„Tamanit pingaarnerusumik qamannga pisumik asaqatigiigitsi“

„Suul­li tamarmik naggatis­saat qanil­livoq. . . . Tamanit pingaar­nerusumik qaman­nga pisumik asaqatigiigitsi.“ — 1 PETRUSI 4:7, 8, NV.

JIISUSIP nalun­ngilaa ajoqersuk­kami nalunaaqut­tap-akun­nerini kingul­ler­ni najor­nis­sai iluatin­nar­tuusoq. Taak­kunun­nga qanoq pisoqarumaar­toq nalun­ngilaa. Angisuumik sulias­saqar­put, uumis­sor­neqarlutil­lu malersor­neqas­sap­put, soorlut­taaq Jiisusi taama pineqarsimasoq. (Johan­nesi 15:18-20) Un­num­mi tas­sani kingul­lermi peqatigiin­nermin­ni arlaleriarluni eq­qaasip­pai ’asaqatigiis­sasut’. — Johan­nesi 13:34, 35; 15:12, 13, 17.

² Apustili Petrusip un­nuk taan­na najuuk­kami taman­na paasivaa. Ukior­pas­suit tamatuma kingor­na, Jerusalemip aseror­neqar­nera sioq­qutitsiarlugu, kristumiunut al­lak­kamini asan­nin­nerup pingaaruteqar­nera erseq­qis­sar­paa. Ima al­lap­poq: „Suul­li tamarmik naggatis­saat qanil­livoq. . . . Tamanit pingaar­nerusumik qaman­nga pisumik asaqatigiigitsi.“ (1 Petrusi 4:7, 8) Petrusip oqaasii uagutsin­nut aaq­qis­suus­saanerup matuma ’ul­luini kingul­ler­ni’ inuusunut isumaqangaar­put. (2 Timotheusi 3:1) ’Qaman­nga pisumik asan­nin­neq’ qanoq paasisariaqar­pa? Sooq al­lanut asan­nin­neq taamaat­toq pingaaruteqar­pa? Qanorlu taamaan­ner­put ersersis­sin­naavar­put?

’Qamannga pisumik asanninneq’ sunaava?

³ Inup­pas­suit isumaqar­put asan­nin­neq misigis­susiusoq nam­mineq tak­kut­tus­saq. Petrusil­li Petrusip al­lagai siul­liit 4:8-mi eq­qar­tugaa tas­saavoq asan­nin­neq im­mik­korluin­naq it­toq, asan­nin­nerit akimaner­paar­taat. Oqaaseq grækerit oqaasian­nit agaʹpē-mit nutsigaavoq. Tas­sa asan­nin­neq nam­minis­sarsiun­ngitsoq tun­ngaviusumik isum­mer­nermik aal­laaveqar­toq. Qinerlerfis­siami taman­na pil­lugu ima al­las­simasoqar­poq: „Asan­nin­neq agape-mik taaneqar­toq piumas­sutsimit aqun­neqarsin­naavoq misigis­susiin­naan­ngin­nami, aalajanger­nerugamili iliuuseqar­nermik kinguneqar­tar­toq.“ (The Expositor’s Bible Commentary, 1981) Asaqatigiin­nis­satsin­nik Guutil­lu najoq­qutas­siaanut naaper­tuut­tumik ilior­nis­satsin­nik eq­qaasin­neqar­tuar­tariaqar­pugut nam­minis­sarsior­neq inun­nguuserigatsigu. — 1 Mosesi 8:21; Romamiut 5:12.

