10 Tatiginartuuneq

QANOQ ISUMAQARTOQ

Inuit tatiginar­tuusut najoq­qutatik maleruar­tar­paat, neriorsuutitik eq­qor­tit­tar­paat ilumoor­tumil­lu oqalut­tarlutik. Inut­tut taamaat­tuugamik angajoq­qaamin­nit, ikin­ngutimin­nit sulisitsisumin­nil­lu tatigineqar­tar­put.

SOOQ PINGAARUTEQARTOQ

Pif­fis­sap ingerlanerani ersersit­taruk­ku tatiginar­tuul­lutit sutigut tamatigungajak kif­faan­ngis­suseqar­titaanerulis­saatit.

“Angajoq­qaan­nit tatigineqarumal­lutit iliuuserisin­naasat pitsaaner­paaq tas­saavoq isigineqan­ngik­kaluaruil­luun­niit inersimal­luar­tuunermik akisus­saaf­feqar­nermil­lu ersersitsinerit.” – Sarahi.

BIIBILIMI NAJOQQUTASSIAQ: “Suliamigut takutilligit.” – Jaaku 3:13.

QANOQ ILIORSINNAASUTIT

Tatigineqar­nerorusuk­kuit tatigineqaq­qilerusuk­kuil­luun­niit uku iluaqutigisin­naavatit.

Unneqqarissuugit. Sal­lu tatigineqarun­naarsitsipal­lan­ner­paasar­poq. Aap­paatigul­li – ingam­mik kuk­kus­sutitit pil­lugit – am­maguit un­neq­qaril­lutil­lu al­lanit tatigineqalis­saatit.

“Ingerlal­luar­til­luni un­neq­qaris­suuneq ajor­nan­ngit­taqaaq. Nuan­nin­ngitsumil­li isigineqalis­sutaasin­naasoq pil­lugu un­neq­qarik­kuit tatigineqar­nerulis­saatit.” – Caiman.

BIIBILIMI NAJOQQUTASSIAQ: ‘Tamatigut eqqortumik iliorumasarpugut.’ – Hebræerit 13:18.

Tatiginartuuneq. USA-mi isumasiuineq naaper­torlugu sulisus­sarsiorfim­mi sulisut 78 procentii oqar­put tatiginar­tuuneq “pigin­naanerit sulisitsisup sulisus­sarsior­nermini pingaar­ner­paar­titaasa pingasut ilagigaat”. Maan­na tatiginar­tuuneq ilik­karuk­ku inersimasutut iluaqutigis­savat.

“Angajoq­qaama eq­qaasit­taqat­taan­ngik­kaluarlunga akisus­saas­susermik ersersitsigaangama sulias­sak­kalu suliarigaangak­kit maluginiar­tar­paat. Taamaalior­nerujar­tor­til­lunga tatiginerujar­tor­paan­nga.” – Sarah.

BIIBILIMI NAJOQQUTASSIAQ: ‘Qularutiginngilara naalakkumaarimma, nalunngilarami qinnutigisara akimorlugu iliorumaartutit.’ – Fiilimuut 21.

Erinitsajuigit. Timik­kut al­liar­tor­neq al­lanit malugineqapal­lat­tar­poq, misigis­sutsik­kul­li isumak­kul­lu ineriar­tor­neq malugineqas­saguni pif­fis­saq ingerlaq­qaar­tariaqar­tar­poq.

“Iliuuseq ataasiin­naq angajoq­qaan­nit al­lanil­lu tatigineqaatigilersin­naan­ngilat. Pif­fis­sal­li ingerlanerani akisus­saas­suseqar­tuaruit tatigineqar­nerujar­tus­saatit.” – Brandon.

BIIBILIMI NAJOQQUTASSIAQ: ‘Atiniarsiuk naammagittassuseq.’ – Kolossemiut 3:12.