Naalagaaffimmik Nutaarsiassat nr. 36

Ukiut tusindillit nutaat — siunissaq ilinnut qanoq ittuussava?

Ukiut tusindillit nutaat tassaappat inuiaat oqaluttuarisaaneranni aallarnerfik nutaaq?

UKIUT 1900-kkut 1999-imi decembarip 31-ata un­nuaani naap­put.a Ukiut 1900-kkut eq­qis­siviil­liorfiusimaqaat aam­mali teknik­kik­kut ator­toris­saarutitigut ilisimasat nutaat, nakorsat ilisimatusaatitigut uis­suuminar­tumik siuariar­neri, nutaarsias­saqar­titsinerujus­suit nunarsuarmilu tamarmi aningaasatigut siuariar­nerujus­suit ukiuni tamak­kunani pisimap­put. Taamaat­tumik amerlasuut ukiut tusindil­lit nutaat tikil­luaq­qusimaavaat neriul­luarfis­satut al­lan­ngoriarfis­satul­lu isumal­luarfigalugit. Ukiuni tusindilin­ni nutaani sorsun­nerit, piitsuunerup, mingutsitsinerup nap­paatil­lu atorun­naar­nis­saat misigis­savavut?

Amerlasuut taama neriup­put. Kisian­ni ukiuni tusindilin­ni nutaajusuni al­lan­ngor­nis­sap ilin­nut ilaqut­tan­nul­lu toqis­sisimanar­tuul­lunilu iluaqutaanis­saa qanoq ilimanaateqar­tigaa? Eq­qarsaatigeriak­kit ajor­nar­torsiutit angingaar­tut atuk­kat­ta ilaan­naminin­ngui.

Mingutitsineq

Nunat sulif­fis­suaqarfiusut „nunarsuarmi silaan­narmik mingutitsinermik an­ner­tuumik pilersitsisimap­put, mingutitsinermik aam­malu uumasunik naasunil­lu nungusaaner­nik kinguneqar­tumik“. Ineriar­tor­neq maan­nak­kut it­toq ingerlaan­nas­sap­pat, „silaan­naq pis­susis­samisoor­toq ajorsigalut­tuin­nas­saaq“. „Global Environment Outlook — 2000“, FN-ip Avatagiisinut pilersaarutai.

Nappaatit

„Ukiumi 2020-mi ineriar­torfiusuni toqusut quliugaangata arfineq-marluk nap­paam­mik tuniluut­tan­ngitsumik qular­nan­ngitsumik toqus­suteqar­tas­sap­put. Ul­lumik­kut af­faanit ikin­nerup­put.“ — „The Global Burden of Disease“, Harvard University Press, 1996.

Im­mik­kut ilisimasal­lit ilaasa ilimagaat „ukiumi 2010-mi nunani 23-usuni aids-mit eq­qugaaner­paaf­fiusuni inuit 66 mil­lionit pal­lin­nagit inuujumaar­tut“. „Confronting AIDS: Evidence From the Developing World“, nalunaarusiaq EU-Kommissionimin­ngaan­neersoq aam­malu Silarsuarmi Aningaaserivim­min­ngaan­neersoq.

Piitsuuneq

„Inuit 1,3 mil­liardingajaat dol­lar ataaseq inorlugu ul­lormut inuus­sutis­saraat 1 mil­liardil­lu pal­lil­lugit inuit nerisas­saat pisariaqavis­sut pineq ajor­paat.“ „Human Development Report 1999“, FN-ip Ineriar­tor­nis­samut pilersaarutai.

Sorsunneq

„[Nunani as­sigiin­ngitsuni] persut­taaneq suli an­ner­tunerusin­naavoq. Inuiaqatigiis­sutsik­kut, naggueqatigiis­sutsik­kut up­perisarsior­nik­kul­lu as­sigiin­ngis­sutsit pil­lugit, ukiuni 25-ni tul­liut­tuni aporaan­nerit nalingin­naanerusut tas­saas­sap­put peq­qar­niitsumik saas­sus­sinerit ukiut tamaasa inuit hundredetusindil­lit inuuneran­nik naleqar­tut.“ — „New World Coming: American Security in the 21st Century“, U.S. Commission on National Security/21st Century

Naak ukiunut tusindilin­nut nutaanut ikaarsaariar­neq nal­liut­torsiutigineqaraluaqisoq tul­luus­simaarutigineqarlunilu piviusut takutip­paat mingutitsineq, nap­paatit, piitsuuneq, sorsun­neril­lu aatsaat taama ingasatsigilersut. Ajor­nar­torsiutit tamak­ku aal­laavii tas­saap­put piumatus­suseq, tatigin­nin­ngin­neq nam­minis­sarsior­nerlu, pis­sutsit ilisimatusaatitigut misis­suinik­kut, teknologi imaluun­niit politik­ki iluaqutigalugit iluarsineqarsin­naan­ngitsut.

