Jehova kiffartuuguk, Satan pinnagu

Tamatta qinigassaqarpugut. Jehova kiffartuussinnaavarput imaluunniit Satan inngilipiluilu kiffartuussinnaavavut. Tamaasa ataatsikkut kiffartuussinnaanngilavut. Jehova kiffartuutissallugu silatusaarneroqaaq!

Jehova ajunngitsuuvoq

Soorlu paasereeripput, inngilipiluit inuit ajoquserneqarnissaat salloqittarneqarnissaallu nuannaarutigisarpaat. Jehova taamaanngilaq. Inuiaat asavai soorlu ataatap qitornani asasarai. ‘Tunissutit tamarmik ajunngitsut tunniussallu tamarmik naammalluartut’ taassumannga pisarput. (Jâko 1:17) Inuiannut ajunngitsut suulluunniit tunniutinngitsoorneq ajorpai, allaat imminut akisugaluaraangalluunniit. — Evfisumiut 2:4-7.

Jesusip, Guutip ernerata, nunamiikkallarami iliuuserisimasai eqqarsaatigeriakkit. Oqajuitsut oqalulersittarsimavai tappiitsullu tappissisittarsimallugit. Pupissut nukillaarsimasullu ajorunnaarsittarsimavai. Inngilipiluit anisittarsimavai sunilluunniillu nappaatilinnik ajorunnaarsitsisarsimalluni. Guutip pissaaneragut Jesusip allaat toqusimasut makitittarsimavai. — Matîuse 9:32-35; 15:30, 31; Lúkarse 7:11-15.

Tammartinniarluta salluliornani Guuti ilumoortunik oqaluttuaannarpoq. Nakutitsinianngisaannarpoq. — 4 Moses 23:19.

Iliuutsit minguttuut ingalakkit

Soorlu niviugak nissavarsuup nigaliaanut, imaluunniit aasiaap qassutaanut, napitittartoq inuit millionilikkuutaat upperisapalaanit salluliornernillu tigummineqarput. Toqusimasunut ersisarput. Inngilipilunnut ersisarput. Perloqqusaanernik, nalunaaqqutinik aarnussanillu isumakuluutiginnipput. Upperisanit ileqqunillu Satan Diaavulup salluliornerinik tunngaveqartunit pituttorsimaneqarput. Guutilli kiffai tamakkua arlaannaannilluunniit napitinneqanngillat.

Jehova Satanimit pissaaneqarneroqaaq. Jehova kiffartuukkukku inngilipilunnut illersussavaatit. (Jâko 4:7) Perloqqusinerit sunnersinnaassanngilaatsit. Assersuutigalugu, Nigeriami angakkut pingasut pissaanillit Jehovamut nalunaajaasuusoq illoqarfimminnit qimagukkumanngitsoq toqunniarlugu perloqqusarsimavaat. Perloqqusinerit sunniuteqanngimmata angakkut ilaata ersilerluni nalunaajaasoq ornippaa saammaateqqullunilu.

Inngilipiluit erloqisippatsit Jehova aqqa atorlugu qinnuigisinnaavat taassumalu illersussavaatit. (Ussatit 18:10) Guutimilli illersorneqassaguit anersaarsiornermut inngilipilussiornermullu attuumassuteqartut tamaasa ingalalluinnartariaqarpatit. Itsaq illoqarfimmi Efesusimi Guutimik pallorfiginnilersut taamaaliorsimapput. Angakkuarneq pillugu atuagaatitik tamaasa katersoriarlugit ikuallassimavaat. (apustilit suliait 19:19, 20) Ullumikkut Guutip kiffai aamma taamaaliortariaqarput. Aarnussat, angakkuarnermut anersaarsiornermullu atortut atuakkallu tamaasa iginniakkit attaveqarfigiunnaarlugillu.

Ilumoortumik pallorfiginninniarit

Guutimit iluarisaajumaguit eqqunngitsumik pallorfiginninnerup ingalassimanissaa iluaatsuliorunnaarnissarlu naammanngillat. Aamma ilumoortumik minguitsumillu pallorfiginnittariaqarputit. Biibilimi allassimavoq suut piumasarineqartut:

Jehovap nalunaajaasui ilagisakkit

Satan inngilipiluillu nunami kiffaqarput eqqunngitsunik ajoqersuisarlutillu iliuuseqartartunik. Aammattaarli Jehova innuttaqarpoq. Taakku tassaapput Jehovap Nalunaajaasui. (Jesaja 43:10) Nunarsuaq tamakkerlugu Nalunaajaasut 7 millioninit amerlanerupput. Tamarmik eqqortuliorniartarput inuillu allat sallusuissummik ilinniartillugit. Nunat amerlanersaanni rigssaliini, tassa ataatsimiittarfiini, naapissinnaavatit. Tassani inussiarningaarlutik ilassissavaatsit.

Allat Guutimut kiffartornissaannut ikiorniarlugit suliniuteqarput. Illit angerlarsimaffinni Biibilimik atuaqqissaaqatigiumavaatsit Jehovamik eqqortumik pallorfiginninnissannik ilinniartinniarlutit. Tamanna akeqanngilaq. Nalunaajaasut nuannaarlutik sallusuissut ajoqersuutigisarpaat inuit aamma Guuti Jehova asagamikkik.