4 | Neriulluartuarit

SOOQ PINGAARUTEQARTOQ

Alianar­tut pil­lugit ernumas­suteqar­neq timik­kut misigis­sutsik­kullu sun­niuteqarsin­naavoq. Tamak­kunin­nga nalaataqarsimasut amerlasuut siunis­saq pil­lugu isumal­luan­ngil­lat. Qanoq qisuariar­tar­pat?

• Ilaasa allaat siunis­saq eqqarsaatigerusun­neq ajor­paat.

• Allat ernumajun­naar­niarlutik imigas­samik aan­ngajaar­niutinillu atuisar­put.

• Amerlan­ngitsut toqorusun­nerusar­put. Aperisar­put: “Sooq inuuin­nas­saanga?”

Ilisimasariaqakkatit

• Ajor­nar­torsiutivit ilaat imaas­sin­naavoq sivikitsuusut ajun­ngin­neruleriataar­tullu.

• Atuk­katit allan­ngun­ngik­kaluar­tut piner­tusaarumal­lutit iliuuseqarsin­naavutit.

• Biibilimi neriorsuutigineqar­poq inuit ajor­nar­torsiutaat aaq­qil­luin­nar­neqas­sasut.

Maanna iliuuserisinnaasatit

Biibilimi allassimavoq: “Aqagus­saq isumakuluutigeqinasiuk, aqagumi allanik isumakuluutis­saqas­saaq. Ullormi ajor­nar­torsiutaasut aaq­qin­niaan­nar­tas­savasi.” – Matiusi 6:34.

Ullunik ataasiak­kaarigit. Aqagumut isumakuluutitit pis­sutigalugit ullumi akisus­saaf­fitit sumigin­naqinagit.

Qanoq pisoqarsinnaaneranik ernumanerit uip­pakajaar­nerulis­sutigiin­narlugulu siunis­samut neriul­luarun­naas­sutigis­savat.

Biibilimi neriuut piviusoq

Itsaq tus­siaasior­toq Guutimut ima qinuvoq: “Oqaatsitit naneruaraakka isik­kan­nut, qaam­maq­qutigalugillu aqqutinni.” (Tus­siaat 119:105) Biibili – Guutip oqaasia – taamator­piaq ittoq eqqarsaatigiuk.

Unnuak­kut taar­tumi naneruaq suk­koor­nis­sap aalajanger­nis­saanut iluaqutigisar­par­put. Taamatut­taaq saper­nar­tumik aalajangigas­saqar­nermi siulersor­tigisin­naasatsin­nik Biibilimi siun­nersuuteqar­poq iluaqutaasunik.

Qaam­maq­qut aqqummi siunitsin­niit­tunik takusinis­samut iluaqutaavoq. Taamatut­taaq siunis­saq pil­lugu neriul­luaq­qul­luta Biibilip qaam­marsarsin­naavaatigut.