Teknologiip sunniutai ikinnguteqarninnut

Teknologiili kisiat atorlugu at­taveqaqatigiit­tar­tut uku ajor­nar­torsiutigik­kajup­paat:

• Misigin­neqataasin­naar­pian­ngin­neq.

• Kiserlioq­qajaaneq.

• Im­minut eq­qarsaatigineruneq.

EQQUMAFFIGISASSAT

MISIGINNEQATAANEQ

Ikin­nguter­put misigin­neqatigis­sagutsigu misigis­susiisa eq­qarsaatigil­luar­nis­saat pif­fis­saqarfigisariaqar­par­put. Taman­nali ajor­nakusoor­narsin­naavoq al­laqater­pas­suaqar­tarut­ta inter­netik­kul­lu at­taveqaqatigiit­tarfiit sam­mival­laar­tarutsigit.

Al­laqater­pas­suaqar­taruit imaas­sin­naavoq tamaasa akiniapal­lat­taritit kik­kul­lu ikior­neqar­nis­samin­nik pisariaqar­titsivin­nersut maluginian­ngitsoorlugit. Taamaap­pat teknologii ajoqutigilersimas­savat.

EQQARSAATIGIUK: Ikin­ngutivit al­laqatiginerini misigin­neqataanerit qanoq ersersis­sin­naaviuk? – 1 PETRUSI 3:8.

KISERLIORNEQ

Misis­suinerit ilaan­ni paasineqar­poq inup­pas­suit at­taveqaqatigiit­tarfin­nik atuiner­tik nikal­lor­nerulis­sutigisaraat. Paasineqar­pormi as­sinik inuit al­lat ik­kus­saan­nik isigin­naar­tar­tut “pif­fis­saajaan­nar­tutut misigilersin­naasut”.

Aam­mali as­siniit­tut amerlasuutigut nuan­nisar­pasit­tarmata inuit ilaat misigilersin­naap­put kik­kut tamarmik pis­sanganar­torsior­tut nam­min­nerli inuuner­tik pik­kunaatsuin­naasoq.

EQQARSAATIGIUK: Inter­netik­kut at­taveqaqatigiit­tarfin­nik atuinin­ni qanoq al­lanut naleq­qiun­naveersaarsin­naavit? – GALATIAMIUT 6:4.

IMMINUT EQQARSAATIGIVALLAARNEQ

Ilin­niar­titsisup ataatsip maluginiarsimavaa atuar­tut ilaat tapersersor­tigisin­naasamin­nik taamaal­laat ikin­nguteqarusut­tar­tut. Inuit taamaat­tut nam­mineq iluaqutis­sar­tik kisiat eq­qarsaatigisar­paat. Isumaqalersin­naap­put ikin­ngutit misigis­suseqan­ngitsut taamaal­laal­lu pisariaqar­titsinermi at­tavigineqas­sasut.

EQQARSAATIGIUK: Inter­netik­kut ik­kus­satit pis­sutigalugit inuit isumaqalersin­naap­pat il­lit al­lanit kak­kan­neruniar­tar­tutit im­minul­lu eq­qarsaatigival­laar­tutit? – GALATIAMIUT 5:26.

ILIUUSERISINNAASAT

ATUISARNERIT EQQARSAATIGIUK

Teknologiimik atuisar­nerit eq­qumaf­figiguk­ku ikin­ngutin­nut at­taveqarluar­nis­samut qanil­linis­samul­lu iluaqutigisin­naavat.

Siunnersuutit misilikkusutatit toqqakkit, namminerluunniit siunnersuutitit allattukkit.

• Ikin­ngutitit al­laqatigiin­nar­nagit oqaloqatigisak­kit

• Oqaloqateqaraangavit mobiilit nipaarutsit­taruk

• Inter­netik­kut at­taveqaqatigiit­tarfin­nik atuinerit an­nikil­lisaruk

• Tusar­naal­laq­qin­nerulerit

• Ikin­ngut atugarlior­toq saaf­figiuk