Peqqissaarlutit misissuinikkut anersaakkut ilimasuttuarit

Danieli 9:1-19 atuariarlugit sooq peqqissaarluni misissuineq pingaaruteqarnersoq paasiniaruk.

Ataqatigiinneri misissukkit. Taamani qanoq pisoqaq­qammersimava, Daanialillu pisut qanoq sunnerneqaatigai? (Dan 5:29–6:5) Daanialiusimasuuguit qanoq misigis­sagaluarpit?

Immikkuualuttortai misissukkit. Mappersagaq Daanialip atuarsimasaa suusimasinnaava? (Dan 9:2; w11-D 1/1 22 § 2) Qinnutaani Danieli 9:11-13 allassimasumi qanoq ersersin­neqarpa Guutip oqaasianik peqqissaarluni misissuisartuusoq? – Mos 3. 26:39-42; Kng 1. 8:46-50.

Ilikkakkatit eqqarsaatigikkit. Uku eqqarsaatigikkit:

• ‘Nunarsuarmi pisartut qanoq allamut saasaatiginaveersaarsin­naavakka?’ (Mika 7:7)

• ‘Daaniali ilaarlugu Biibili peqqissaarlunga misissorukku qanoq iluaqutigissavara?’ (w04 1/9 12 § 17)

• ‘“Ilimasut­tuassaguma” suut misissorsin­naavakka?’ (Mat 24:42, 44; w12 1/8 13 § 7-8)