⁴ Taman­nali isumaqan­ngilaq asaqatigiin­neq pisus­saaf­fiin­naasoq. Misigis­sutsit aam­ma asan­nin­nermut aga’pē-mik taaneqar­tumut ilaap­put. Petrusimi al­lap­poq ’qaman­nga pisumik asaqatigiis­sasugut’.a Taamaat­torli asan­nin­neq taama it­toq tamaviaar­nar­tuusin­naavoq. Grækerit oqaasiat „qaman­nga pisumik“ nutser­neqar­toq ima oqaaseqarfigineqar­poq: „Takorloor­neqarsin­naavoq timersor­tar­tup as­soroorluni nukini tamaasa ator­niarai ar­paliul­luni apuutiler­nermini.“

⁵ Imaap­poq, asan­nin­ner­put piumal­leraangat­ta aatsaat ajun­ngitsuliorluta imaluun­niit qaniginerusatsin­nuin­naq ersersit­tariaqan­ngilar­put. Kristumiut asan­nit­tuusariaqar­put, aam­ma ajor­nar­pasik­kaluar­tutigul­luun­niit. (2 Korinthimiut 6:11-13) Taamaat­tumik asan­nin­neq pis­susiuvoq sungiusar­neqar­tariaqar­toq, soorlut­taaq timersor­tar­toq pik­korin­nerulerumal­luni sungiusar­tariaqar­tar­toq. Asaqatigiin­ner­put im­mik­kut pingaaruteqar­poq. Sooq? Ikin­ner­paamik pingasut pis­sutigalugit.

Sooq asaqatigiit­tariaqarpugut?

⁶ Siul­lermik „asan­nin­neq Guutimit pim­mat“. (1 Johan­nesi 4:7) Jehovap, pis­sutsimut tamatumun­nga kusanar­tumut aal­laaviusup, asaq­qaar­paatigut. Apustili Johan­nesi al­lap­poq: „Matumuuna Guutip asan­nin­nera akor­natsin­ni saq­qum­mersin­neqarsimavoq: Guutip er­nituani silarsuarmut aal­lar­tim­magu taas­sumuuna inooq­qul­luta.“ (1 Johan­nesi 4:9) Guutip er­nera ’aal­lar­tin­neqar­poq’ inut­tut inuulersil­lugu, kif­far­tor­nini naam­mas­sivaa, nap­pak­kamilu an­niar­titaaf­fim­mi toqul­luni — taamaalior­porlu „inooq­qul­luta“. Guutip asan­nin­nera nalis­saqan­ngil­luin­nar­toq taman­na qanoq akisin­naavar­put? Johan­nesi akivoq: „Guutip taama asam­matigut uagut­taaq asaqatigiit­tariaqar­pugut.“ (1 Johan­nesi 4:11) Malugiuk Johan­nesi al­lat­toq: „Guutip taama asammatigut“ — illit kisivit pin­ngilaatit kisian­ni uagut, tas­sa il­lit up­peqatitil­lu. Aap, Guutip up­peqativut asam­magit uagut­taaq asasariaqar­pavut.

⁷ Aap­pas­saanik maan­nak­kut ’suut tamarmik naggatis­saat qanil­lim­mat’ asaqatigiin­nerusariaqar­pugut, qatan­ngutivut pisariaqar­titaan­nik ikiorlugit. (1 Petrusi 4:7, NV) Ul­lut ’atugarliungaarfiit’ inuuf­figaavut. (2 Timotheusi 3:1) As­sor­tuineq, pin­ngor­titap nukingisa ajunaar­nersuaqar­titsineri silarsuarmilu pis­sutsit pis­sutigalugit inuuneq ar­tor­narsin­naavoq. Taama ajor­nar­torsior­nar­tigitil­lugu ataqatigiin­nerusariaqar­pugut. Qaman­nga pisumik asaqatigiin­nerup ataqatigiis­sis­savaatigut ’isumas­soqatigeeq­qul­luta’. — 1 Korinthimiut 12:25, 26.