Ukiut tusindillit inuiaannut pilluaqqusisussat

Qanga al­lat­tut ilaata paasisimaavaa „inuup ingerlavis­sani nam­mineq aalajangigas­sarin­ngik­kaa angutil­lu aalajangigas­sarin­ngik­kai qanoq ingerlanis­sani al­loriar­tar­nis­sanilu“. (Jeremia 10:23) Inuit nunamik aqutsinis­samin­nut pigin­naas­suseqan­ngil­lat pisus­saatitaanatil­luun­niit. Pin­ngor­titsisoq, Jehova Guuti kisimi inuit ajor­nar­torsiutaan­nik aaq­qiisin­naatitaavoq aam­malu kisimi nalun­ngilaa suna pisariaqar­toq. — Rûmamiut 11:33-36; sarĸúmersitat 4:11.

Qaquguli qanorlu ilil­luni taman­na pis­sava? Takus­sutis­sar­pas­suaqar­poq ’ul­lut kingul­liit’ naggatis­saat qaneqigivut. Biibilit tigoriarlugu Timûtiusimut agdlagkat áipait 3:1-5 atuariariak­kit. Versini ersaris­sumik takutin­neqar­poq ’ul­luni ajor­nar­tuni’ pis­sutsit inuit ilisar­naatis­saat. Aam­maa Matîuse 24:3-14 aam­malu Lúkarse 21:10, 11 ’ul­lut kingul­liit’ pil­lugit al­laaserisanik imaqar­put. Al­laaserisat taak­kua 1914-miil­li pisimasut tik­kuar­neruaat soorlu as­sersuutigalugit nunarsuaq tamak­kerlugu sorsun­nerit, nap­paatit toqus­sutaasar­tut aam­malu kaan­nersuit siam­maralut­tuin­nar­tut.

Qanit­tumi ’ul­lut kingul­liit’ naggaser­neqas­sap­put. Daniel 2:44-mi al­las­simavoq: „Naalagaaf­fin­nguit taak­kua kun­ngii inuutil­lugit Guutip qilam­miusup naalagaaf­fik qaqugumul­luun­niit atasus­saq pilersik­kumaar­paa. . . . Guutip naalagaaf­fiata naalagaaf­fiit taak­ku tamaasa aserus­savai sequmisil­lugit, nam­minerli soraajuitsumik atas­saaq.“ Tas­sa siulit­tuutigineqarsimavoq Guuti naalagaaf­fim­mik imaluun­niit naalak­kersuisunik nunarsuarmut naalak­kersuisus­sanik pilersitsiumaar­toq. sarĸúmersitat 20:4 naaper­torlugu naalagaaf­fik taan­na ukiuni tusindini naalak­kersuis­saaq. Qanimut misis­soriar­tigu ukiuni tusindilin­ni nuan­nersuni taak­kunani inuian­nut pis­sutsit qanoq pitsan­ngorias­sanersut.

Aningaasatigut. „Il­luliorumaar­put nam­min­neq inigisas­samin­nik viin­nequtinil­lu ik­kus­suil­lutik inerititai nerisas­samin­nik. Il­lulius­san­ngil­lat al­lamiut inis­saan­nik ik­kus­suis­sanatil­lu takor­nar­tat nerisas­saan­nik.“ — Jesaja 65:21, 22.

Peqqinnissaq. „Nunatsin­ni ima oqar­toqas­san­ngilaq: ’Nap­parsimavunga!’ „Taava tap­piitsut isaat uisitaas­sap­put, tusilar­tut siutaat am­mar­neqas­sap­put. Tusiat­toq tut­tutut pis­sigarumaar­poq oqajuitsuugaluaq qiim­mat­tarluni ap­pik­kumaar­poq.“ — Jesaja 33:24; 35:5, 6.

