4 Isumakkeerfiginninneq

QANOQ ISUMAQARTOQ

Isumak­keerfigin­nin­neq isumaqar­poq kuk­kus­sutinik kamas­sutigisanil­luun­niit puiuineq. Isumaqanngilaq kuk­kus­sum­mik soqutaan­ngitsutut isigin­nin­neq pisiman­ngisaan­nar­tutul­luun­niit pis­susilersor­neq.

BIIBILIMI NAJOQQUTASSIAQ: “Kamageqatigiigitsi isumakkeerfigeqatigiittarlusilu arlassinnut assuarliutissaqaraangassi.” – Kolossemiut 3:13.

“Asan­nik­kaangavit asasavit naam­mal­luin­nan­ngis­sutai isiginiar­neruneq ajor­patit, inut­tul­li qanoq pis­suseqar­niar­nera isiginiar­nerusar­pat.” – Aaron.

SOOQ PINGAARUTEQARTOQ

Kamas­simajuar­neq timik­kut misigis­sutsik­kul­lu ajoqutigisin­naavat – aam­ma aap­pariin­nis­sin­nut ajoqutaas­saaq.

“Ilaan­ni uiga ajual­laatigingaagara pil­lugu utoq­qatser­poq. Sivitsor­toq aatsaat isumak­keerfigigak­ku peq­qis­simivunga. Pisariaqan­ngitsumik aap­pariin­nitsin­ni nuan­niil­lior­titsisimavunga.” – Julia.

QANOQ ILIORSINNAASUTIT

IMMINUT APERIGIT

Aap­pat ajual­las­sutigisan­nik iliuuseqar­pat oqaaseqar­pal­luun­niit im­minut ima aperigit:

• ‘Misik­karip­pal­laar­punga?’

• ‘Kuk­kus­sutaa ima ingasatsigaa utoq­qatserfigineqar­tariaqarlunga, puiuin­narsin­naavaraluun­niit?’

AAPPALLU OQALOQATIGIIGITSI

• Aap­parma isumak­keerfiginis­saata tungaanut qanoq sivisutigisar­pa?

• Piaar­nerusumik isumak­keerfigeqatigiik­kumal­luta susin­naavugut?

SIUNNERSUUTIT

• Ajual­lak­kaangavit aap­pat ajor­tumik pis­suteqarsorisas­san­ngilat.

• Aap­par­pit pis­susii utoq­qatsis­sutis­sarsior­tak­kit eq­qaamal­lugu ‘tamat­ta amerlasuunik kuk­kus­suteqar­tar­tugut’. – Jaaku 3:2.

“Kuk­kus­suteqar­tut marluugaangata isumak­keerfigeqatigiin­neq ajor­nan­ngin­nerusar­poq, aap­paan­naali kuk­kus­suteqaraangat saper­nar­nerusar­poq. Utoq­qatser­tumik isumak­keerfigin­nis­sagaan­ni maniguutivit­tariaqar­poq.” – Kimberly.

BIIBILIMI NAJOQQUTASSIAQ: “Isumaqatigilipallanniaruk.” – Matthæusi 5:25.