Qanoq illumi ingerlatsisoqar­tarpa?

1. Sooq ul­lumik­kut il­lumi ingerlatsineq ajor­nakusoorsin­naava?

’SILAP matuma pis­susia al­lan­ngorar­poq.’ (1 Korintumiut 7:31, NV) Oqaatsit taak­ku ukiut 1900-nit amerlanerusut sior­na al­lan­neqarsimap­put, ul­lumik­kul­lu aatsaat taama ilumoor­tigip­put! Pis­sutsit al­lan­ngorar­tuar­put, ingam­mik ilaqutariit­tut inuuneq eq­qarsaatigalugu. Ukiut 40-t 50-il­luun­niit matuma sior­na pis­susis­samisoor­tutut isigineqar­tut ul­lumik­kut taamatut isigineqarun­naarsimap­put. Taamaam­mat ul­lutsin­ni il­lumi ingerlatsineq unam­miniar­nar­torujus­suusin­naavoq. Biibilimili un­nersuus­sutit malik­kaan­ni unam­miniar­nar­toq taman­na iluatsit­tumik anigor­neqarsin­naavoq.

PIGISATIT NAAPERTORLUGIT INUUGIT

2. Aningaasaqar­niar­nik­kut pis­sutsit suut ilaqutariin­nik tatisisin­naap­pat?

² Ul­lumik­kut inup­pas­suit ilaqutariin­nguatut inuunis­saan­naq naam­magiun­naarsimavaat. Ul­lumik­kut niuer­nerup silarsuaa sor­pas­suar­nik sanaar­tor­tuar­til­lugu nioq­qutis­siaminil­lu piseq­qusaariuar­til­lugu ataataasut anaanaasul­lu mil­lionilik­kuutaat tamak­kunun­nga akis­saqarumal­lutik nalunaaqut­tap-akun­ner­pas­suini sulisariaqar­tar­put. Al­lal­li mil­lionilik­kuutaat ul­lormiit ul­lormut nerisas­saqar­nis­sar­tik ilungersuutigisar­paat. Qangar­nit sivisunerujus­suarmik sulisariaqar­tar­put, im­maqalu ilaat marlun­nik sulif­feqar­tariaqar­tar­put pisariaqavis­sunut akis­saqarumal­lutik. Sulilu al­lat sulif­fis­sarsisin­naanerin­nar­tik nuan­naarutigisar­paat, sulif­fis­saaleqineq sumi tamaani ajor­nar­torsiutaagalut­tuin­narmat. Aap, ul­lumik­kut inuuneq ilaqutariin­nut oqitsuin­naan­ngilaq. Taamaak­kaluar­torli ilaqutariit Biibilimi najoq­qutas­siat malik­kunik­kik pis­sutsit ajun­ngin­ner­paamik atorsin­naas­savaat.

3. Najoq­qutas­siaq suna Paulusip saq­qum­mius­simavaa, il­lumilu ingerlatsinermi qanoq ilil­luni iluaqutaasin­naava?

³ Aam­ma apustilip Paulusip aningaasatigut tatineqar­nerit misigisarsimavai. Tamak­kuli anigor­niar­neran­ni naleqaqisumik ilik­kagaqarsimavoq, taman­nalu ikin­ngum­minut Timoteusimut al­lak­kamini eq­qaasimavaa. Ima al­las­simavoq: ’Sun­nguamim­mi nas­sataqar­nata silamut matumun­nga pigat­ta, nalunan­ngilaq sun­nguamik nas­sataqar­nata kingumut qimas­sagip­put. Nerisas­saqarlutali atisas­saqarut­ta tamak­ku naam­magis­savavut.’ (1 Timûtiuse 6:7, 8) Soorunami ilaqutariit nerisas­sat atisal­lu kisiisa pisariaqar­tin­ngilaat. Aam­ma najugaqar­tariaqar­put. Meeq­qat atuar­titaasariaqar­put. Kiisalu nakorsaatit al­lal­lu aningaasar­tuutis­saap­put. Najoq­qutas­siarli Paulusip oqaasiiniit­toq suli atuup­poq. Kissaatigisavut tamaasa piniaan­nar­nagit pisariaqar­titatta matus­sutis­sin­nis­saat naam­magisarutsigu inuuner­put oqin­nerus­saaq.

4, 5. Siumut sil­limareer­neq pilersaarusior­nerlu qanoq ilil­lutik il­lumi ingerlatsinermi iluaqutaasin­naap­pat?

