Inussiaq aalajaal­lunilu sila­tooq kinaava?

Jiisusip toqun­ngit­siar­luni ajoqersuk­kami ilaat sisamat – Petrusi, Jaaku, Johan­nesi Andreasilu – oqaloqatigai. Jiisusip ul­lus­sani kingul­lerni najuun­nis­saminut nalunaaqutaasus­saq siulit­tuutigigamiuk apeqqut pingaarutilik una apeq­qutigaa: “Kinaavami inus­siaq aalajaal­lunilu silatooq, naalagaata kif­faminut paarsisun­ngortitaa pif­fis­saq eq­qor­lugu nerisas­saan­nik tunisaq­qul­lugit?” (Matthæusi 24:3, 45, NW; Markusi 13:3, 4) Jiisusip ajoqersuk­kani neriorsoq­qis­saar­pai naggatis­sap nalaani ‘naalagaaleruni’ ajoqersuk­kaminut anersaak­kut inuus­sutis­siiuartartus­sanik toq­qaajumaar­luni. Kikkut inus­siamut ilaappat?

Jiisusimut ajoqersu­gaap­put tanitat ikit­tunnguit. “Inus­siaq” tas­saavoq Jehovap Nalunaajaasuisa Siulersuisoqatigiivi. Inus­siaq taan­na Jehovamik pal­lorfigin­neqatiminut pif­fis­saq eq­qor­lugu anersaak­kut inuus­sutis­sanik tunioraasar­poq. Inus­siamit aalajaat­sumit ‘pif­fis­saq eq­qor­lugu nerisas­sanik tunineqartuartarnis­sar­put’ pisariaqartippar­put. – Lukasi 12:42.

Guutip il­luaniit­tunik isumas­suip­put. (1 Timotheusi 3:15) Jiisusip inus­siaq Jehovap peqatigiis­sortaani nunarsuarmiit­tuni suliarineqartunik nak­kutil­liinis­samik pingaaruteqangaartumik akisus­saaf­filer­paa – peqatigiis­sortap pigisaanik aaq­qis­suus­sisus­san­ngortil­lugu, oqaluus­sinermik siulersuisus­san­ngortil­lugu ilagiit­sin­nilu uagut­sin­nik ilin­niartit­sisus­san­ngortil­lugu. Taamaat­tumik ‘inus­siap aalajaal­lunilu silatuup’ pisariaqartilik­kat­sin­nik pif­fis­saq eq­qor­lugu tunisarsin­naajumal­luta, atuak­kat atuagas­sial­lu oqaluus­sinermi atortak­kavut aq­qutigalugit aammat­taaq ataat­simiin­nerni ataat­simeersuar­nernilu ilin­niartit­sineq aq­qutigalugu anersaak­kut inuus­sutis­sanik tuniorartar­paatigut.

Inus­siaq aalajaatsuuvoq sal­lusuis­sutinik Biibilimiit­tunik nutaarsias­samil­lu nuan­nersumik oqaluus­sis­sutigin­nin­nis­samik peq­qus­summik ilumoorfigin­nik­kami, aamma silatuujuvoq Kristusip taas­sumun­nga isumageq­qusaanik nunarsuarmiit­tunik tamanik isumagin­nin­nermini silatusaartarami. (Apustilit Suliaat 10:42) Jehovap in­nut­tai siumukartuarmata naammat­torsuarnil­lu anersaak­kut inuus­sutis­saqarmata erseq­qippoq Jehova inus­siap suliaanik pil­luaq­qusisartoq. – Esaja 60:22; 65:13.

• Jiisusip kikkut ajoqersukkaminik anersaakkut inuussutissiisartussatut toqqarpai?

• Inussiap aalajaallunilu silatuujunera qanoq paasisariaqarpa?