⁸ Pingajus­saanik asaqatigiit­tariaqar­pugut ’Diaavulu inis­saqar­tin­nian­ngin­natsigu’. (Efesosimiut 4:27) Saatanip nangaanani up­peqatit­ta san­ngiis­sutaat, kuk­kuneri naam­mal­luin­nan­ngitsuunerilu ator­nerlus­savai orlutis­sin­naagunitigut. Eq­qarsaatigil­luagaan­ngitsunik oqar­toqar­pat kusanan­ngitsumil­luun­niit iliuuseqar­toqar­pat ilagiit tunus­savavut? (Us­satit 12:18) Qaman­nga pisumik asaqatigiik­kut­ta taamaalior­navian­ngilagut! Asaqatigiin­neq taamaat­toq iluaqutigalugu eq­qis­seqatigiin­neq il­lersus­savar­put ’isumaqatigiil­lutalu’ Guuti kif­far­tuutis­sal­lugu. — Sefania 3:9.

Qanoq asanninnerit ersersis­sinnaagit

⁹ Asan­nin­neq angerlar­simaf­fimmi aallar­ner­feqar­tariaqarpoq. Jiisusi oqar­poq ajoqersuk­kani ilumoor­tut asaqatigiin­nermik­kut ilisarineqas­sasut. (Johan­nesi 13:34, 35) Asan­nin­neq ilagiin­niin­naan­ngitsoq aam­mali ilaqutariin­ni — aap­pariit akor­nan­ni aam­ma angajoq­qaat meeq­qal­lu akor­nan­ni — ersersin­neqarsin­naasariaqar­poq. Ilaqut­tanut asan­nis­suseqar­neq naam­man­ngilaq, asan­nin­nerli aam­ma erser­sin­neqar­sin­naasariaqarpoq.

¹⁰ Aap­pariit asaqatigiin­ner­tik qanoq ersersis­sin­naavaat? Uiusup nuliani ilumoorluni asaguniuk oqaatsimigut iliuutsimigul­lu, kisimeeqatigiik­kaangamik al­lanil­lu peqateqaraangamik, asan­nin­nini ersersik­kumas­savaa. Inut­tut ataq­qis­savaa eq­qarsaatai, isumai misigis­susiilu eq­qarsaatigisarlugit. (1 Petrusi 3:7) Nam­mineq kis­saatigisani sal­liutin­nagit nuliami iluaqutis­sai pingaar­tin­nerus­savai, sapin­ngisaminil­lu nunap piinik, anersaak­kut misigis­sutsik­kul­lu pisariaqar­titaanik tunisas­sal­lugu. (Efesosimiut 5:25, 28) Nuliaasup uini ilumut asaguniuk „ataq­qingaas­savaa“ aam­ma naak ilaan­nik­kut ilimagisani naam­mas­sisin­naasan­ngik­kaluarai. (Efesosimiut 5:22, 33, NV) Uini tapersersus­savaa taas­sumun­ngalu naalatsigitil­luni. Piumasaqar­pal­laar­navian­ngilaq, suleqatigiis­sap­pul­li tamarmik anersaak­kut soqutigisat pingaar­nerutis­sin­naanias­sagamik­kik. — 1 Mosesi 2:18; Mat­thæusi 6:33.

¹¹ Ilis­si angajoq­qaat, qanoq meeq­qasi asan­nit­tuliorfigisin­naavisigit? Sulinis­sigut ilaqut­tas­sin­nik pilersuinersi asan­nin­nis­sin­nut takus­sutis­saavoq. (1 Timotheusi 5:8) Meeq­qal­li nerisas­sat, atisat inis­saqar­nerul­lu saniatigut aam­ma al­lanik pisariaqar­titaqar­put. Guuti ilumoor­toq asal­lugu kif­far­tuul­lugulu al­liar­tus­sagunik anersaak­kut­taaq it­tunik ajoqersor­neqar­tariaqar­put. (Us­satit 22:6) Taamaat­tumik taak­kua Biibilimik atuaq­qis­saaqatigisar­nis­saat, oqaluus­seqatigisar­nis­saat ataatsimiigiaqatigisar­nis­saal­lu pif­fis­saqarfigisariaqar­parsi. (5 Mosesi 6:4-7) Sam­misat tamak­ku aalajangiutis­sagaan­ni pil­liuteqangaatsiar­tariaqar­poq, ingam­mik ul­lutsin­ni ar­tor­nar­tuni. Isumas­suil­lutil­li peq­qis­saarlutil­lu meeq­qavit anersaak­kut pisariaqar­titaat isumagiguk­kit taman­na taak­kunun­nga asan­nin­nin­nut takus­sutis­saal­luas­saaq; ersersis­savat meeq­qavit naas­saan­ngitsumik iluaqutis­saat soqutigigit. — Johan­nesi 17:3.

