Nunarsuaq paratiisiusoq

Satanip ajortuliarisimasai tamaasa Jehovap atorunnaarsissavai. Jehovap Jesus nunarsuarmut tamarmut kunnginngortissimavaa. Taassuma naalakkersuinerata ataani nunarsuaq paratiisinngortinneqarumaarpoq. — Daniel 7:13, 14; Lúkarse 23:43.

Jehova ima neriorsuivoq:

• NERISASSAT NAAMMANGAARTUT: „Nunap naatitassani naatippai; pilluaqqutigut, Guuterput.“ „Karrit naammangaartut nunami naasimassapput, qaqqat qaanni aalataarumaarput.“ — Tussiaat 67:7; 72:16.

• SORSUNNEQARUNNAASSAAQ: „Qaallusi takuniarsigit [Jehovap] suliai, aseruinersuit nunami pilersitai. Nunarsuarmi tamarmi sorsunnerit soraarsikkumaarpai.“ — Tussiaat 46:9, 10.

• INUPILUIT PEQARUNNAASSAPPUT: „Ajortummi piiagaasussaapput ... Guutiitsoq erniinnaq peeruttussaavoq, inaani takuniaraluarukku peerutereersimassaaq.“ — Tussiaat 37:9, 10.

• 

  NAPPAATIT, ALIASUNNEQ TOQULU PEQARUNNAASSAPPUT: „Taava tappiitsut isaat uisitaassapput, tusilartut siutaat ammarneqassapput. Tusiattoq tuttutut pissigarumaarpoq, oqajuitsuugaluaq qiimmattarluni appikkumaarpoq.“ — Jesaja 35:5, 6.

  ‘Guutip nammineq najorumaarpai; qulliillu tamaasa isaannit allarterumaarpai, toqulu peqarunnaassavoq, aliasuttoqarunnaarlunilu nilliasoqarunnaarlunilu anniartoqarunnaassavoq, siulliit peermata.’ — sarĸúmersitat 21:3, 4.

Satan inngilipiluilu assiginagit Jehova salluneq ajorpoq. Neriorsuutigisai tamarmik eqquukkumaarput. (Lúkarse 1:36, 37) Jehovap asavaatit paratiisimilu pilersitassamini inuunissat kissaatigalugu. Taamaattumik Jehovap nalunaajaasui attaveqarfigilerniakkit sallusuissut nuannersoq Guutip oqaasiani nassaarineqarsinnaasoq pillugu paasisaqarnerulerniarlutit. Sallusuissut inuuninni maleruarukku salluliornermit, upperisapalaanit ilisimaatsussutsimillu inussiaataajunnaassaatit. Naggataatigullu allaat ajortimit toqumillu inussiaataajunnaassaatit. Soorlu Jesus oqarsimasoq: ‘Sallusuissut ilisarissavarsi sallusuissutillu inussiaajunnaarsissavaasi.’ — Juánase 8:32.