Guutip naalagaaffia oqaluussis­sutiginiarlugu novembarimi immikkut suliniuteqarneq

Jiisusi ‘Guutip naalagaaf­fianik iivangkiiliumik tusarlius­sivoq’. (Luk 4:43) Aam­ma naalagaaf­fiup tamatuma tikiun­nis­saanik qin­nutigin­nin­nis­samik ilin­niar­titsivoq. (Matt 6:9, 10) Novembarimi Guutip naalagaaf­fianik oqaluus­sis­sutigin­nin­niarluta im­mik­kut suliniuteqas­saagut. (Matt 24:14) Tamatumin­nga im­mik­kut suliniuteqar­nermi tamak­kiisumik peqataajumal­lutit pilersaarusiorit. Ikior­ti-pioneritut kif­far­tor­tut tamarmik qaam­mam­mi tamatumani nalunaaqut­tap-akun­nerinik 30-nik 50-inil­luun­niit angusaqar­niarlutik aalajangersin­naap­put.

Al­las­simaf­fim­mik Guutip naalagaaf­fianut tun­ngasumik angalaarfigisar­tak­kan­ni inuit sapin­ngisamik amerlaner­paat atuf­fatik­kit. Al­las­simaf­fim­mik toq­qaanin­ni tusar­naar­tivit up­perisaat eq­qarsaatigisaruk. Pulaaq­qaar­nin­ni soqutigin­nit­tut Napasuliaq Alapernaarsuiffik-mik nr. 2, 2020-moor­tumik tunisak­kit. Taava suk­kaner­paamik uterfigeq­qiguk, atuagas­sarlu ilin­niar­titsinermi ator­tak­katsin­neersoq atorlugu misiliil­lutit Biibilimik atuaq­qis­saar­nermik aal­lar­niigit. Qanit­tuk­kut Guutip naalagaaf­fiata naalagaaf­fiit im­minik akerlilersuisut tamaasa suujun­naarsis­savai. (Dan 2:44; 1 Kor 15:24, 25) Taamaat­tumik Jehovamut taas­sumalu naalagaaf­fianut ililiun­nitsin­nik ersersitsinis­samut periarfis­saq im­mik­kut it­toq man­na qanor­toq atorluarisigu!