Nalunaarutit
◼ Biibililersaarutit neqeroorutigisassavut apriilimi maajimilu: Atuagassiat. Soqutiginnittumut naqitaaraq Sallusuissut paaserusuppiuk? neqeroorutigineqassaaq Biibilimillu atuaqqissaaqatigineqalernissaa anguniarlugu. Eqqaaniaalluni nalliuttorsiornermut imaluunniit teokratiimik sammisanut allanut najuussimasunut, sulili ilagiinnut aalajangersimasumik najuuttanngitsunut pulaaqqiiguit, sapinngisamik atuagaq Biibilimi sorpiaat ajoqersuutigineqarpat? atorlugu atuaqqissaaqatiginiarlugu neqeroorfigiuk. Juunimi: Biibilimi sorpiaat ajoqersuutigineqarpat? Juulimi: Atuagassiaaqqat toqqakkat 32-nik quppernillit.
◼ Ataatsimeersuarnissaq sioqqullugu, ataatsimeersuarnissaq pillugu paasissutissat saqqummiunneqarniassammata, sapaatip akunnerani oqaluussinermut tunngasumik ataatsimiinnissaq allanngortinneqarsinnaavoq. Qaammat ataaseq marlulluunniit ataatsimeersuareernerup kingornatigut ataatsimeersuarnermi sammineqarsimasut pingaarnerit, oqaluussisartut oqaluussinerminni iluaqutigisimasaat sammisassami “Ilagiinnut naleqqussaaneq”-mi sammineqassapput.
◼ Nunamut allamut feeriartillutit ataatsimeersuariarniaruit paasissutissat iluaqutaasinnaasut nittartakkami www.pr2711.com-imi, quppigassami “Information”-imi “Områdestævner” toorukku nanisinnaavatit.