Toqugutta qanoq pisoqassava?

Toqu inuunerup akerleraa. Toqu itisuumik sinin­nermut as­sersuun­neqarsin­naavoq. (Juánase 11:11-14) Toqungasut tusaasaqarsin­naanatik, takusaqarsin­naanatik oqalus­sin­naanatil­lu eq­qarsarsin­naan­ngil­lat. (Nalunaajaasup oqaasii 9:5, 10) Eq­qun­ngitsumik up­perisarsior­nerup ajoqersuutigaa toqungasut siuaasatil­lu anersaat silarsuaan­niit­tut. Biibilimili taman­na ajoqersuutigineqan­ngilaq.

Toqungasut ikiorsinnaanngilaatigut ajoqusersinnaanatalu. Toqungasut saam­marsar­niarlugit inuit ileq­qulersuuteqarlutil­lu pil­liisar­nerat nalingin­naavoq. Taamaalior­neq Guutip iluarin­ngilaa Satanip sal­luliuutaasa ilaan­nik tun­ngaveqarmat. Aam­ma ileq­qulersuutit pil­liineril­lu toqungasunit iluarineqar­navian­ngil­lat taak­kumi uumas­suseqan­ngim­mata. Toqungasut ersigisariaqar­nagil­lu pal­lorfigisariaqan­ngilavut. Guuti kisiat pal­lorfigisariaqar­par­put. — Matîuse 4:10.

Toqungasut uumaqqikkumaarput. Jehovap toqungasut nunarsuarmi paratiisiusumi inuulerseq­qik­kumaar­pai. Taman­nali suli siunis­samiip­poq. (Juánase 5:28, 29; apustilit suliait 24:15) Sinit­tumik itersaasin­naanitsitul­li qular­nan­ngitsigisumik Guutip toqungasut makitis­sin­naavai. — Mákorse 5:22, 23, 41, 42.

Toqup kingorna inuunerup ingerlaqqittarneranik eqqarsaat tassaavoq salluliuut Satanip pilersitaa. Satanip in­ngilipiluisalu inun­nut up­perilersip­p­paat toqungasut anersaavi ingerlaq­qit­tar­tut nap­paatinil­lu ajor­nar­torsiutinil­lu al­lanik pilersitsisar­tut. Satanip inuit sal­loqit­tar­tar­pai, ilaatigut sin­nat­tut takorruuk­kal­lu aq­qutigalugit. Jehovap toqungasunut at­taveqar­niar­tar­tut as­suarai. — 5 Moses 18:10-12.