Avatangiisit. Guutip ’nunamik aseruisut aserus­savai’. — sarĸúmersitat 11:18.

Inuit imminnut pissusii. „Ajor­tumik ilior­toqar­nanilu ajoqusiisoqas­san­ngilaq qaq­qan­ni il­ler­nar­tumi, [Jehovamik] ilisarsinerup nuna tamak­kerumaarmagu.“ — Jesaja 11:9.

Inuit mil­lionil­lit Biibilimi neriorsuutit tamak­ku up­peraat, taman­nalu tun­ngavigalugu siunis­samik isumal­luar­tumik tatigin­nip­palut­tumil­lu isigin­nit­taaseqarlutik. Tamatuma ikiorsimavai ul­luin­nar­ni atuk­katit ilungersunar­tut ajor­nar­torsiutitil­lu pak­kersimaarsin­naal­lugit. Biibili aam­ma il­lit inuunin­ni najoq­qutarisin­naavat. Qanorli ilil­lugu?

Ilisarsineq inuunermut sammisoq

Ilisimatusaatit tenologilu as­sigiin­ngitsor­pas­suar­nik tupin­nar­tunik pilersitsisimap­put. Kisian­ni amerlaner­nut inuit ilisimaligaasa inuuneq toq­qis­sisimanerulersin­nagulu pil­luar­nerulersin­ngilaat. Ilisarsineq im­mik­kut it­toq inuunermik pil­lualersitsisar­toq toq­qis­sisitsisar­torlu Biibilimi Juánase 17:3-mi al­laatigineqar­poq, ima al­las­simam­mat: ’Tas­saavorli inuuneq naas­saan­ngitsoq: il­lit ilisaralutit kisivit ilumut Guutiusutit, aal­lar­tital­lu Jesus Kristus ilisaralugu.’

Ilisimas­sut taamaat­toq Biibilimi nas­saas­saavoq. Amerlasuut atuagaq taan­na il­ler­nar­toq pil­lugu aalajangersimasumik isumaqar­put, ikit­tuin­naal­li nam­min­neq atuarsimavaat misis­sorlugulu. Il­lim­mi? Nas­suerutigis­savar­put Biibili atuas­sal­lugu ilungersunarsin­naam­mat, ilungersor­nerli asuliin­naan­ngilaq. Biibili atuak­kani kisiar­taal­luni ’Guutip sun­niineratigut isumas­sarsiarititaavoq iluaqutaal­luni ajoqersuutaal­lunilu iner­teq­qutaal­luni, iluarsiar­tuutaal­luni, iluar­nermut perorsaataal­luni.’ — 2 Timûtiuse 3:16, NV.

Qanoq ilil­lugu Biibili ilik­karsin­naaviuk? Taamaaliorsin­naavutit Jehovap Nalunaajaasuisa ikiuiniar­nerat akueriguk­ku. Akeqan­ngitsumik inuit mil­lionil­lit angerlarsimaf­fian­ni ilin­niar­titsisar­put. Tas­sani ator­neqar­tar­put atuagas­siat Biibililersaarutaasut soorlu atuagas­siaaraq, Guutip sumik piumaffigaatigut? Atuagas­siaaq­qap apeq­qutit amerlasuut apeq­qutigisimagunak­katit akis­sutis­saqar­tip­pai soorlu imaat­tut: Guuti kinaava? Guutip nunarsuaq sumik siuner­taqarfigaa? Guutip naalagaaf­fia suua? Ilaqutariit­tut inuuner­put Biibilip qanoq pitsaanerulersis­sin­naavaa?

Jehovap Nalunaajaasuinik pulaar­toqarusuk­kuit ataani im­mersugas­saq im­mersoriarlugu nas­siuguk. Nuan­naarutigalugu paasis­sutis­sanik amerlanerusunik Guutip naalagaaf­fiata ukiuni tusindini nuan­nersuni aqutsinera pil­lugu ikiorumavaatit.

□ Atuagas­siaaraq Guutip sumik piumaffigaatigut? perusup­para

□ Akeqan­ngitsumik Biibilimik atuaq­qis­saaqateqar­nis­saq siuner­taralugu saaf­figineqarusup­punga.

[Quppernerup ataani ilanngussaq]