Jiisusi Kristusi – Missiarsi neriorsuutigisaq

KINA Missiarsiunersoq paasineqarsin­naaq­qul­lugu Jehovap pruf­fiitimi ilar­pas­sui isumas­sarsisil­lugit aniguisitsisus­sap neriorsuutigisap taas­suma inun­ngor­nis­saa, kif­far­tor­nis­saa toqunis­saalu pil­lugit an­nikitsualun­nik siulit­tuisip­pai. Siulit­tuutit Biibilimiit­tut tamak­ku tamarmik Jiisusimut Kristusimut eq­quutitin­neqar­put. Eq­qoq­qis­saar­nerat sukumiisuuneral­lu tupaal­lan­nar­poq. Mis­siarsip inun­ngor­nera meeraaneralu pil­lugit siulit­tuutit ilaat misis­soriar­tigit.

Pruf­fiitip Esajap siulit­tuutigaa kun­ngip Daavip Mis­siarsi kinguaaris­sagaa. (Esaja 9:6) Jiisusilumi Daavip kinguaaraa. – Mat­thæusi 1:1, 6-17.

Mikap, Guutip pruf­fiitiata al­lap, siulit­tuutigaa meeraq taan­na ‘Betlehemimi, Efratami’ inun­ngor­tus­saasoq kingusin­nerusuk­kul­lu naalagan­ngor­tus­saasoq. (Mika 5:1) Jiisusip inun­ngor­nerata nalaani Israelimi marlun­nik il­loqarfeqar­poq Betlehemimik taaguutilin­nik. Aap­paa nunap avan­naani Nazaretip eq­qaaniip­poq, aap­paalu Judami Jerusalemip eq­qaaniil­luni. Betlehemi Jerusalemip eq­qaaniit­toq siusin­nerusuk­kut Efratamik taaneqar­tar­poq. Jiisusi il­loqarfim­mi tamatumani inun­ngor­poq, siulit­tuutigineqarsimasutorluin­naq! – Mat­thæusi 2:1.

Biibilimi siulit­tuum­mi al­lami siulit­tuutigineqar­poq Guutip er­nini “Egyptenimit” qaaq­qus­sagaa. Jiisusi meeraal­luni Egyptenimukaan­neqar­poq. Herodesip toqunerata kingor­na Jiisusi Israelimut uteqataavoq, taamaalil­lunilu siulit­tuut eq­quup­poq. – Hosea 11:1; Mat­thæusi 2:15.

Mis­siarsi pil­lugu siulit­tuutit sukumiisut in­nersuus­sutigineqar­put uani: “Mis­siarsi pil­lugu siulit­tuutit.” Qulequtaaq­qat “Siulit­tuut” aam­ma “Eq­quun­nera” malugik­kit. Al­las­simaf­fik siulit­tuutilik atuariarlugu eq­quun­neranut tun­ngasoq atuaruk. Taamatut naleq­qius­sisar­nerit Guutip oqaasiata ilumoor­tuuneranik up­perin­nin­nerulis­sutigis­savat.

Al­las­simaf­fin­nik tamak­kunin­nga misis­suitil­lutit eq­qaamas­savat siulit­tuutit Jiisusip inun­ngor­nera ukiunik hundredilin­nik arlalin­nik sioq­qul­lugu al­lataam­mata. Jiisusi ima nalunaar­poq: “Tamak­ku Mosesip inatsisaani pruf­fiitinilu tus­siaatinilu uanga pil­lunga al­las­simasut tamarmik eq­quutis­sap­put.” (Lukasi 24:44) Soorlu nam­mineq Biibilin­ni up­per­narsisin­naagit siulit­tuutit ilumut eq­quup­put – sun­nguit tamaasa ilan­ngul­lugit!