Pioneri sulerisarpa?

Oqaaseq “pioneri” imaluun­niit “aal­larniisoq” atorneqaraangat amer­lanertigut inuk inun­nut al­lanut nutaanik periarfis­sarsiuus­sisoq aq­qutis­sarsiuus­sisor­lu pineqartar­poq. Jiisusi pioneriuvoq inuugin­narnis­samut periarfis­sarsiuus­sis­sal­luni an­naan­neqarnis­samul­lu aq­qutis­siuus­sis­sal­luni nunarsuarmut aal­lartitaagami. (Matthæusi 20:28) Ul­lumik­kut taas­sumin­nga malin­nit­tut taan­na ilaar­lugu ‘ajoqersugan­ngortit­siortorneq’ sapin­ngisamik pif­fis­saqarfigil­luarniartar­paat. (Matthæusi 28:19, 20) Jehovap Nalunaajaa­suisa ilaat pioneritut kif­fartorsin­naapput.

Pioneri tassaavoq pif­fis­saq tamaat oqaluus­sisar­toq. Jehovap Nalunaajaasui tamarmik nutaarsias­saq nuan­nersoq pil­lugu oqaluus­sisartuupput. Ilaal­lu inuunermin­nik al­lan­nguisimapput pioneritut nalingin­naasutut, qaammammut nalunaaqut­tap-akun­neri 70-it oqaluus­sinermi ator­lugit, kif­fartorsin­naaler­lutik. Taamaaliorsin­naajumal­lutik amer­lasuut sulinikin­neruler­lutik ul­lup ilaan­naani sulisalertar­put. Al­lat toq­qarneqartar­put special­pioneri­tut Guutip naalagaaf­fia pil­lugu oqaluus­sisartunik pisariaqartit­sif­fiunerusumi kif­fartortus­satut, qaammammut nalunaaqut­tap-akun­neri 130-t amer­lanerusul­luun­niit atortas­sal­lugit. Pionerit pilimanian­ngit­sumik inooriaaseqarneq nalerisimaarutigaat tatigalugu inuunermi pisariaqartitamin­nik Jehovamit isumagineqarumaar­lutik. (Mat­thæusi 6:31-33; 1 Timotheusi 6:6-8) Pif­fis­saq tamaat pioneriusin­naan­ngit­sut pisin­naaleraangamik oqaluus­sineruler­lutik qaammammut nalunaaqut­tap-akun­neri 30-t imaluun­niit 50-it ator­lugit ikiorti-pioneriu­sinnaa­sarput.

Pionerip Guuti­mut tuller­mullu asan­nin­neq kajumis­sis­sutigai. Jiisusip malugin­nit­tarneratut ul­lumik­kut inuppas­suit anersaak­kut atugar­liornerat malugisar­par­put. (Markusi 6:34) Uagul­li ilisimasaqar­pugut taak­kua maan­nak­kut iluaqutigisin­naasaan­nik, siunis­samut tut­suiginartumik neriuuteqalis­sutigisin­naasaan­nik. Pionerip tul­lermut asan­nin­neq kajumis­sis­sutigalugu tuk­kor­luni pif­fis­sani nukinilu inun­nik al­lanik anersaak­kut ikiuinermut atortar­pai. (Matthæusi 22:39; 1 Thessalonikamiut 2:8) Tamatuma kingunerisaanik pioneri uppernik­kut nakus­sat­sit­tar­poq, Guutimut qanin­nerulertar­poq nuan­nersunil­lu misigisar­pas­suaqartar­luni. – Apustilit Suliaat 20:35.

• Pioneri sulerisarpa?

• Piffissaq tamaat pioneriunissamut suna kajumississutaasarpa?