¹² Angajoq­qaat asan­nin­nermin­nik ersersitsil­lutik meeq­qamik misigis­sutsik­kut pisariaqar­titaan­nik isumagin­nin­nis­saat pingaaruteqarluin­nar­tuuvoq. Meeq­qat eq­qor­tiasuup­put nalor­nisuukulasarlutil­lu; ilis­sin­nit asaneqar­ner­tik qulak­keerusup­paat. Oqarfigisigit asal­lugit, as­sigiin­ngitsutigul­lu taman­na ersersis­siuk. Taava paasis­savaat inut­tut naleqarlutik asaneqar­nis­samin­nul­lu pis­sutis­saqar­toq. Ilumoorlusi nersor­tarsigit. Taava paasis­savaat eq­qor­tumik perusun­ner­tik malugineqarlunilu pingaar­tin­neqar­toq. Perorsar­tariaqarus­sigit asan­nil­lusi taamaalioritsi. Taamaalil­lusi ersersis­savarsi inut­tut ineriar­tor­nis­saat soqutigigis­si. (Efesosimiut 6:4) Taamatut isumas­suinermik ersersitsineq asan­nin­nermut takus­sutis­saavoq peq­qin­nar­toq; ilaqutariit nuan­naar­nis­saan­nut ataqatigiin­nis­saan­nul­lu aam­malu ul­luni mak­kunani kingul­ler­ni tatineqar­nerup akior­niar­nis­saanut iluaqutaas­saaq.

¹³ Asan­nik­kut­ta allat kuk­kugaangata isumak­keer­figisin­naasas­savavut. Petrusip pis­sutitut eq­qaasaa eq­qaamajuk oqarami kristumiut ’qaman­nga pisumik asaqatigiis­sasut’. Oqar­poq: ’Asan­nin­nerup ajor­ter­pas­suit matoor­tar­pai.’ (1 Petrusi 4:8, NV) Ajor­tinik matoorineq isumaqan­ngilaq ajor­tuliungaar­ner­nik iser­tuus­sineq. Unioq­qutitsinerit taama it­tut ilagiin­ni akisus­saaf­filin­nut eq­qaaneqar­tariaqar­put, iliuuseqarfigisin­naanias­sam­matigit. (3 Mosesi 5:1; Us­satit 29:24) Ingasat­tumik ajor­tulior­nerit ilagin­naan­nar­neqar­tar­pata taamalu pin­ngitsuusut ajoquser­neqar­tar­pata taman­na asan­nin­nerun­ngivip­poq Biibilimul­lu naaper­tuun­nani. — 1 Korinthimiut 5:9-13.

¹⁴ Amerlaner­tigul­li up­peqatit­ta unioq­qutitsineri san­ngiis­sutaal­lu taama ingasatsigisan­ngil­lat. Tamat­ta oqaatsik­kut iliuutsik­kul­luun­niit kuk­kusar­pugut al­lal­lu pakatsisil­lugil­luun­niit ajual­latsis­sin­naal­lugit. (Jaaku 3:2) Al­lat kuk­kuneri siaruar­tipal­lat­tariaqar­pat? Naamik, taman­na ilagiin­ni aaq­qiagiin­ngis­sutaaliin­narsin­naavoq. (Efesosimiut 4:1-3) Asan­nin­nermit aqun­neqarut­ta up­peqater­put ’kan­ngunarsarumas­san­ngilar­put’. (Tus­siaat 50:20) Soorlu iik­kami qup­pat matoor­neqarsin­naal­lutil­lu qalipan­neqarsin­naasut, aam­ma asan­nin­nerup al­lat naam­mal­luin­nan­ngis­sutaat matoorsin­naavai. — Us­satit 17:9.

