Qanoq ilillutit Guuti ilinniarsinnaagit

Biibilip atuarneratigut Jehova ilinniarsinnaavat. Itsaq Guuti oqaatsiminik al­lat­tus­sanik inun­nik im­mik­kut toq­qaavoq. Al­las­simasaat Biibilimik taaneqar­put. Ul­lumik­kut Guuti ilin­niarsin­naavar­put Biibilip atuar­neratigut. Biibili Jehovap oqaasianik imaluun­niit tusarlius­saanik imaqarami taaneqar­poq Guutip oqaasia. Biibilimi al­las­simasut up­perisin­naavavut Jehova sal­luneq ajormat. ’Guuti sal­lusin­naan­ngilaq’. (Eprîarit 6:18) Guutip oqaasia sal­lusuis­sum­mik imaqar­poq. — Juánase 17:17.

Guutip uatsinnut tunissutaasa erlinnarnerpaat ilaat tassaavoq Biibili. Ataatap asan­nit­tup meeq­qaminut al­lagaasut ip­poq. Oqalut­tuup­paatigut Guuti neriorsuisimasoq nunarsuaq inuuf­figiuminar­tun­ngor­tik­kumaarlugu — paratiisi. Itsaq iliuuserisimasaanik, maan­nak­kut iliuuseriligaanik siunis­samilu qitor­naminut aalajaatsunut iliuuseriumaagaanik paasitin­neqar­pugut. Aam­ma ajor­nar­torsiutitsin­nik aaq­qiinis­satsin­nut pil­lualer­nis­satsin­nul­lu ikior­paatigut. — 2 Timûtiuse 3:16, 17.

Jehovap Nalunaajaasui Guutimut ikinngutaapput; taakkua Biibilimi ajoqersuutigineqartunik paasitissinnaavaatsit. Oqarfigiin­nas­savatit Biibili atuaq­qis­saarusul­lugu. Akeqan­ngitsumik ikius­savaatsit. (Matîuse 10:8) Aam­mat­taaq kristumiut ataatsimiin­nerinut najuus­sin­naavutit. Ataatsimiin­nerit taamaat­tut Naalagaaf­filersaarfin­nik taaneqar­tuni Guutimut pal­lorfigin­nif­fiusuni ingerlan­neqar­tar­put. Kristumiut ataatsimiin­neri najuuf­figisaruk­kit Guutimik ilisarsiar­tupal­las­saatit.

Pinngortitaasa qimerloornerisigut Guuti ilisarisimalersinnaavat. As­sersuutigalugu Biibilimi al­las­simavoq: „Pileq­qaar­neran­ni Guutip qilak nunarsuarlu pin­ngor­tip­pai.“ (1 Moses 1:1) Jehovap ’qilak’ pin­ngor­tik­kamiuk aam­ma seqineq pin­ngor­tip­paa. Guuti pil­lugu sumik paasitip­paatigut? Paasitip­paatigut Jehova pis­saaneqangaar­toq. Taas­suma kisimi nukik seqiner­tut sak­kor­tutigisoq pin­ngor­tis­sin­naavaa. Paasitip­paatigut­taaq Jehova ilisimas­suseqar­toq, seqinilius­sagaan­ni kiam­mik qaamanermil­lu pilersuisumik nungun­ngisaan­nar­tumil­lu ilisimas­suseqar­tariaqar­poq.

Jehovap asagaatigut pinngortitaasa takutippaat. Nunarsuarmi paar­nat as­sigiin­ngitsut qas­siunersut eq­qarsaatigeriak­kit. Jehovap paar­nanik as­sigiigin­nar­nik tunisimasin­naagaluar­paatigut — imaluun­niit tunin­ngivil­luta. Jehoval­li paar­nanik as­sigiin­ngitsor­pas­suar­nik, as­sigiin­ngitsunik ilusilin­nik, angis­susilin­nik, qalipaatilin­nik mamas­susilin­nil­lu tunisimavaatigut. Tamatuma takutip­paa Jehova Guutitut asan­nit­tuuin­nar­nani aam­mali tunisiumatuujusoq, isumas­suisuul­luni inus­siar­nersuul­lunilu. — Tus­siaat 104:24.