KAPITALI 37
Imermut morsutsinneqassaanga?
Uku oqaaseqaatit ilumoornersut eqqunnginnersulluunniit nalunaaqutsikkit:
Imermut morsutsitaaneq kristumiunut piumasaqaataavoq.
□ Ilumoorpoq
□ Eqqunngilaq
Imermut morsutsitaanissamut pissutaasoq pingaarnerpaaq tassaavoq ajortuliunnginnissamut illersuutaanera.
□ Ilumoorpoq
□ Eqqunngilaq
Imermut morsutsitaaneq annassutigisinnaavat.
□ Ilumoorpoq
□ Eqqunngilaq
Imermut morsutsitaasimanngikkuit iliuutsitit pillugit Guutimut akisussaatitaassanngilatit.
□ Ilumoorpoq
□ Eqqunngilaq
Ikinngutitit imermut morsutsitaappata isumaqarpoq aamma illit piareersimasutit.
□ Ilumoorpoq
□ Eqqunngilaq
GUUTIP najoqqutassiai malillugit inuuguit, taassumunnga ikinnguteqarnermik ineriartortitsiguit allanullu uppernerit pillugu oqaluussisaruit imermut morsutsitaanissat eqqarsaatigisalerit pissusissamisuuginnarpoq. Kisianni tamatumunnga piareersimanerlutit qanoq ilisimasinnaaviuk? Tamanna akiniarlugu oqaaseqaatit qulaaniittut ilumoornersut misissoriartigu.
● Imermut morsutsitaaneq kristumiunut piumasaqaataavoq.
Ilumoorpoq. Jiisusip ilinniartitani peqquai imermut morsutsitaassasut. (Matiusi 28:19, 20) Jiisusi aamma nammineq imermut morsutsitaavoq. Nammineq aalajangiinissamut inersimallualeruit kissaatigilluinnarukkulu kristusimut malinnittunngorumallutit imermut morsutsitaasariaqarputit.
● Imermut morsutsitaanissamut pissutaasoq pingaarnerpaaq tassaavoq ajortuliunnginnissamut illersuutaanera.
Eqqunngilaq. Inuup imermut morsutsitaanermigut Jehovamut tunniulluinnarsimanini tamanut takutippaa. Tunniulluinnarnissat imaanngilaq isumaqatigiissutissiaasoq ajortulianik iliuuseqanngitsoortitsisussaq. Kisianni taassuma najoqqutassai malillugit inoorusukkavit inuunerit Jehovamut tunniulluinnassavat.
● Imermut morsutsitaaneq annassutigisinnaavat.
Ilumoorpoq. Biibilimi allassimavoq imermut morsutsitaaneq annannissamut pingaaruteqartoq. (Petrusimit 1. 3:21) Kisianni isumaqanngilaq imermut morsutsitaasimasoq ajortulioqattaarsinnaasoq naqqinnertaqanngitsumik. Imermut morsutsinneqassaatit Jehova asagakku naassaanngitsumillu sapinngisannik kiffartorfigerusukkakku. – Makkorsi 12:29, 30.
● Imermut morsutsitaasimanngikkuit iliuutsitit pillugit Guutimut akisussaatitaassanngilatit.
Eqqunngilaq. Jaaku 4:17-imi allassimavoq: “Kinaluunniit suna eqqortuusoq nalunngikkaluarlugu eqqortuliunngitsoq ajortuliorpoq” – imermut morsutsitaasimanngikkaluaruni morsutsitaasimagaluaruniluunniit. Taamaammat suna eqqortuunersoq nalunngikkukku inuunerillu pillugu pingaarutilinnik aalajangernissamut inersimallualereersimaguit immaqa piffissanngorsimavoq tamanna pillugu allamik kristumiusumik inersimalluartumik angajoqqaannilluunniit oqaloqateqarnissannut. Taamaalioruit imermut morsutsitaanissannut qanoq ineriartorsinnaanerlutit paasissavat.
