INTERNETIKKUT ATUAGAATEQARFIK Watchtower
INTERNETIKKUT ATUAGAATEQARFIK
Watchtower
Kalaallisut
  • BIIBILI
  • BIIBILILERSAARUTIT
  • ATAATSIMIINNERIT
  • my oqaluttuaq 50
  • Arnat sapiitsut marluk

Immikkoortumi matumani isiginnaagassiaqanngilaq.

Ajoraluartumik isiginnaagassiap aanerani ajutoortoqarpoq.

  • Arnat sapiitsut marluk
  • Biibilimik oqaluttuaatikka
  • Tamatumunnga assingusut
  • ‘Israelimi anaanaalerpunga’
    Napasuliaq Alapernaarsuiffik – 2015
  • Kajumissutsit Jehovamut unnersiutaagili!
    Napasuliaq Alapernaarsuiffik (Atuaqqissaarutissaq) – 2017
Biibilimik oqaluttuaatikka
my oqaluttuaq 50
Sisera tupermi toqungasoq Jaelimit tusarlugu Baraki tupigusuttoq

OQALUTTUAQ 50

Arnat sapiitsut marluk

ISRAELIKKUT ajornartorsiuleraangamik Jehova torlulaffigisarpaat. Jehovap akisarpai siulersuisunik sapiitsunik tunisarlugit ikioqqullugit. Biibilimi siulersuisut taakku taaneqartarput eqqartuussisunik. Eqqartuussisut Josua siullersaraat, kingornagullu eqqartuussisut ilaat tassaapput Otniel, Ehud Sjamgarilu. Israelikkunnilli ikiuisut ilaat marluk arnaapput Deboramik Jaelimillu atillit.

Debora Barakilu

Debora pruffiitiuvoq arnaq. Jehovap pisussanik ilisimatittarpaa, taassumalu inuit Jehovap oqaasiinik oqaluttuuttarpai. Aamma Debora eqqartuussisuuvoq. Nunami qattunertuumi palmip aalajangersimasup ataani ineqarpoq, inuillu ornittarpaat ajornartorsiornerminni ikioqqullutik.

Taamanikkut Jabin Kana’animi kunngiuvoq. 900-nik qamussuaateqarpoq sorsuutinik. Sakkutooqatigiivi ima pissaaneqartigaat Israelikkut ilarpassuinik pinngitsaaliillutik Jabinimut kiffanngortitsisimallutik. Kunngip Jabinip sakkutuuisa naalagaraat Siʹsera.

Ullut ilaanni Deborap eqqartuussisoq Barak aggeqquaa oqarfigalugulu: ’Jehova oqarpoq: „Angutit 10.000-it ilaseralugit Taborip qaqqaanukarit. Tassani Siʹsera ilinnukartikkumaarpara. Taassumunngalu sakkutoorpassuinullu ajugaatikkumaarpakkit.“’

Barakip Debora oqarfigaa: ’Aallassaanga aappariumagumma.’ Deborap aapparaa, Barakili oqarfigalugo: ’Ajugaanissaq illit nersornaatigissanngilat, Jehovap Siʹsera arnap assaanut tunniussammagu.’ Taamalu pivoq.

Barak Taborip qaqqaanit aterpoq Siʹserap sakkutuui naapikkiartorlugit. Tassanngaannaq Jehova qarsutsineqartitsilerpoq, sakkutuullu akeraasut ilarpassui ipipput, Siʹserali qamussuarminit niuvoq qimaallunilu.

Kingornatigut Siʹsera Jaelip toqqanut tikiuppoq. Iseqquaa, immummillu immillugu. Tamanna uernalissutigaa, erniinnarlu itisuumik sinilerpoq. Taava Jael toqqup paagutaanik tigusivoq angutillu ajortup niaquanut kappullugu. Kingorna, Barak tikiummat, Siʹsera toqungasoq takutippaa! Takusinnaavat Deborap oqaasia eqquuttoq.

Taava kunngi Jabin aamma toqutaavoq, Israelikkullu eqqissigallarput.

Eqqartuussisut 2:14-22; 4:1-24; 5:1-31.

Atuaqqissaarnermi apeqqutit

    Kalaallisut (1985-2025)
    Aniffissaq
    Iserfissaq
    • Kalaallisut
    • Ingerlateqqiguk
    • Inissiissutit
    • Copyright © 2025 Watch Tower Bible and Tract Society of Pennsylvania
    • Atuinermut piumasaqaatit
    • Paasissutissanik atueriaaseq
    • Nammineq inissitassat
    • JW.ORG
    • Iserfissaq
    Ingerlateqqiguk