Nittar­tak­kat­sin­ni soqarpa?

Jiisusip ajoqersuk­kani ima oqarfigai: “Qaamasorsi qaamali inun­nut, suliasi ajun­ngit­sut taak­kunun­nga takoq­qul­lugit Ataatarsilu qilan­niit­toq un­nersiutigeq­qul­lugu.” (Matthæusi 5:16) Ilaatigut taamaa­liortar­pugut teknik­kik­kut atortoris­saaru­tinik, soor­lu inter­netimik, ator­luaanit­sigut. Nit­tartagar­put, jw.org, Jehovap Nalunaajaasuisa upperisaat suliaal­lu pil­lugit pisortatigoortumik inter­netik­kut paasis­sutis­siisarfiuvoq. Tamatumani suut nas­saas­saappat?

Apeqqutigi­neqara­jut­tunut Biibilimi akis­sutigi­neqar­tut. Apeq­qutit apeq­qutigine­qarsimasut pingaarute­qarner­paartaat akis­sutis­sarsineqarsin­naapput. Assersuutigalugu naqitaaq­qat Aliasuttoqartuassasoraajuk? aamma Toqusimasut uummaqqissinnaasoraagit? oqaatsit 600-nit amerlanerusut atorlugit inter­netikkut atuarne­qarsin­naapput. Aamma pine­qarsin­naapput Biibilimik nutsigaq, New World Translation, oqaatsinut 130-nit amer­lanerusu­nut nutsigaa­simasoq, Biibililer­saaruter­paaluit Biibilimik atuaq­qissaar­nermi atugassat, soorlu atuagaq Biibilimi sorpiaat ajoqersuutigineqarpat? atuagas­siallu Napasuliaq Alapernaarsuiffik Vågn Op!-ilu. Biibili­lersaarutit taakkua ilar­passui internetikkut atuar­neqarsin­naal­lutillu tusar­naarne­qarsin­naapput imaluunniit MP3-, PDF- aamma EPUB-formatitut downloader­neqarsin­naallutik. Allaat Biibili­lersaarutinit qup­pernialuit anil­latsinneqar­sinnaapput inuit nammin­neq oqaatsitik atorlugit atuar­sinnaa­saannik! Aammat­taaq usser­sorluni oqaatsit arlal­lit ator­lugit videolia­qarpoq. Aamma Biibilimik atuffassinernik pissanganarsaakkanik tusar­naagas­sianillu Biibilimik tunngavilinnik nipi­lersuk­kanillu nuan­nersunik downloaderi­soqarsin­naavoq.

Jehovap Nalunaa­jaasui pillugit paasis­sutis­sat. Nit­tartak­kat­sin­niipput­taaq silarsuaq tamak­ker­lugu suliner­put pil­lugu, Jehovap Nalunaajaasuinut tun­ngatil­lugu eq­qartuus­sisutigut naalak­ker­suinik­kul­lu aalajangik­kat pil­lugit ikiuiniar­nik­kul­lu suliniutivut pil­lugit nutaarsias­sat filmilial­lu naat­sut. Aamma ataat­simeersuarnis­sat pillugit immik­koor­tortaqarfit­talu sumiin­neri pillugit paasis­sutis­saqar­poq.

Tamakku tamaasa iluaqutigalugit sal­lusuis­sutip qaamarna nunarsuarmi avin­ngarusimaner­paanut allaat qin­ngortar­poq. Taman­na inuit sumiik­kaluartul­luun­niit, allaat Qalasersuarmi Kujal­lermiit­tut, iluaqutigisar­paat. Qin­nutigisar­par­put Jehovap ‘oqaasiata akornuteqarani’ nunarsuarmi tamarmi siaruaan­nis­saa, Guutip naalan­naatis­saanut. – 2 Thessalonikamiut 3:1.

• Inuit amerligaluttuinnartut jw.org Biibili pillugu paasisaqarnissaminnut qanoq iluaqutigisarpaat?

• Nittartakkatsinni sunik misissuerusussinnaavit?