Nunami paratiisi nutaaq

ORPIIT portusuut, naasut kusanartut qaqqarsuillu takukkit. Alianaanngaarami! Tuttuaraq nukappiaqqap nerisikkaa takuuk. Liivillu hiistillu ikani narsamiittut takukkit. Nunami taama ittumi illoqarusussannginnerpit?

Guutip nunami paratiisimi naassaanngitsumik inuulernissat kissaatigaa. Annerisaqaqqunngilaatillu napparsimaqqunatillu inuit ullumikkut naalliuutigisartagaannik. Inuit paratiisimi inuujumaartussat Biibilimi imaattumik neriorsorneqarput: ’Guutip najorumaarpai. Toqusoqartarunnaassallunilu aliasuttoqartarunnaassallunilu anniartoqartarunnaassaaq. Pereersut peqarunnaassapput.’

Jesusip allanngornissaq nuanningaartoq tamanna isumagiumaarpaa. Qaqugu? Nunami ajussuseq inuillu ajortut tamaasa piiareerunigit. Eqqaamajuk, nunamiikkallarami Jesusip inuit nappaataannik tamalaanik ajorunnaarsittarsimagai, toqusullu allaat makitittarlugit. Jesus taamaaliortarpoq Guutip naalagaaffiani kunnginngoruni nunarsuarmi tamarmi iliuuseqarnissani takutikkumallugu.

Nunami paratiisimi nutaami nuannerunangaarami! Jesus, toqqakkani ilagalugit, qilammi naalakkersuissaaq. Naalakkersuisut taakkua nunamiut tamaasa isumassorumaarpaat pilluarnissaallu isumagalugu. Paasiniariartigu qanoq iliortariaqarluta Guutip paratiisimi nutaami inuunermik naassaanngitsumik tunissappatigut.