Toqusut inaat suua?

BIIBILIP al­las­simaq­qaarfiini hebræerit oqaasiat sje’ōlʹ grækeril­lu oqaasiat oqaatsip tamatuma isumaqataa haiʹdēs 70-it sin­nerlugit ator­neqar­put. Oqaatsit marluk taak­ku toqumut atatil­lugu ator­neqar­tar­put. Oqaatsit taak­ku, sje’ōlʹ aam­ma haiʹdēs, ator­neqaraangata Biibilimi kalaal­lisuumi 2000-mi ator­tus­san­ngor­titaasumi tamatigut ‘toqusut inaan­nik’ nutser­neqar­tarsimap­put. Biibilimik nutsik­kani al­lani aam­ma ‘ilivermik’ imaluun­niit ‘an­niarfim­mik’ nutser­neqar­tarsimap­put. Oqaatsinili amerlaner­ni oqaatsit sje’ōlʹ-ip aam­ma haiʹdēs-ip isumaat eq­qoq­qis­saarlugit oqaaser­taqar­tin­neqan­ngil­lat. Sje’ōlʹ aam­ma haiʹdēs qanor­piaq isumaqar­pat? Misis­soriar­tigu al­las­simaf­fin­ni as­sigiin­ngitsuni qanoq ator­neqar­nersut.

Oqaluus­sisar­tup oqaasii 9:10-mi ima al­las­simavoq: ‘Toqusut inaan­ni [sje’ōlʹ] or­nitan­ni sulias­saqan­ngilaq ataqatigiin­neqaraniluun­niit ilisimasas­sanik ilisimas­susermil­luun­niit peqar­nani.’ Ima paasisariaqar­pa sje’ōlʹ tas­saasoq iliveq aalajangersimasoq, asasap ilerra? Naagga. Iliveq aalajangersimasoq Biibilimi pineqaraangat oqaatsit sje’ōlʹ imaluun­niit haiʹdēs ator­neqaratik hebræerit grækeril­lu oqaasii al­lat ator­neqar­tar­put. (1 Mosesi 23:7-9, 20; Mat­thæusi 28:1) Aam­ma Biibilimi oqaaseq sje’ōlʹ inuit arlal­lit ilivian­nut, soorlu ilaqutariit iliveqarfian­nut ataatsimul­luun­niit iliviliarsuarmut, ator­neqar­neq ajor­poq. – 1 Mosesi 49:30, 31.

Taavami oqaaseq sje’ōlʹ ator­neqaraangat suna pineqar­tar­pa? Guutip oqaasiani ersersin­neqar­poq sje’ōlʹ, imaluun­niit haiʹdēs, al­laat ataatsimut iliviliarujus­suarmit an­ner­tunerungaar­toq. As­sersuutigalugu Esajap al­lagai 5:14-imi al­las­simavoq ‘toqusut inaata [sje’ōlʹ] qanini aatsar­tik­kaa aatsar­tis­sin­naanera tamak­kerlugu’. Aap, naak sje’ōlʹ inun­nik toqusunik kisis­saan­ngitsunik iisereersutut ik­kaluarluni naam­matsif­fis­saqar­pasin­ngilaq. (Us­satit 30:15, 16) Iliveqarfivit­tut toqungasunut kil­lilim­mik amerlas­susilin­nuin­naq inis­saqar­tutut in­nani ‘toqusut inaat [sje’ōlʹ] qaarsil­lar­tan­ngilaq’. (Us­satit 27:20) Tas­sa kil­leqan­ngin­nami ulik­kaan­ngisaan­nas­saaq. Taamaat­tumik sumiif­fiviunani tas­saavoq inuit toqungasut ataatsimut ilerrat, sumiif­fik as­sersuutaasoq inuit amerlanersaasa toqumi sinif­figisaat.

Makititaanis­samik ajoqersuut Biibilimeersoq iluaqutigalugu sje’ōlʹ-ip, imaluun­niit haiʹdēs-ip, suunera paasil­luar­nerusin­naavar­put. Guutip oqaasiani ersersin­neqar­poq toqungasut sje’ōlʹ-imiit­tut, imaluun­niit haiʹdēs-imiit­tut, makititaas­sasut.a (Jobi 14:13; Apustilit Suliaat 2:31; Saq­qum­mersitat 20:13) Guutip oqaasiani aam­ma ersersin­neqar­poq sje’ōlʹ-imiit­tut, imaluun­niit haiʹdēs-imiit­tut, tas­saagin­nan­ngitsut Jehovamut kif­far­torsimasut, aam­mali tas­saasut taas­sumun­nga kif­far­torsiman­ngitsor­pas­suit. (1 Mosesi 37:35; Tus­siaat 55:16) Taamaat­tumik Biibilimi ajoqersuutigineqar­poq “toqusut makik­kumaar­tut – iluar­tut iluaatsul­lu”. – Apustilit Suliaat 24:15.