⁴ Najoq­qutas­siaq iluaqutaasoq al­la Jesusip as­sersuusiaasa ilaan­ni nas­saas­saavoq. Taan­na ima oqarsimavoq: ’Kinami ilarsi qaqif­filiorumaguni ingik­kal­las­san­ngin­ner­pa akis­saa naatsorsorlugu, iner­nis­saanut ator­tus­sat piginerini.’ (Lúkarse 14:28) Jesusip tas­sani pilersaarusior­neq siumul­lu sil­limareer­neq eq­qar­tor­pai. Kapitalimi matuma siulianiit­tumi paasivar­put taman­na inuusut­tunut katin­nis­samin­nik eq­qarsaateqar­tunut iluaqutaasar­toq. Katereer­nermin­nilu il­lumi ingerlatsinermi taman­na iluaqutigis­savaat. Siumut sil­limareer­nermut ilaavoq aningaasatigut naatsorsuusior­neq, pigeriik­kat qanoq iluaqutaaner­paamik ator­neqar­nis­saat siumut pilersaarusiorlugu. Taamaalil­lutik ilaqutariit nak­kutigisin­naas­savaat suut akiligas­saanersut, aningaasanik ul­lormut, sapaatip-akun­neranut imaluun­niit qaam­mam­mut atugas­sanik im­mik­koor­titsil­lutik, naatsorsuutitil­lu qaanger­nagit atuil­lutik.

⁵ Nunat ilaan­ni taamatut aningaasatigut naatsorsuusior­neq eq­qor­tis­sagaan­ni pisariaqan­ngitsumik pisiniar­naveersaar­tariaqar­poq, imaluun­niit an­ner­tuumik er­nialim­mik taarsigas­sarsinaveersaar­tariaqar­poq. Nunani al­lani kreditkor­timik atuineq sianigisariaqar­poq. (Us­satit 22:7) Aam­ma imaas­sin­naavoq kingunis­saa eq­qarsaatigeq­qaar­nagu imaluun­niit atorfis­saqar­tin­nerlugit isumaliutigeq­qaar­nagu pisior­tor­nis­saq pinaveersaar­tariaqar­toq. Aningaasatigut naatsorsuusior­nik­kut paasineqarsin­naavor­taaq ilaqutariit aningaasaqar­niar­neran­nut qanoq ajoqutaatigis­sasoq nam­minis­sarsiorluni aningaasanoor­taraan­ni, pujor­tar­taraan­ni imaluun­niit imer­pal­laar­taraan­ni — ileq­qut Biibilimi najoq­qutas­sianut akerliusut. — Us­satit 23:20, 21, 29-35; Rûmamiut 6:19; Evfisumiut 5:3-5.

6. Biibilimi sal­lusuis­sutsit suut piitsuul­lutik inuusariaqar­tut iluaqutigisin­naavaat?

⁶ Piitsuul­lutim­mi inuusariaqar­tut? Silarsuarmi maani ajor­nar­torsiutit atuut­tuaan­nar­tus­saan­ngin­neran­nik ilisiman­nin­neq tup­pal­lersaataasin­naavoq. Silarsuas­sami nutaami qanil­liar­torasuar­tumi Jehovap piitsuus­suseq pis­sutsil­lu ajor­tut al­lat inuit atugarliungaar­neran­nut pis­sutaasut tamaasa piias­savai. (Tus­siaat 72:1, 12-16) Tamatuma pin­ngin­nerani kristumiut ilumoor­tut piitsuusut isumatsan­navian­ngil­lat, Jehovap neriorsuutaa man­na up­perigamik­ku: ’Iperas­san­ngilak­kit qimas­sanatil­lu.’ Isumal­luarlutik ima oqarsin­naap­put: ’Jehovap ikiormanga ersis­san­ngilanga.’ (Eprîarit 13:5, 6) Ul­luni ajor­nakusoor­tuni mak­kunani Jehovap in­nut­tani najoq­qutas­siani malik­kaangatigik Naalagaaf­finilu inuunermin­ni saal­liutik­kaangas­suk arlalip­pas­suar­tigut ikior­tar­pai. (Matîuse 6:33) Taman­na up­per­narsarlugu inup­pas­suit Paulusip oqarsimaneratut ima oqarsin­naap­put: ’Tamanik tamanilu sungius­sisimavunga qaarsilaar­nermik kaan­nermil­lu, peqangaar­nermik ajorsar­nermil­lu. Tamaasa pis­satsitsisik­kut sapin­ngilak­ka.’ — Filípimiut 4:12, 13.

