutassialiaa oqalugiaammut tunngavigineqassaaq.

◼ Siusinnerusukkut nalunaarutigineqaraluarpoq Silkeborgimi Herlufmaglemilu ussersorlutik oqaluttunut nutserisoqassanngitsoq. Tamannali allanngortinneqarpoq. Herlufmaglemiinnaq ulluni juulip 6-anit 8-anut ussersorlutik oqaluttunut nutserisoqassaaq.