Nalerisimaarlutit inuugit — maannakkut naassaanngitsumullu!

BIIBILIMI oqalut­tuarineqar­tut ilaata Aaperaap up­per­tup nuimasul­lu il­loqarfim­mini pigis­saarfioqisumi Urimi inuuneq ilorrisimaar­nar­toq qimap­paa. Il­loqarfim­mi Karanimiil­latsiariarluni inuunermi sin­nera angalaan­nar­tun­ngor­poq. Aalajangersimasumik il­loqan­ngin­nami tupermi najugaqar­poq. (1 Mosesi 12:1-3; Apustilit Suliaat 7:2-7; Hebræerit 11:8-10) Taamaak­kaluar­toq oqaatigineqar­poq Aaperaat ’utoq­qarsuan­ngorluni toqusoq, utoq­qarmut ul­lus­sani naam­matsis­simal­lugit’. (1 Mosesi 25:8) Tas­saan­naan­ngilaq utoq­qaq inuunermi sivisuumi naam­mas­sisaminik nalerisimaarutigin­nit­toq. Up­perluar­tuunini pil­lugu kingusin­nerusuk­kut ’Jehovap ikin­ngutaanik’ taaneqar­poq. (Jaaku 2:23; Esaja 41:8) Pin­ngor­titsisumut siuner­taqarluar­tumik at­taveqar­nerata inuunera imaqalersip­paa.

² Ukiut 4000-ingajaat matuma sior­na inuusoq Aaperaat as­sigalugu Guuti ikin­ngutigileruk­ku aam­ma il­lit siuner­taqarluar­tumik nalerisimaar­nar­tumil­lu inuulis­saatit. Im­maqa isumaqar­putit silarsuarmik Pin­ngor­titsisoq ikin­ngutigis­sal­lugu ingasangajat­toq — taamaat­toqarsin­naavorli. Qanoq? Ilisarisimaler­tariaqar­pat asalerlugulu. (1 Korinthimiut 8:3; Galatiamiut 4:9) Pin­ngor­titsisumut taamatut at­taveqar­nerup imaqarluar­tumik siuner­taqarluar­tumil­lu inuuneqalersis­savaatit.

³ Jiisusi Kristusip pil­liutaanik uter­titsis­sutaasumik kajumil­lutik ilas­sin­nit­tunut qanoq nuan­nersumik inuusoqarsin­naaneranik Jehova najoq­qutas­siivoq. (Esaja 48:17) Suup ajun­ngitsuuneranik suul­lu ajor­tuuneranik Adami aalajangeerusul­luni Guutimut pikitsitsisoq eq­qaamajuk. Er­nermi uter­titsis­sutitut pil­liutaa aq­qutigalugu Jehovap inuiaat pisiarigaluarai — taamaalil­lunilu ajor­timit toqumil­lu tamaasa inus­siaajun­naar­nis­saan­nik periarfis­sik­kai — inuup nam­mineq aalajanger­tus­saavaa pil­liut uter­titsis­sutaasoq ilas­sis­sanerlugu suul­lu ajun­ngitsuuneranik suul­lu ajor­tuuneranik nam­mineq najoq­qutas­siani malik­kun­naarlugit. Jiisusip pil­liutaanut uter­titsis­sutaasumut ilas­sin­nit­tunut Jehovap inatsisai najoq­qutas­siaalu naalat­tariaqar­pavut.

⁴ Biibilimik atuaq­qis­saar­nerit ingerlatiin­naruk­ku najoq­qutas­siaalu malik­kuk­kit qular­nan­ngitsumik suup ajun­ngitsuuneranik suul­lu ajor­tuuneranik Guutip najoq­qutas­siaasa naleqas­susiat paasilis­savat. (Tus­siaat 19:8-10) Jehovap pruf­fiitiata Mosesip oqar­neratut oqarusulis­saatit: „Ilumut isin­nut saam­maan­narsiguma taava aq­qutin­nik nalunaarfigin­nga ilisimaleq­qul­lutit ilin­nil­lu iluarisaajuaq­qul­lunga.“ (2 Mosesi 33:13; Tus­siaat 25:4) ’Ul­luni atugarliungaarfiusuni’ mak­kunani ajor­nar­torsiutinik qaangiinis­samut iluaqutaasin­naasunik Biibilimi najoq­qutas­siaqar­poq. (2 Timotheusi 3:1) Paasin­nin­nerulis­saatit taamaalil­lutil­lu Jehova ilisarisimanerulerlugulu ikin­ngutigil­luar­nerulis­savat.

⁵ Aaperaat utoq­qarsuul­luni ’ul­lus­sani naam­matsis­simal­lugit’ toquvoq, toqusoqar­tar­til­luguli inuuneq suli sivikip­pal­laaqaaq. Qanorluun­niit utoq­qaatigigaluarut­ta tamat­ta inuujuaan­narusut­tar­pugut. Taama kis­saateqar­nitsin­nut pis­sutaavoq Guutip ’it­tuin­nar­toqar­nera uum­matitsin­nut tun­nium­magu, taman­na piginagu inuup isumasisin­naan­ngim­magu suliaq Guutip suliarisaa aal­laq­qaataan­nit naggatis­saanul­lu’. (akugdlissup oqause 3:11) Naas­saan­ngitsumik inuugaluarut­taluun­niit Jehovap pin­ngor­titai tamaasa paasinavian­ngilavut. Jehovap pin­ngor­titaani tupin­nangaar­tumi qimerloorsin­naasavut, ilin­niarsin­naasavut nuan­naarutigisin­naasavul­lu kil­leqan­ngil­lat! — Tus­siaat 19:2-5; 104:24; 139:14.