¹⁵ Asan­nin­nerup killis­savaatigut ajor­saateqavis­sut ikior­nis­saan­nut. Ul­luni kingul­ler­ni mak­kunani pis­sutsit ajorsiar­tuin­nar­til­lugit ilaan­nik­kut up­peqativut nunap piisigut ikior­neqar­tariaqarsin­naap­put. (1 Johan­nesi 3:17, 18) Ilagiin­niit­tut ilaat aningaasatigut ajor­nar­torsiuteqaler­pa, soorlu sulif­fis­saarul­luni? Im­maqa nunap piisigut ikiorsin­naavar­put periarfis­savut naaper­torlugit. (Us­satit 3:27, 28; Jaaku 2:14-17) Uil­lar­nerup utoq­qalisup il­lua iluarsaat­tariaqar­pa? Im­maqa tamatumani naleq­qut­tumik iliuuseqarsin­naavugut. — Jaaku 1:27.

¹⁶ Al­lanut asan­nin­ner­put eq­qaamiutsin­nuin­naq tun­ngas­san­ngilaq. Ilaan­nik­kut tusar­tar­par­put Guutip kif­fai nunani al­lani anorersuar­nit, nunap sajun­nerinit eq­qis­siviil­lior­ner­nil­luun­niit ajor­nar­torsior­titaasut. Im­maqa nerisas­sanik, atisanik al­lanil­luun­niit as­sut pisariaqar­titsip­put. Naggueqatigiin­nut inuiaqatigiin­nul­luun­niit kik­kun­nut atanerat apeq­qutaan­ngilaq. ’Qatan­ngutigiis­suit tamaasa asavavut’. (1 Petrusi 2:17, NV) Taamaat­tumik ukiuni hundredelin­ni siul­ler­ni ilagiit as­sigalugit taak­kunun­nga ikiuiniar­neq tapersersorumas­savar­put. (Apustilit Suliaat 11:27-30; Romamiut 15:26) Taamaalil­luta as­sigiin­ngitsutigut asan­nin­ner­put ersersik­kaangatsigu ul­luni kingul­ler­ni mak­kunani ataqatigiin­ner­put qajan­naal­lisar­tar­par­put. — Kolos­semiut 3:14.

¹⁷ Asan­nin­nerup killit­tar­paatigut allat Guutip naalagaaf­fianik nutaar­sias­samik nuan­ner­sumik oqaluus­sif­figinis­saan­nut. Jiisusip maligas­siaa malugiuk. Sooq oqaluus­sil­lunilu ajoqersuisar­pa? Inuit ’nal­ligingaar­pai’ anersaak­kut ajorsar­tuum­mata. (Markusi 6:34) Anersaak­kut paarsisunit ilumuun­ngitsunit sumigin­nar­neqarlutil­lu tam­mar­tin­neqarsimap­put, taak­kunan­nga sal­lusuis­sum­mik ajoqersor­neqaratik neriuuteqalersin­neqaratil­lu. Maan­nali Jiisusip taak­ku tup­pal­lersar­pai, asan­ningaar­nermit piviusumit misigin­neqataanermil­lu kil­lin­neqarluni, ’Guutip naalagaaf­fianik iivangkiiliumik [nutaarsias­samik nuan­nersumik, NV]’ oqalut­tuul­lugit. — Lukasi 4:16-21, 43.