NAMMAQATIGIIGITSI

7. Jesusip oqaasii suut ilaqutariin­ni ator­neqarunik il­lumi ingerlatsinermik oqilisitsis­sap­pat?

⁷ Nunarsuarmi kif­far­tor­nermi naangajaler­nerani Jesus ima oqarsimavoq: ’Tul­lit ilit­tut asas­savat.’ (Matîuse 22:39) Najoq­qutas­siaq taman­na il­lumi ingerlatsinermi atus­sal­lugu iluaqutaas­saqaaq. Tul­leq pingaar­ner­paamik tas­saavoq ui, nuliaq, angajoq­qaat imaluun­niit meeq­qat. Qanoq ilil­luni ilaqutariin­ni asaqatigiit­toqarsin­naava?

8. Asan­nin­neq ilaqutariin­ni qanoq ilil­luni ersersin­neqarsin­naava?

⁸ Ilaatigut ilaqutariin­nut ilaasut tamarmik il­lumi sulias­sanut ikiuut­tar­neratigut asaqatigiin­neq ersersin­neqarsin­naavoq. As­sersuutigalugu, meeq­qat atoriik­kanik iluarsaas­sineq ilin­niar­tariaqar­paat, atisat pin­ngus­sal­lu eq­qarsaatigalugit. Im­maqa ul­laat tamaasa sinif­fim­mik iluarsaas­sinis­saq eqianarsin­naagaluar­poq, taman­naan­narli torersuutitsinis­samut ilasaataasin­naaqaaq. Soorunami ilaan­nik­kut tukatsilaan­ngitsoorfiuneq ajor­poq, angerlarsimaf­fil­li sapin­ngisamik takujuminar­tuutin­niarlugu, kiisalu nerereer­nermi erruisar­neq eq­qarsaatigalugu, tamarmik suleqatigiis­sin­naap­put. Eqiasun­neq, im­minut nukatsin­neq akerlilersuiniakujuin­nar­nerlu tamanut ajor­tumik sun­niuteqar­tar­put. (Us­satit 26:14-16) Akerlianil­li nuan­naar­tuuneq isumal­luar­tuunerlu ilaqutariit pil­luar­neran­nik ilasisar­put. ’Kajumit­tumik [nuan­naarluni] tunisisoq Guutip asavaa.’ — 2 Korintumiut 9:7.

9, 10. (a) Ar­nat qanoq ar­tuk­kersor­neqarajup­pat, nam­magarlu taman­na qanoq ilil­luni oqilisin­neqarsin­naava? (b) Il­lumi sulias­sat oqimaaqatigiis­sumik qanoq isumaqarfigis­sal­lugit pitsaas­sava?

⁹ Taamatut isumas­soqatigiin­neq asan­nit­tumil­lu pis­suseqarfigeqatigiin­neq ilaqutariit ilaan­ni ajor­nar­torsiutaasumik an­ner­tuumik pinaveersimatitsisar­poq. Qangaanerusoq il­lumi ingerlatsineq anaanaasut isumagigajun­neruaat. Meeq­qanik isumas­suineq, iper­taajaaneq, ilaqutariit atisaan­nik errorsineq, pisiniar­neq nerisas­sior­nerlu isumagisar­paat. Aam­ma nunat ilaan­ni ar­nat narsaam­mi sulisarsimap­put, nioq­qutis­sanik tuniniaasarlutik al­latigul­luun­niit ilaqutariit aningaasaqar­niar­neran­nut tapersersuisarlutik. Al­laat sumiif­fin­ni qangaanerusoq tamak­kua nalingin­naaf­figisiman­ngisaan­ni nuliaasut mil­lionilik­kuutaat angerlarsimaf­fiup avataani sulif­fis­sarsior­tariaqalersimap­put. Nuliaal­lunilu anaanaasoq eqiasuil­luni tamak­kunin­nga suliaqar­toq nersor­tariaqarluin­nar­poq. „Nuliaal­luar­toq“ Biibilimi al­laatigineqar­toq as­sigalugu sulias­sar­pas­suaqar­poq, „nerisar­tagaalu eqiasun­nik­kut pis­sarsiaan­ngil­lat“. (Us­satit 31:10, 27) Ar­narli il­lumi sulias­sanik sulisin­naasutuaan­ngilaq. Uiusoq nuliaasorlu ul­loq tamaat sulereerlutik angerlaraangata il­lumi sulias­sat ’utaq­qisar­paat’. Nuliaasup kisimi, uini meeq­qanilu qasuersaar­til­lugit, tamak­ku sulias­sarai? Soorunami naamik. (Naleq­qiuguk Korintumiunut agdlagkat áipait 8:13, 14.) As­sersuutigalugu, anaanaasoq nerisas­sius­saguni qular­nan­ngitsumik qujamasuutigis­savaa ilani pisiniareersimap­pata, nerriviliorlutik imaluun­niit angerlarsimaf­fim­mi iper­taajaalaarlutik. Aap, tamarmik suleqataasin­naap­put. — Naleq­qiuguk Galâsiamiunut agdlagkat 6:2.

