Meeqqap matu ammarpagu

Meeqqap matu ammarpagu angajoqqaavi oqaloqatigisinnaanerlugit aperisariaqarpugut. Tamanna angajoqqaat oqartussaanerannik ataqqinninnermik ersersitsinerussaaq. (Uss 6:20) Meeqqap iseqquppatigut inussiarnersumik naaggaassaagut. Angajoqqaat pisinnaanngippata kingusinnerusukkut uteqqittariaqarpugut.

Inuusuttup matu ammarpagu naliliisinnaasariaqarpugut. Immaqa aperisinnaavarput angajoqqaavisa nammineq atuagassaminik toqqaasittarneraat. Taamaappat atuagassianik neqeroorfigisinnaavarput jw.org-imullu innersuussilluta.

Inuusuttoq soqutiginninnermik ersersitsisoq pulaaqqikkutsigu angajoqqaavi oqaloqatigiumasariaqarpavut. Tamanna aggernitsinnut pissutaasumik nassuiaanissatsinnut Biibilimilu ilaqutariinnut siunnersuummik tutsuiginartumik takutitsinissamut iluaqutigissavarput. (Tuss 119:86, 138) Angajoqqaanut ataqqinninnermik innimittarnermillu ersersitsinerput nalunaajaataalluarsinnaavoq nutaarsiassanillu nuannersunik allanik ilaqutariinnut avitseqateqarnissamut periarfissaasinnaalluni. – 1 Petr 2:12.