PISIASSAT AKITSORNERINI SUSINNAAVIT?
Piviusorsiortuugit
Akit qaffakkiartoruusaarnerat immaqa malunnarneq ajorpoq, ingammik akissarsiat malinnaagaangata. Akilli qaffapilooraangata akissarsiallu nikinnatik ernumalersinnaavugut uippakajaalerlutalu, ingammik pilersortariaqakkatsinnik ilaqutaqarutta.
Suut tamarmik akitsoriartornerat iliuuseqarfigisinnaanngilarput. Piviusorsiortuuguttali pissutsillu taamaanneri akuerigutsigit pissutsit atukkagut atoruminarsarsinnaavagut.
SOOQ PINGAARUTEQARTOQ
Akit qaffakkiartornerat pillugu piviusorsiortuusut …
eqqissisimanerusarput. Eqqissisimagaangatta eqqarsarluarnerusarpugut aalajangiilluarnerusarlutalu.
aningaasaatitik pisariaqartinngisaminnut atornagit pisariaqartitaminnut atortarpaat. Assersuutigalugu piffissaq eqqorlugu akiligassaminnik akiliisarput.
aningaasat ilaquttaminni oqqassutiginnginnerusarpaat.
silatusaartumik iliuuseqarnerusarput, soorlu pingaarnersiuisinnaasarput aningaasanillu atuinermut ileqqunik allannguiumasarlutik.
SUSINNAASUTIT
Naleqqussarumagit. Akit qaffapilooriartortillugit silatusaarnerussaaq sapinngisamik sipaarniaraanni. Inuit ilaat akissaqarfiginngisaminnik inooriaaseqarniarsarisarput. Taamaaliortulli imminut artorsartillutillu qasutiinnartarput. Soorunami ilaquttatit pisariaqartitaannik pilersorusuppatit. Eqqaamajulli ilinnit asaneqarneq, piffissaqarfigineqarneq isumassorneqarnerlu pisariaqartinnerpaagaat.
Akissaqarfiginngisaminnik inooriaaseqarniarsarisut imminut artorsartillutillu qasutiinnartarput