¹⁰ Im­maqa ima oqarumasoqas­saaq: „Uanga najuk­kan­ni uiusoq tamak­kunin­nga suliaqar­tus­saan­ngilaq.“ Im­maqami taman­na ilumooraluar­poq, pitsaas­san­ngilali taman­na eq­qarsaatiginerulaas­sal­lugu? Jehova Guutip ilaqutariin­nik aaq­qis­suus­saq pilersik­kamiuk oqan­ngilaq sulias­sat aalajangersimasut ar­nat kisimik suliarisas­sagaat. Itsaq angut aalajaatsoq Abraham Jehovamit im­mik­kut aal­lar­titanit pulaar­neqarami nerisas­sioqataal­lunilu pulaar­tunut sas­saal­leeqataasimavoq. (1 Moses 18:1-8) Biibilimi ima un­nersuus­suteqar­poq: ’Angutit nuliatik asasariaqar­paat soorlu timitik.’ (Evfisumiut 5:28) Angut ualik­kut qasup­pat eq­qis­sisimaarusul­lunilu, ilimanan­ngin­ner­pa aam­ma nulia taamaas­sasoq, im­maqa al­laat qasunerul­luni? (1 Pîtruse 3:7) Taava uiusoq asan­nit­tulius­san­ngin­ner­pa il­lumi sulias­sanut ikiuuk­kuni? — Filípimiut 2:3, 4.

11. Ilaqutariin­niit­tunut tamanut Jesus qanoq maligas­siuil­luarsimava?

¹¹ Jesus Guutip iluarisaanik ilior­neq ikin­ngutimilu pil­luar­neran­nik an­ner­tusaaneq eq­qarsaatigalugit maligas­siuil­luar­ner­paasimavoq. Naak katin­ngisaan­naraluarluni uiusunut, nuliaasunut meeq­qanul­lu maligas­siuil­luarsimavoq. Im­minut ima oqaatigisimavoq: ’Inuup er­nera tikiutin­ngilaq kif­far­torfigeq­qul­luni, kisian­ni kif­far­tus­sal­luni.’ (Matîuse 20:28) Ilaqutariit isumamik taama it­tumik ineriar­tor­titsinis­samin­nik ilungersuutigin­nit­tut aaq­qiagiil­lutik inuup­put.

SOOQ IPEERSAARNEQ PINGAARTUUSOQ

12. Jehovap im­minut kif­far­tor­tut qanoq piumaf­figai?

¹² Biibilimi najoq­qutas­siaq al­la il­lumi ingerlatsis­sagaan­ni iluaqutaasin­naasoq Korintumiunut agdlagkat áipait 7:1-imi nas­saarisin­naavar­put. Tas­sani al­las­simavoq: ’Im­mitsin­nik eq­qiar­niar­ta uin­ngul­lu anersaal­lu mingui tamaasa piiarlugit; iluarsinis­sarlu Guuti mianeralugu naam­mas­siniar­tigu.’ Oqaatsinut isumas­sarsiarititaasunut taak­kunun­nga naalat­tut Jehovap, ’Guutisior­nermik minguitsumik as­suar­nan­ngitsumil­lu’ piumasaqar­tup, iluarai. (Jâko 1:27) Aam­malu ilaqutariin­nut iluaqutaas­saaq.

