2 | Inuussutis­sarsior­nerit paarilluaruk

SOOQ PINGAARUTEQARTOQ

Inup­pas­suit pisariaqavis­sut pis­sarsiariumal­lugit ullut tamaasa tamaviaar­tar­put. Ajoraluar­tumillu alianar­tut pis­sutsinik ajor­nerulersitsiin­nar­tar­put. Sooq?

• Sumiif­finni atugarliorfiusuni nerisas­sanut ineqar­nermullu akit qaf­fat­tar­put.

• Sulif­fis­saaleqisut amerlisarlutil­luun­niit akis­sarsiat appar­tar­put.

• Ajunaar­nersuarmi niuer­tarfiit, angerlarsimaf­fiit pigisallu allat ajoquserlutil­luun­niit aseruatiter­tarmata amerlasuut piitsun­ngor­tar­put.

Ilisimasariaqakkatit

• Aningaasanik aqutsil­luar­taruit alianar­tumik nalaataqar­nis­samut piareersimal­luar­nerus­saatit.

• Eqqaamas­savat aningaasaatitit, sipaak­katit pigisatillu allat naleerus­sin­naam­mata.

• Pingaarutil­lit ilaat, soorlu pil­luar­neq ilaqutariit­tullu ataqatigiin­neq, pisiarineqarsin­nan­ngil­lat.

Maanna iliuuserisinnaasatit

Biibilimi allassimavoq: “Nerisas­saqarlutalu atisas­saqarutta nalerisimaas­saagut.” – Timuutiusimut 1. 6:8.

Nalerisimaaraangatta pisariaqar­titagut naam­magisimaar­tar­pagut. Inuus­sutis­sarsior­ner­put sun­ner­neqaraangat tamanna pingaaruteqarluin­nar­tar­poq.

Nalerisimaalerumal­lutit inooriaatsit naleq­qus­sar­tariaqarsin­naavat. Aningaasaatitit sip­porlugit atuisaruit ajor­nar­torsiuteqar­nerulis­saatit.