● Ikinngutitit imermut morsutsitaappata isumaqassaaq illittaaq piareersimasutit.
Eqqunngilaq. Kissaatigilluinnarukku imermut morsutsitaaniarlutit nammineq aalajangigassaraat. (Tussiaat 110:3) Imermut morsutsitaasariaqarputit aatsaat Jehovap Nalunaajaasuinut suut piumasaqaataanersut paasilluarsimagukku aamma tamatumuuna akisussaaffilerneqarnissamut piareersimaguit. – Oqaluussisartup oqaasii 5:3, 4.
Inuunermut allannguisoq
Imermut morsutsitaaneq inuunermi allannguisuuvoq pilluaqqussutissarpassualik. Taamaakkaluartoq pimoorussassamik akisussaaffittaqarpoq – tassa Jehovamut tunniulluinnarsimaninnut neriorsuutivit eqqortinnissaa.
Tamatumunnga killissimavit? Taamaappat nuannaarnissannut pissutissaqarluarputit. Jehovamut qamannga pisumik asannilluni tunniulluinnarsimasutut kiffartorneq tassaammat immikkut pisinnaatitaaffik tamanit annerpaaq. – Matiusi 22:36, 37.
ALLASSIMAFFIK PINGAARUTILIK
‘Timisi uumasutut illernartutut Guutimillu akuerisaasutut pilliutissatut sassaassigit. Silatusaarlusi Guuti kiffartorfigisiuk.’ – Romamiut 12:1.
SIUNNERSUUT
Anersaakkut ineriartorumallutit angajoqqaatit peqatigalugit ilagiinni ikiortissarsiortarit. – Apustilit Suliaat 16:1-3.
NALUNNGILIUK …?
Imermut morsutsitaaneq Harmagedonnimi aniguisinneqarnissamut pingaaruteqarluinnarpoq. – Petrusimit 1. 3:21.
ILIUUSERISASSATIT!
Imermut morsutsitaanissamut ineriartornerujumallunga Biibilimi ilinniartitsissutit uku paasilluarnerorusuppakka: ․․․․․
Tamatumunnga tunngatillugu angajoqqaannut apeqqutigerusutakka: ․․․․․
QANOQ ISUMAQARPIT?
● Sooq imermut morsutsitaaneq taama pimoorussassaatigaa?
● Suna pillugu inuusuttoq morsutsitaajaarpallaarsinnaava?
● Sooq inuusuttoq tunniulluinnarnissamut imermullu morsutsitaanissamut pisariaqanngitsumik kinguarsarsinnaava?
[Issuagaq]
“Imermut morsutsitaasimanermik ilisimaarinninnera aalajangiilluarnissannut ajortumillu kinguneqartussamik iliuuseqannginnissannut iluaqutigaara.” – Holly
[Ungalusaq]
Imermut morsutsitaaneq pillugu apeqqutigineqartartut
Imermut morsutsitaaneq sumut assersuutaava? Morsutsitaaneq qaqinerlu isumaqarput imminuinnaq pillutit inuunerit “toqutikkit” maannalu Jehovap piumasaatut inuujumallutit “uummartitaasutit”.
Inuunerpit Jehovamut tunniulluinnarnera qanoq isumaqarpa? Isumaqarpoq imminut pigiunnaarlutit Guutip piumasaatut sutigut tamatigut iliornissannut neriorsuisutit. (Matiusi 16:24) Imermut morsutsitaannginninni Jehovamut qinunikkut tunniulluinnassaguit pissusissamisuussaaq.
Imermut morsutsitaannginninni qanoq inooriaaseqartariaqarpit? Guutip oqaasia malillugu inuusariaqarputit uppernerillu pillugu allanut oqaluussisarlutit. Guutimut qinusarnikkut Biibilimillu atuartarnikkut taassumunnga ikinnguteqarnermik ineriartortitsisariaqarputit. Jehova kiffartorfigissavat illit taamatut aalajangeravit, allanit tatineqarneq pinnagu.