13. Sooq timik­kut anersaak­kul­lu minguitsuunis­saq taama pingaar­tigaa?

¹³ Biibilimi neriorsoq­qis­saar­neqar­pugut nap­paatit atuuk­kun­naarumaar­tut. Taamanik­kus­samut „ima oqar­toqas­san­ngilaq: ’Nap­parsimavunga!’“. (Jesaja 33:24; sarĸúmersitat 21:4, 5) Taman­na pitin­nagu ilaqutariit tamarmik ilaan­nik­kooriarlutik nap­parsimasas­sap­put. Aam­ma Paulus Timoteusilu nap­parsimasarsimap­put. (Galâsiamiut 4:13; 1 Timûtiuse 5:23) Nakorsal­li ilar­pas­sui oqar­tar­put nap­paatit ilar­pas­sui pinaveersaar­tin­neqarsin­naasut. Ilaqutariit silatuut timik­kut anersaak­kul­lu minguitsuunis­sar­tik sulis­sutigigunik­ku nap­paatit pinaveersaar­tin­neqarsin­naasut pin­ngitsoorsin­naavaat. Qanoq ilil­luni taamaalior­toqarsin­naasoq sam­meriar­tigu. — Naleq­qiuguk Us­satit 22:3.

14. Ileq­qus­satigut minguis­suseq ilaqutariit nap­paatinut qanoq ilil­lutik il­lersuutigisin­naavaat?

¹⁴ Anersaak­kut minguis­sutsimut ilaavoq ileq­qus­satigut minguis­suseq. Biibilip ileq­qus­satigut najoq­qutas­sanik qutsis­sunik siuarsaanera aap­pariin­nerul­lu avataatigut kinguaas­siuutitigut atoqatigiin­ner­nik sunil­luun­niit ajorin­nin­nera ilisimaneqarluar­poq. ’Uersaasul­luun­niit . . . ar­naanil­lil­luun­niit mumingasumil­luun­niit kan­ngunar­tuliorfigitit­tut kan­ngunar­tuliorfigin­nit­tul­luun­niit . . . Guutip naalagaaf­fia kingor­nus­saris­san­ngilaat.’ (1 Korintumiut 6:9, 10) Pingaar­torujus­suuvoq kristumiut ul­lumik­kut silarsuarmi ajor­tun­ngorsimasumi inuusut najoq­qutas­sianik erseq­qis­sumik saq­qum­miun­neqar­tunik tamak­kunin­nga maleruaanis­saat. Taman­na Guutip iluaris­savaa, aam­malu nap­paatinut kinguaas­siuutitigut tunil­laat­tar­tunut, soorlu AIDS-imut, syfilisimut, gonorrémut chlamydiamul­lu, ilaqutariin­nut il­lersuutaas­saaq. — Us­satit 7:10-23.

15. Timik­kut minguitsuutin­ngin­nerup qanoq ilil­luni pisariaqan­ngitsumik nap­parsimaler­nermik kinguneqarsin­naaneranut as­sersuuteqarit.

¹⁵ ’Uin­ngup minguinut tamanut eq­qiar­nerup’ ilaqutariit nap­paatinut aam­ma al­lanut ser­nis­sorsin­naavai. Nap­paatit ilar­pas­sui timik­kut minguitsuunis­samik suusupagin­nin­nermik pis­suteqar­put. Pujor­tar­tar­neq as­sersuutigeriar­tigu. Pujor­tar­tar­neq puan­nik, atisanik silaan­narmil­lu mingutsitsiin­nar­tan­ngilaq, aam­mali inun­nik nap­parsimalersitsisar­poq. Ukiut tamaasa inuit mil­lionilik­kuutaat pujor­tar­tar­ner­tik pis­sutigalugu toqusar­put. Eq­qarsaatigerias­sagit! Ukiut tamaasa inuit mil­lionilik­kuutaat ’uinim­min­nik mingutsitsisiman­ngitsuugunik’ nap­parsimaler­tas­san­ngik­kaluar­put toqusas­san­ngik­kaluarlutil­luun­niit!

16, 17. (a) Jehovap inatsisaata suup Israelik­kut nap­paatit ilaan­nut ser­nis­sorsimavai? (b) Najoq­qutas­siaq Mosesimik al­lak­kat tal­limaat 23:12, 13-imi al­las­simasut tunuliaqutarisaat angerlarsimaf­fin­ni tamani qanoq ilil­luni ator­neqarsin­naava?

