Uippakajaaruit iliuuserisinnaasatit

Ullut ataasiakkaarniar­sarikkit

“Aqagus­saq isumakuluutigeqinasiuk; aqagus­saq nam­mineq piminik isumakuluutis­saqas­saaq.” – MAT­THÆUSI 6:34.

Isumaa: Ul­luin­nar­ni isumakuluuteqar­neq nalingin­naavoq. Isumakulup­pal­laalerumanal­li isumakuluutitit aqagus­sami isumakuluutis­sanik ilaar­tor­taqinagit. Ul­lut ataasiak­kaar­niarsarik­kit.

• Uip­pakajaar­tut an­nilaangasun­ngorsin­naap­put. Taamaat­tumik uku eq­qarsaatigik­kit: Siul­ler­tut, uip­pakajaar­neq pin­ngitsuuin­neqarsin­naan­ngilaq. Iliuuseqarfigisin­naan­ngisat isumakuluutigineri uip­pakajar­nerulersitsisar­put. Aap­pas­saat­tut, amerlaner­tigut an­nilaangagisatsitut pisoqar­neq ajor­poq.

Ingasaassinian­ngitsuugit

‘Ilisimas­sut pavan­nga pisoq ingasaas­sinian­ngitsuuvoq.’ – JAAKU 3:17, New World Translation.

Isumaa: Peq­qis­saar­niar­pal­laar­taqinak. Im­minut al­lanul­lu piumaf­figin­nip­pal­laar­taqinak.

• Naleq­qut­tunik ingasaas­sinian­ngitsunil­lu najoq­qutaqarit, nam­mineq pigin­naasavit al­lal­lu pigin­naasaasa kil­leqar­nerat eq­qumaf­figisak­kit. Taamaalior­taruit il­lit al­lal­lu uip­pakajaar­pal­laarun­naas­sal­lusilu angusaqarluar­nerusin­naavusi. Aam­ma qiimasuusarit. Il­laraangavit – ajor­toqaraluaraangal­luun­niit – qasuk­kaamisas­saatit nuan­naar­nerulerlutil­lu.

Uippakajaarutigisar­takkatit ilisimakkit

“Im­minut naalak­kersin­naasoq angutaavoq silas­soris­soq.” – US­SATIT 17:27.

Isumaa: Misigis­sutsit nuan­niitsut eq­qarsar­taatsimut ajoqutaasarmata eq­qis­sisimaniar­tuugit.

• Uip­pakajaarutigisar­tak­kavit suuneri qanorlu qisuariarfigisar­neritit paasiniak­kit. As­sersuutigalugu uip­pakajaaraangavit eq­qarsaatitit, misigis­sutsitit pis­susilersoriaatsil­lu maluginiar­tak­kit im­maqalu al­lat­torlugit. Qisuariar­tar­nip­pit eq­qumaf­figineruneratigut uip­pakajaar­nerit iliuuseqarfigil­luar­nerusin­naavat. Uip­pakajaarutigisar­tak­katil­lu an­nikil­lisak­kit. Taamaaliorsin­naan­ngik­kuit uip­pakajaar­pal­laalerumanak suliarisar­tak­katit pitsaanerusumik suliarineqarsin­naanersut pif­fis­samil­luun­niit atuil­luar­nerusin­naanersutit eq­qarsaatigiuk.

• Eq­qarsar­taatsit al­lan­ngor­tin­niarsariuk. Uip­pakajaarutigisar­tak­kat im­maqa al­lat uip­pakajaarutigineq ajor­paat. Isigin­nit­taaseq apeq­qutasin­naavoq. Siun­nersuutit uku pingasut misilik­kit:

  1. Al­lat iliuutsimin­nut pis­sutigisaat ajor­tuusorisaqinagu. Im­maqa siuleriiaarlutik utaq­qisuniitil­lutit qaanger­neqar­putit. Isum­meruit inuk taan­na pis­susilut­tuusoq kamaam­mersin­naavutit. Im­maqali pis­sutis­saqarluarluni taamaalior­poq. Taamaas­soriguk­ku kamaam­mis­san­ngilatit.

  2. Pisut ajun­ngitsor­tai isiginiar­tak­kit. Nakorsiar­tarfim­mi mit­tarfim­miluun­niit utaq­qerusaar­neq uip­pak­kajaar­nan­ngin­nerusar­poq atuaraan­ni, suliaqaraan­ni imaluun­niit e-maileraan­ni.

