Oqaluussinermi angusat

Qaammatini pingasuni nuannersuni immikkut ittumik suliniareernerup kingorna Skandinaviami oqaluussinerup suli siuariartornera takullugu qiimmaallannarpoq. Juunimi oqaluussisartut 47.943-t katillugit 21.237-nik Biibilimik atuaqqissaaqateqarput, tamanna siorna juunimut sanilliullugu 6,7 procentinik siuariarneruvoq. Islandimi Biibilimik atuaqqissaaqatigineqartartut siorna juunimi 256-iusimallutik ukioq manna 297-inngoramik 16 procentinik amerleriarput. Savalimmiuni Biibilimik atuaqqissaaqatigineqartartut siorna 58-iusimagaluartik 91-inngorsimapput, tamanna 56 procentinik siuariarneruvoq! Ataatsimeersuarnissamut qaaqqusissutinik agguaagaluarluta 252.266-eriarluni pulaaqqiisoqarsimallunilu atuagassiat 500.000-t missaanniittut tunniunneqarsimapput. Tamatuma saniatigut quppersakkanik 27.882-inik tunniussisimanerput nuannaarutigisinnaavarput. Juunimi oqaluussinermi angusanit erserpoq inunnik ‘qinngaqqunnanngitsunik’ ujaasinitsinni sapinngisatsinnik iliuuseqartartugut. — Matt. 10:11, 1936.