¹⁶ Al­lamik as­sersuuteqariar­ta. Ukiut 3500-it matuma sior­na Guutip inuiaat Israelik­kut inatsisinik, guutisior­neq ul­luin­nar­nilu inuuneq pil­lugit aalajangersak­kanik imalin­nik, tunivai. Inatsisit katitik­kat tamak­kua inuian­nik nap­paatinut ser­nis­sueqataap­put, eq­qiluisaar­nis­saq pil­lugu tun­ngaviusunik maleruagas­sar­taqaramik. Inatsisit ilaat inuit anaan­nik igitsisar­nis­samut tun­ngavoq, peq­qus­sutigineqarluni tam­maarfiup avataanut isuman­naatsumik as­saal­lugit matoorun­neqar­tas­sasut, inuit najugaqarfigisaat mingutsin­neqaq­qunagu. (5 Moses 23:12, 13) Inatsisitoqaq taman­na suli malitas­saq­qis­suuvoq. Al­laat ul­lumik­kut inuit nap­parsimalerlutil­lu toqusar­put tamatumin­nga malin­nin­ngin­ner­tik pis­sutigalugu.a

¹⁷ Najoq­qutas­siaq Israelik­kun­nut inatsisip tunuliaqutarisaa naaper­torlugu ilaqutariit uf­farfitsik anar­tarfitsil­lu, il­lup iluaniik­kaluar­pat silamiik­kaluar­pal­luun­niit, eq­qiluitsuutil­lugulu tunil­laan­naveersaarfiutit­tus­saavaat. Anar­tarfik eq­qiluitsuutin­neqan­ngip­pat matoqar­tin­neqan­ngip­pal­lu niviuk­kat katersuuf­figis­savaat, taamaalil­lutil­lu taak­kua bakteriat angerlarsimaf­fiup sin­neranut nerisas­sanul­lu siaruar­tis­savaat. Pingaar­tuuvor­taaq meeq­qat inersimasul­lu anar­tarfim­meereer­nerit tamaasa error­tor­tar­nis­saat. Taamaaliun­ngip­pata bakteriat as­saan­niigin­nas­sap­put. Nakorsaq franskeq naaper­tus­sagaan­ni error­tor­neq ’aqajaq­quk­kut/inaluk­kak­kut, anersaar­tuutik­kut amik­kul­lu aseruut­toor­nis­samut il­lersuutit suli pitsaaner­paar­taraat’.

18, 19. Siun­nersuutit suut angerlarsimaf­fiup, al­laat piitsoqarfim­miit­tup, ipiitsuutin­nis­saanut iluaqutaasin­naap­pat?

¹⁸ Piitsut ineqarfiini eq­qiluisaaq­qis­saar­nis­saq ipiitsuutitsinis­sarlu unam­miniar­nar­tuusin­naavoq. Ineqarfin­nik taama it­tunik ilisimasalik ima nas­suiaavoq: „Silaan­naap kis­saqisup iper­taajaaneq marloriaam­mik ajor­nakusuulersit­tar­paa. Anorersuaraangat pujoralaap il­lup qup­pai tamaviisa unerarfigisar­pai, suna tamaat saat­tuararsuarmik kajor­tumik qal­lerlugu. . . . Il­loqarfin­ni nunaan­nar­nilu inuit amerliar­tor­nerat aam­ma peq­qis­sutsik­kut ulorianar­torsior­titsiler­tar­poq. Kuuf­fiit am­maan­nar­tut, eq­qak­kat qaleriiaat aaneqan­ngitsut, tamanut anar­tarfis­siat iper­tuut aam­malu teriarsuit, kakerlak­kit niviuk­kal­lu tunil­laas­suisut sumi tamaani nas­saas­saap­put.“

¹⁹ Pis­sutsini taama it­tuni ipeersaar­nis­saq ajor­nakusoor­tar­poq. Ilungersor­nerli im­minut akilersin­naavoq. Qaqorsaat imerlu ilungersulaar­nerlu nakorsaatinit nakorsiar­nermil­lu akikin­nerup­put. Taama it­tumi najugaqaruit nam­mineq init naatsiiviil­lu sapin­ngisan­nik uumasut anaqar­tin­naaveersaaruk. Il­luit tungaanut aq­qusineeraq sial­ler­nerani marul­lun­nguut­tar­pat im­maqa ujaraaq­qanik ujaq­qanil­luun­niit qal­lersin­naavat, marul­luk iperlu eq­qus­suutin­ngin­nias­sam­mata. Im­maqa kamip­paat aloqutil­luun­niit isiler­nermi peer­neqar­tarsin­naap­put. Aam­mat­taaq imis­samaatip mingutsin­neqan­ngin­nis­saa pingaar­torujus­suuvoq. Mis­siliuun­neqar­poq inuit ukiumut min­ner­paamik 2 mil­lionit imeq mingutsin­neqarsimasoq anar­tarfeqar­nik­kul­lu atugaris­saan­ngin­neq pis­sutigalugit toqusar­tut.

