Utoqqaa­ner­tat ilagiin­nik qanoq ikiui­sar­pat?

Peqatigiis­sortat­sin­ni akis­sarsiaqartartunik palaseqan­ngilagut. Kristumiul­li siul­liit nalaan­nisul­li piumasaqaatinik eq­qortit­sisunik nak­kutil­liisoqar­pugut ‘Guutip ilagiis­saanik nak­kutil­liisus­satut’ toq­qarneqarsimasunik. (Apustilit Suliaat 20:28) Nak­kutil­liisut, imaluun­niit utoq­qaanertat, taak­ku angutaapput anersaak­kut inersimal­luartut ilagiin­ni siut­tuusut paarsisutul­lu kiffartortuusut ‘pin­ngit­saalisaasutut pin­natik namminer­li kajumis­sut­simin­nit, iluanaarniapilun­neq siunertarinagu nuan­naar­lutil­li kajumil­lutil­lu’. (1 Petrusi 5:1-3) Uagut pil­luta sunik suliaqartar­pat?

Isumas­sorlutalu sernis­sortarpaatigut. Utoq­qaanertat ilagiin­nik anersaak­kut siulersuisar­put taak­kulu Jehovamut at­taveqar­luarnis­saan­nut ikiortar­lugit. Nalun­ngilaat Guutip pingaarutilimmik tamatumin­nga sulias­sik­kaatik, taamaat­tumil­lu naalagaaniarfiginata nuan­naarnis­sar­put inger­lal­luarnis­sar­pul­lu suleqataaffigisar­paat. (2 Korinthimiut 1:24) Soor­lu savanik paarsisup savaatini tamaasa immik­kut isumas­soq­qis­saartarai, taamatut­taaq utoq­qaanertat ilagiin­niit­tut tamaasa immik­kut ilisarisimalerniartar­paat. – Ussatit 27:23.

Guutip piumasaanik iliornissamik ilinniartittarpaatigut. Utoq­qaanertat sapaatit-akunneri tamaasa ilagiit ataat­simiin­nerini aqut­sisuusar­put uppernik­kut nakus­sat­sin­neqarsin­naaq­qul­luta. (Apustilit Suliaat 15:32) Aamma angutit imminut pil­liutigeriaan­naat taak­ku oqaluus­sinermi siut­tuusar­put, suleqatigaluta oqaluus­seriaat­sinilu as­sigiin­ngit­suni tamani ilin­niartil­luta.

Tamatta immikkut qiimmassartarpaatigut. Utoq­qaanertat uagut nammineq Jehovamut at­taveqarner­put nakus­sat­sik­kumal­lugu imaas­sin­naavoq pulaar­lutaluun­niit naalagaaffiler­saarfimmi oqaloqatigi­gaatigut, Biibili tun­ngavigalugu ikiorumal­luta tuppal­lersarumal­lutalu. – Jaaku 5:14, 15.

Utoq­qaanertat amer­lanersaat ilagiin­ni sulias­saqarnermik saniatigut piffis­saqarfigi­sariaqak­kamin­nik eq­qumaffigisaria­qak­kamin­nil­lu suliffeqar­lutil­lu ilaqut­tanut tun­ngasunik akisus­saaffeqar­put. Qatan­ngutit angutit eqiasuit­sut taak­ku uagut­sin­nit ataq­qineqartariaqar­put. – 1 Thessalonikamiut 5:12, 13.

• Ilagiinni utoqqaanertat suut suliassaraat?

• Utoqqaanertat sutigut ersersit­tarpaat tamat­ta immikkut inut­tut soqutigaluta?