Imermut morsutsitaarusukkuit qassinik ukioqartariaqarpit? Qassinik ukioqarneq pingaarnerpaajunngilaq. Kisianni tunniulluinnarnerup isumaa paasilluartariaqarpat namminerlu aalajangiisinnaassuseqartariaqarlutit.
Taavami morsutsitaarusukkaluarlutit angajoqqaavit oqarfigippatsit utaqqissasutit? Immaqa kristumiutut inuunermut misilittagaqarnerunissat kissaatigaat. Siunnersuutaat pingaartiguk, piffissarlu atoruk Jehovamik ikinnguteqarnermut ineriartortitsillutit. – Samuelimik 1. 2:26.
[Ungalusaq]
Suliassakka
Imermut morsutsitaanissat eqqarsaatigaajuk?
Ataani apeqqutit eqqarsaatiginerisigut qanoq killiffeqarnerlutit misissoruk. Allassimaffiit innersuussutigineqartut takoqqaartakkit akinnginninni.
Maanna Jehovamut tatiginninnerit qanoq ersersittarpiuk? – Tussiaat 71:5. ․․․․․
Eqqarsarsinnaassutsit eqqortumik eqqunngitsumillu immikkoortitsinissamut sungiusarsimasoq qanoq ersersippiuk? – Hebræerit 5:14. ․․․․․
Qanoq qinukulatigisarpit?.
Qinnutitit qanoq aalajangersimatigippat, Jehovamullu asanninnerit qanoq ersersippaat? – Tussiaat 17:6. ․․․․․
Qinusarninnut tunngatillugu anguniagarerusutatit ataani allattukkit. ․․․․․
Qanoq Biibilimik misissuikulatigisarpit? – Josva 1:8. ․․․․․
Nammineq misissueqqissaaraangavit suut ilannguttarpigit? ․․․․․
Nammineq misissueqqissaarnermut tunngatillugu anguniarusutatit ataani allattukkit. ․․․․․
Oqaluussigaangavit angusaqarluarniartarpit? (Assersuutigalugu Biibilimi ilinniartitsissutigineqartut tunngaviusut nassuiarsinnaavigit? Soqutiginnittut uterfigisarpigit? Biibilimik misissueqateqartalernissat sulissutigiviuk?)
□ Aap □ Naamik
Angajoqqaatit ilaanngikkaluaraangataluunniit oqaluusseqataasarpit? – Apustilit Suliaat 5:42.
□ Aap □ Naamik
Oqaluussinermut tunngatillugu anguniarusutatit ataani allattukkit. – Timuutiusimut 2. 2:15. ․․․․․
Kristumiut ataatsimiinnerinut peqataajuaannarpit, imaluunniit ilaannikkuinnaq ataatsimiigiartarpit? – Hebræerit 10:25. ․․․․․
Ataatsimiinnerni qanoq peqataasarpit? ․․․․․
Peqataasarpit angajoqqaatit pisinnaanngikkaluaraangataluunnniit (taamaaliortarnissat akuerippassuk)?
□ Aap □ Naamik
Oqarsinnaavit ilumut Guutip piumasaatut iliorusullutit? – Tussiaat 40:9.
□ Aap □ Naamik
Inuusuttoqatinnit tatineqartillutit qanoq akiuisimanersutit ataani allattoruk. – Romamiut 12:2. ․․․․․
Jehovamut asanningaarnerpit attattuarnissaanut pilersaaruteqarpit? – Juudarsi 20, 21. ․․․․․
Angajoqqaatit ikinngutitilluunniit unissagaluarpataluunniit Jehova kiffartorfigiuassaviuk? – Matiusi 10:36, 37.
□ Aap □ Naamik
[Assiliartaq]
Katinnertulli imermut morsutsitaaneq inuunerup sinneranut sunniuteqartussaavoq alloriarnerujussuaq asuliinnaq aalajangerneqartussaanngitsoq