20. Angerlarsimaf­fik ipiitsuus­sap­pat kik­kut ikiuut­tariaqar­pat?

²⁰ Tamarmik angerlarsimaf­fim­mik ipiitsuutitseqataasariaqar­put — anaanaasoq, ataataasoq, meeq­qat pulaar­tul­lu. Kenyami ar­naq arfineq-pingasunik meeralik ima oqarsimavoq: „Tamarmik ikiuun­nis­sar­tik ilik­kar­paat.“ Angerlarsimaf­fik ipiil­lunilu torersoq ilaqutariin­nut tamanut ajun­ngitsumik sun­niuteqar­tar­poq. Spaniamiut ima us­sateqar­put: „Piitsuus­suseq ipeersaar­nerlu im­min­nut as­sor­tun­ngil­lat.“ Il­lumi kusanar­tumi, inis­siami, inis­siapalaan­nguami imaluun­niit il­luaq­qami najugaqaraluraan­ni ipeersaar­neq ilaqutariit peq­qis­susian­nut iluaqutaasar­poq.

QIIMMASSAR­NEQARNERUP ’SIKKERSIT­TARPAATIGUT’

21. Us­satit 31:28 naaper­torlugu suna ilaqutariin­ni nuan­naar­nermik pilersitsisar­pa?

²¹ Nuliaal­luar­toq Us­satit-ni ima al­laatigineqar­poq: „Er­nerisa sas­sarlutik un­nersiutigisar­paat, uiatalu nersualaar­tar­paa.“ (Us­satit 31:28) Qanga kingul­lermik ilaqut­tavit ilaan­nik nersualaarivit? Naasutut uper­naak­kut kis­saleraangat imer­ter­neqarlualeraangamil­lu sik­ker­nis­samin­nut piareersimasutut ip­pugut. ’Kiak’ nersualaar­neqar­nermit pisoq atorfis­saqar­tip­par­put. Nuliaasup nersualaar­neqaraangami naluneq ajor­paa suliani an­ner­tooq asan­nit­tumil­lu isumas­suinini uiminit pingaar­tin­neqar­toq, taamaat­tus­saan­nar­tul­lu isigin­ngik­kaani. (Us­satit 15:23; 25:11) Aam­mat­taaq nuan­ner­taqaaq nuliaasup uini angerlarsimaf­fiup avataani angerlarsimaf­fim­milu suliai pil­lugit nersualaaraangagu. Aam­ma meeq­qat angerlarsimaf­fim­mi, atuarfim­mi imaluun­niit ilagiin­ni kristumiuni suliatik pil­lugit angajoq­qaamin­nit nersualaar­neqaraangamik ’sik­ker­tar­put’. Qujamasuf­figineqalaaraan­nilu naam­mas­sisat amerlasaqaat. Qujaneq qanoq akeqar­pa? Akeqan­ngilaq, ilaqutariin­nili akaareqatigiin­nermik pilersitsisar­poq.

22. Ilaqutariit ’tun­ngaviler­neqas­sap­pata’ suna pisariaqar­pa, qanorlu ilil­luni taman­na anguneqar­tar­pa?

²² Il­lumi ingerlatsinerup oqitsuun­ngin­neranut pis­sutaasut amerlaqaat. Kinguneqarluar­tumil­li naam­mas­sineqar­nis­saa ajor­nan­ngilaq. Biibilimi ima us­sateqar­poq: „Ilisimas­sut atorlugu il­lu sananeqar­tar­poq, siuneqar­neq atorlugu tun­ngaviler­neqar­tar­poq.“ (Us­satit 24:3) Ilaqutariin­niit­tut tamarmik Guutip piumasaata ilin­niar­nis­saa ilungersuutigigunik­ku malil­lugulu, ilisimas­sum­mik siuneqar­nermil­lu pigisaqalis­sap­put. Taamaalior­neq im­minut akilersin­naavoq, ilaqutariin­nim­mi pil­lualersitsisar­poq!