Uppertuuit?

Jehovamit iluarisaas­sagutta uppertuusariaqarpugut. Biibilimili allassimavoq ‘inuit ilaannaat uppertuusut’. (Tes 2. 3:2) Uani apustilip Paulusip pivaa imminik malersuisut, tassa ‘inuit ajortut ajoqusiiniartullu’, uppertuun­ngitsut. Aammali inuit allat uppertuun­ngitsutut oqaatigineqarsin­naapput. Ilaasa Pinngor­titsisoqar­neranut uppernarsaatit upperiuman­nginnamikkit sumigin­narpaat. (Rom 1:20) Allat immaqa oqarput pissaanilinnik anersaaqarnera upperalugu. Jehovamilli iluarisaas­sagaanni taamatut upperneq naammanngilaq.

Jehovap piviusuunera upperluar­tunillu ‘akissarsisitsisarnera’ upperil­luinnar­tariaqarpagut. (Hebr 11:6) Upperneq Guutip anersaavata illernartup inerititaasa ilagaat. Anersaaq illernartoq piumallugu Jehovamut qinnutigisariaqarparput. (Luk 11:9, 10, 13) Aamma Guutip oqaasia isumassarsiarititaasoq, tassa Biibili, atuartarutsigu anersaamik illernartumik tunineqarsin­naavugut. Atuakkagut eqqarsaatigeq­qissaarutsigit ilikkak­kagullu maleruar­niarutsigit Guutip anersaavanit inuunitsinni sunnertis­sinnaavugut. Taamaaliorutta Jehovap iluarisaanik uppertuunerput ersersit­tassavarput.