Pinngortitat anersaajusut millionilikkuutaat

Biibilimi allassimavoq amerlasuunik anersaaqartoq. Jehova nammineq anersaajuvoq. — Juánase 4:24; 2 Korintumiut 3:17, 18.

Pileqqaarnerani Jehova silarsuarmi kisimiissimavoq. Taava anersaat inngilinik taaneqartut pinngortitilersimavai. Taakku inunnit pissaaneqarnerupput silassorinnerullutillu. Jehovap inngilerpassuit pinngortissimavai; Guutip kiffaata Danielip takorluuisitaalluni inngilit 100 millionillit takusimavai. — Daniel 7:10 NV; Eprîarit 1:7.

Guutip inngilit taakku pinngortissimavai suli nunarsuaq pinngortinngikkallaramiuk. (Job 38:4-7) Taakkua ilaat ataaserluunniit nunarsuarmi inuttut inuusimanngilaq toqusimananilu.