  3. Uungaan­naq isigeqinak. Im­minut ima aperigit: ‘Maan­nak­kut ajor­nar­torsiutaasoq aqagu sapaatip-akun­nerataluun­niit tul­liani suli ajor­nar­torsiuterujus­suus­sava?’ Ajor­nar­torsiutit ilungersunan­ngin­nerusut ilungersunar­nerusunit im­mik­koor­tis­sin­naasak­kit.

Torersumik inooriaaseqarit

“[Suut] tamarmik ip­pin­nan­ngitsumik torersumil­lu ingerlalit.” – 1 KORINTHIMIUT 14:40.

Isumaa: Inooriaatsit torersuutin­niar­tuaruk.

• Ingasaas­siniar­tuun­ngik­kaluarluta inooriaaser­put torersuutik­kusup­par­put. Kinguar­titerisar­neq torersuujun­naarsitsisin­naal­lunilu uip­pakajaalersitsisin­naavoq, sulias­sam­mi naam­mas­sineqan­ngitsut amerliar­tuin­nas­sap­put. Siun­nersuutit uku marluk misilik­kit.

  1. Piviusorsior­tumik pilersaarusior­tarit taman­nalu maleruar­tarlugu.

  2. Sooq kinguar­titerisar­nerlutit paasiniaruk aaq­qiil­lutil­lu.

Inuuninni oqimaaqatigiissaarisarit

“Pitsaaneruvoq itum­map ataasiin­naap imaanik peqaraan­ni qasuersaarsin­naal­lunilu itum­mat il­lut­tut suleruloor­nik­kut ulik­kaar­neran­nit anorimil­lu tigusiniarsarinermit.” – OQALUUS­SISAR­TUP OQAASII 4:6.

Isumaa: Suliuaan­nar­tut “suleruloor­nik­kut” pis­sarsiatik iluaqutigin­ngitsoorsin­naavaat. Pis­sarsiamik nuan­naarutiginis­saan­nut pif­fis­saarus­sin­naap­put nukis­saarul­lutil­luun­niit.

• Sulineq aningaasal­lu pil­lugit eq­qor­tumik isigin­nit­taaseqarit. Aningaasaateqar­nerugaan­ni imaan­ngilaq pil­luar­nar­nerusoq uip­pakajaar­nan­ngin­nerusorluun­niit. Tas­sami Oqaluus­sisar­tup oqaasii 5:11-imi ima al­las­simasoq ilumoor­poq: “Pisooq pisuus­sutaasa sinitsaalior­tar­paat.” Akis­saqar­tin­ngisatit aningaasar­tuutigisaqinagit.

• Qasuersaar­nis­samut pif­fis­saqar­tarit. Nuan­narisatit sam­migaangak­kit uip­pakajaarun­naamisar­putit. Unin­ngaan­narlunili qasuersaar­neq, soorlu fjer­nsyner­neq, im­maqa iluaqutaanavian­ngilaq.

• Ator­toris­saarutinik elektroniskiusunik atuisar­nerit kil­leqar­tiguk. SMS-it, e-mailit inter­netik­kul­luun­niit at­taveqaqatigiit­tarfiit alak­kaqat­taar­taqinagit. Sulin­ngitsil­lutit e-mailit sulinermut tun­ngasut pisariaqavin­ngip­pat alak­kar­taqinagit.

Peqqissutsit paariuk

‘Timik­kut sungiusar­nerit iluaqutaasar­put.’ – 1 TIMOTHEUSI 4:8.

Isumaa: Timersor­tar­neq peq­qin­nar­tuuvoq.

• Peq­qin­nerujumal­lutit ileq­qoris­saar­tuugit. Timip aalatit­tar­nera isumagis­sinarsin­naavoq uip­pakajaar­nermul­lu timip­pit qisuariar­tar­neranut iluaqutaasin­naal­luni. Peq­qin­nar­tunik nerisaqar­tarit nerif­fis­sanilu nerin­ngitsoor­tar­nak. Qasuersaarluar­tarit.

• Uip­pakajaar­nerit ajoqutaagin­nar­tunik, soorlu pujor­tar­nermik, ikiaroor­nermik imigas­samil­lu ator­nerluinermik, “aaq­qiis­sutis­sarsior­taqinagu”. Tamak­kunin­ngami ator­nerluinerit peq­qiil­lior­titsisaramik suleruloor­nik­kul­luun­niit aningaasarsianik atuipilutsitsisaramik pif­fis­sap ingerlanerani uip­pakajaar­nerulersitsiin­nar­tar­put.