⁶ Nunarsuarmi ul­lutsin­ni takusar­tak­katsin­nik ajor­nar­torsiuteqar­til­lugu im­maqa naas­saan­ngitsumik inoorusun­ngilatit. Isumakulut­tariaqan­ngilatil­li. Biibilimi ima neriorsuuteqar­poq: „Neriorsuutaali naaper­torlugu ilimagisaraavut qilaat nutaat nunalu nutaaq iluas­sutsip najugarisas­sai.“ (2 Petrusi 3:13) „Qilaat nutaat“ tas­saap­put qilam­mi naalak­kersuisut nutaat — Guutip naalagaaf­fia, nunarsuarmut tamarmut naalak­kersuisus­saq. ’Nuna nutaaq’ tas­saavoq inuiaat nutaat Guutip naalagaaf­fianut naalat­tut. Taman­na piviusun­ngor­tin­niarlugu Jehovap ungasin­ngitsuk­kut „nunarsuarmik aseruisut“ akuliuf­figis­savai. — Saq­qum­mersitat 11:18; 2 Petrusi 3:10.

⁷ Taman­na qaqugu pis­sava? ’Silarsuup naggatis­saanut . . . nalunaaqutitut’ nunat akor­nan­ni sorsun­nerit, ’kaan­nersuit nunal­lu sajut­tar­nis­sai, nap­paas­suit, inatsisaatsulior­nerlu’ Jiisusip eq­qaavai. (Mat­thæusi 24:3-13; Lukasi 21:10, 11; 2 Timotheusi 3:1-5) Taava ima siulit­tuivoq: „Tamak­ku tamaasa takulerus­sigit ilisimas­savarsi Guutip naalagaaf­fia qanil­lisoq.“ (Lukasi 21:31) Aap, Jehovap ajor­tunik nungutitsif­fis­saa qanil­liar­torasuar­poq.a

⁸ ’Guutip Ajugaqan­ngitsup ul­lus­sarsuani sorsun­nermi’ Jehovap nuna ajus­suseerutereer­pagu paratiisin­ngoq­qis­saaq. (Saq­qum­mersitat 16:14, 16; Esaja 51:3) Taamanik­kus­samut „iluar­tut nuna kingor­nutis­savaat najugaqas­sal­lutil­lu tas­sani naas­saan­ngitsumik“. (Tus­siaat 37:29) Toqusimasum­mi? „Taman­na tupigusuutigis­san­ngilarsi, pif­fis­sarmi nal­liuk­kumaar­poq ilivermiit­tut tamarmik taas­suma nipaanik tusarumaarfis­saat iliver­nil­lu aniumaarfis­saat — ajun­ngitsumik iliorsimasut makil­lutik inuunis­samut ajor­tumil­li iliorsimasut makil­lutik eq­qar­tuun­neqar­nis­samut.“ (Johan­nesi 5:28, 29) Jehovap inuk kinaluun­niit soqutigigamiuk, toqumi sinip­paar­tut inuuneqalerseq­qik­kusup­pai. Ilisimatuut timip sananeqaatai kinguaariit kingor­nut­tagaat atorlugit im­maqa inun­nik as­siliiniarsarisin­naap­put, Pin­ngor­titsisorli taamaalior­tariaqan­ngilaq. Inuup kialuun­niit uter­titaasin­naasup qanoq it­tuunera tamarluin­naat eq­qaamasin­naavaa tamaasalu inuuneqalerseq­qis­sin­naal­lugit. Aap, toquk­kut an­naasatit nunami paratiisiusumi takoq­qis­sin­naavatit!

⁹ Paratiisimi inuuneq qanoq is­sava? Nunarsuaq ar­nanik angutinil­lu pil­luarlutik Pin­ngor­titsisimin­nik un­nersiutigin­nit­tunik ulik­kaas­saaq. „In­nut­taasoq kinaluun­niit oqas­san­ngilaq: „Nap­parsimavunga!“ (Esaja 33:24; 54:13) Kinaluun­niit peq­qin­nan­ngitsumik uip­pakajaar­tarun­naas­saaq imaluun­niit eq­qarsar­taatsik­kut sianis­sutsik­kul­luun­niit nap­parsimas­saas­sal­luni. Tamarmik naam­mat­tunik nerisas­saqas­sap­put, Guutil­lu siuner­taa naaper­torlugu siuner­taqarluar­tumik suliaqas­sal­lutik. (Tus­siaat 72:16; Esaja 65:23) Inoqatitik uumasul­lu eq­qis­seqatigis­savaat, pingaar­ner­paamil­lu: ’Guuti eq­qis­seqatigis­sal­lugu’. — Romamiut 5:1; Tus­siaat 37:11; 72:7; Esaja 11:6-9.

¹⁰ Paratiisimiilerumal­lutit tas­sanilu nalerisimaar­nar­tumik nuan­nersumil­lu inuulerumal­lutit qanoq ilius­savit? Jiisusi Kristusi ima oqarsimavoq: „Inuuneq naas­saan­ngitsoq tas­saavoq ilin­nik, ilumut kisimi Guutiusumik aal­lar­titan­nil­lu Jiisusi-Kristusimik, ilisiman­nin­neq.“ (Johan­nesi 17:3) Taamaat­tumik Jehova Jiisusi Kristusilu ilisarisimaneruler­niar­tariaqar­patit Guutil­lu sumik piumaf­figineraatit ilin­niarlugu. Taamaalil­lutit Jehova Guuti nuan­naar­tis­sin­naavat, nalerisimaar­nar­ner­paamil­lu inuuneqalersin­naal­lutit.