¹⁸ Ul­lumik­kut­taaq inup­pas­suit anersaak­kut sumigin­nar­neqar­nermik­kut tam­mar­titaasimasor­pas­suup­put neriuutaarus­simal­lutil­lu. Jiisusitut al­lat anersaak­kut pisariaqar­titsinerat malus­sarif­figigutsigu paasil­luarlugulu Guutip ilumoor­tup ilisarinis­saa qanoq amigaatigitigigaat, uagut­taaq asan­nin­nermit misigin­neqataanermil­lu kil­lin­neqarluta Guutip naalagaaf­fianik nutaarsias­samik nuan­nersumik oqalut­tuutis­savavut. (Mat­thæusi 6:9, 10; 24:14) Maan­na pif­fis­saq sivikim­mat tusarlius­sap inuunar­tup tamatuma oqaluus­sis­sutiginis­saa pingaaruteqar­nerungaar­poq. — 1 Timotheusi 4:16.

„Suut tamarmik naggatissaat qanillivoq“

¹⁹ Eq­qaamajuk Petrusi kristumiut asaqatigiit­tariaqar­neran­nik eq­qaasitsin­ngin­nermini ima oqarmat: „Suut tamarmik naggatis­saat qanil­livoq.“ (1 Petrusi 4:7, NV) Aap, silarsuaq ajor­toq man­na qanit­tuk­kut Guutip silarsuas­saanik iluar­tumik taarser­neqas­saaq. (2 Petrusi 3:13) Taamaat­tumik eq­qumanis­samut mianersor­nis­samul­lu maan­na pif­fis­saavoq. Jiisusip mianersoq­quaatigut: „Mianersoritsi uum­matisi malus­sarlersitaaq­qunagit aalakoor­nermit imerajun­nermil­lu inuunerul­lu matuma piinik isumakuluutinit, pakasar­teq­qunasi ul­lup taas­suma tas­san­ngaan­naq tikiun­neranit nigar­tuutitut il­luni.“ — Lukasi 21:34, 35.

²⁰ Sapin­ngisatsin­nik iliuuseqar­niar­ta ’eq­qumaniarluta’ pif­fis­sarlu qanoq it­toq inuuf­figigip­put puigor­nagu. (Mat­thæusi 24:42) Saatanip us­siiniar­neri tam­mas­sutigisin­naasavut eq­qumaf­figiniar­tigit. Silarsuup misigit­taatsup asan­niuitsul­lu uagut al­lat asan­nit­tuliorfiginis­saan­nut akor­nusis­san­ngilaatigut. Pingaar­tumil­lu Guuti ilumoor­toq Jehova qanin­niar­tigu, taas­suma nunarsuarmik siuner­taa kusanar­toq naalagaaf­fiata Mis­siarsik­koor­tup er­niin­naq piviusun­ngor­tis­sam­magu. — Saq­qum­mersitat 21:4, 5.

[Quppernerup ataani ilanngussaq]

ATUAQQISSAARNERMI APEQQUTIT

• Jiisusip ajoqersuk­kani naggataatigut qanoq kajumis­saar­pai, qanorlu takus­sin­naavar­put kajumis­saarutai Petrusip paasigai? (Im­m. 1-2)

• ’Qaman­nga pisumik asan­nin­neq’ sunaava? (Im­m. 3-5)

• Sooq asaqatigiit­tariaqar­pugut? (Im­m. 6-8)

• Qanoq asan­nin­nerit ersersis­sin­naaviuk? (Im­m. 9-18)

• Sooq im­minut naam­magisimaar­nermut eq­qis­sisimaar­pal­laar­nermul­lu pif­fis­saan­ngila, qanorlu ilior­nis­sar­put aalajangiusimasariaqar­par­put? (Im­m. 19-20)

[Qupp. 29-mi assiliartaq]

Ilaqutariit ataqatigiil­luar­tut ul­luni kingul­ler­ni mak­kunani tatineqar­neq akiorsin­naanerus­savaat

[Qupp. 30-mi assiliartaq]

Asan­nin­nerup kil­lit­tar­paatigut ajorsaateqavis­sut ikior­nis­saan­nut

[Qupp. 31-mi assiliartaq]

Al­lanut Guutip naalagaaf­fianik nutaarsias­samik nuan­nersumik oqaluus­sineq asan­nin­nermik ersersitsineruvoq