• Uip­pakajaar­neq pis­sutigalugu ar­torsaruit nakorsiarit. Nakorsamut ikioq­quneq peq­qusiileqinar­tuun­ngilaq.

Pingaarnersiuigit

‘Suna pingaar­tit­tariaqar­toq paasiniarsiuk.’ – FILIP­PIMIUT 1:10.

Isumaa: Suut pingaar­tin­nerunerlugit eq­qarsaatigil­luaruk.

• Sulias­satit al­lat­tuk­kit, pingaar­tin­nerusatit siul­liul­lugit. Taamaalioruit al­lamut saasar­tin­nak sulias­san­nik pingaar­nersiuisin­naas­saatit, paasis­saval­lu sorliit suliarisariaqan­ngik­kitit, sorliit kingusin­nerusuk­kut suliarisin­naaneritit sorliil­lu al­lamut sulias­siis­sutigisin­naaneritit.

• Sapaatip-akun­nerata ingerlanerani pif­fis­san­nik qanoq atuinerlutit al­lat­tuigit. Pif­fis­samik atorluaanerusin­naanerlutit eq­qarsaatigiuk. Pif­fis­samik atuinin­ni im­minut naalak­kersin­naanerujar­tor­til­lutit uip­pakajaan­ngin­nerulis­saatit.

• Aalajangersimasumik qasuersaarfeqar­tarit. Sivikitsuin­narmil­luun­niit qasuersaaraluaraangavit nukis­saqalerlutil­lu uip­pakajaan­ngin­nerulersin­naavutit.

Ikiortissarsiortarit

“Isumakuluuteqar­nerup inuup uum­mataa ar­torsaatis­sit­tar­paa, qiim­mas­saal­lunili oqaaserisat nuan­naalersit­tar­paat.” – US­SATIT 12:25.

Isumaa: Al­lat inus­siar­nersumik oqaasii misigin­neqatigin­nin­neral­lu iluaal­laatigisin­naavatit.

• Paasin­nil­luar­tar­tumik oqaloqateqar­tarit. Tatigisap­pit al­latut isigin­nit­taaseqaleq­qul­lutit ikiorsin­naavaatit im­maqalu eq­qarsaatigisiman­ngisan­nik siun­nersuuteqarluni. Aniatitsineriin­naal­luun­niit iluaal­laatigisin­naavat.

• Ikior­tis­sarsior­tarit. Sulias­savit ilai al­lamut suliaritis­sin­naavigit suleqatiserin­nil­lutil­luun­niit?

• Suleqatit uip­pakajaar­nariguk­ku qanoq atoruminarsaasin­naanerlutit eq­qarsaatigiuk. As­sersuutigalugu qanoq misigitit­tar­neraatit periaaseril­lutit oqalut­tuus­sin­naaviuk? (Us­satit 17:27) Taman­na kinguneqarluan­ngip­pat taas­suma peqatigisar­nera kil­lilersimaarsin­naaviuk?

Guutimit siulersorneqar­tariaqarnerit ilisimaariuk

“Pil­luar­poq ... Naalak­kap inatsisaanik nuan­narisaqar­toq.” – TUS­SIAAT 1:1, 2.

Isumaa: Nerisas­saqar­neq, atisas­saqar­neq ineqar­nerlu inun­nut naam­man­ngilaq. Aam­ma anersaak­kut it­tut pisariaqar­tip­pavut. Pil­luas­sagut­ta pisariaqar­titar­put taman­na eq­qumaf­figalugulu iliuuseqarfigisariaqar­par­put.

• Qinuneq iluaqutaangaarsin­naavoq. Guutip kajumis­saar­paatigut ‘isumakuluutivut tamaasa taas­sumun­nga pisis­sagivut isumas­soramisigut’. (1 Petrusi 5:7) Qinuneq ineriar­tor­nar­tunil­lu eq­qarsaatigin­nin­neq eq­qis­singaar­nermik kinguneqarsin­naavoq. – Filip­pimiut 4:6, 7.

• Guutimut qanil­lis­sutigisin­naasan­nik atuar­tarit. Atuagas­siami matumani najoq­qutas­siat sam­mineqar­tut Biibilimeersuup­put. Biibili Guutimut qanil­lis­sutigisin­naasatsitut al­lataavoq. Najoq­qutas­sial­lu Biibilimeersut ilisimas­suseqalersitsisar­put. (Us­satit 3:21) Soormi Biibilip atuar­nis­saa anguniagariguk­ku? Atuagar­taasa ilaat Us­satit aal­lar­tis­sutaal­luarsin­naavoq.