‘Jehovap kiffaraanga’

1, 2. (a) Maria takor­nar­tamit qanoq ilas­sineqar­pa? (b) Maria suna pil­lugu aalajanger­tus­saava, taman­nalu inuuneranik qanoq al­lan­nguiva?

MARIAP pulaar­tuni iseq­qam­mersoq tupigusul­luni isigaa. Angutaa ar­naaluun­niit oqaloqatiginiar­nagit pulaar­tup Maria oqaloqatiginiarlugu pulaar­paa! Pulaar­tup Nazaretimiuun­ngin­nera Mariap qularin­ngil­luin­nar­paa. Il­loqarfeeq­qami tas­sani takor­nar­tat maluginian­ngitsuugas­saan­ngil­lat. Pulaar­torli sumiik­kaluaruniluun­niit maluginiar­neqas­sagunar­poq. tastamantitâĸ naaper­torlugu pulaar­tup Maria im­mik­kuul­laris­sumik ima oqarfigaa: ‘Pil­luar­na, Naalak­kap najor­paatit, ar­nani pil­luaq­qusaasutit-aa.’ – Lukasi 1:26-28 atuakkit.

² Biibilimi Maria, Elip pania Galilæami il­loqarfim­mi Nazaretimi inuusoq, siul­lermeerluni al­laatigineqarami pingaarutilerujus­suarmik aalajangigas­saqar­poq. Sanasumut Josefimut, angum­mut pisuujun­ngik­kaluarluni up­perluar­tumut, katit­tus­saavoq. Taamaat­tumik isumaqarsimas­saaq pilimanian­ngitsumik inuuneqarluni uis­sani Josefi suleqatigisus­saal­lugulu meeq­qanik perorsaaqatigisus­saal­lugu. Maan­nali pulaar­tuminit ilisimatin­neqar­poq inuunerminik al­lan­nguil­luin­nar­tus­samik Guutimit sulias­sin­neqarsimal­luni.

3, 4. Maria ilisimal­lualerumal­lugu suut sam­minagit suut sam­mis­savavut?

³ Biibilimi Mariap al­laatigineqar­pal­laan­ngin­nera inup­pas­suit tupaal­laatigisar­paat. Peroriar­tor­nera ingam­mil­lu inut­tut qanoq pis­suseqar­nera al­laatigineqar­piar­natil­lu isik­kua al­laatigineqan­ngilaq. Guutil­li oqaasiani Maria pil­lugu paasisaqangaarsin­naavugut.

⁴ Maria ilisimal­lualerumal­lugu up­perisarsioqatigiin­ni as­sigiin­ngitsuni taan­na pil­lugu takorluuk­kat oqalut­tualial­lu sam­mis­san­ngilavut. Aam­ma ar­naq maniguut­toq ‘Guutip Anaanaanik’ aam­ma ‘Qilam­mi Dron­ningimik’ taaneqar­tar­neranik ajoqersuutit paasiuminaatsut sam­mis­san­ngilavut. Mariali pil­lugu Biibilimi al­las­simasut sam­mis­savavut. Taamaalior­nik­kut up­per­nera pil­lugu ilisimasaqalis­sal­lutalu qanoq ilaarsin­naal­lugu paasis­savar­put.

Inngilimit pulaarneqarneq

5. (a) Mariap Gabrielip oqaasiinik an­nilaarutigin­nin­nera Maria pil­lugu sumik ersersitsiva? (b) Maria sumik pingaarutilim­mik ilin­niarfigaar­put?

⁵ Mariap pulaar­tua inuunani in­ngiliuvoq Gabrieli. Maria ‘ar­nani pil­luaq­qusaasumik’ taaneqarami ‘an­nilaar­poq’ in­ngilil­lu al­laanerul­luin­nar­tumik ilas­sin­nin­nera eq­qarsaatigilerlugu. (Luk 1:29) Kimit pil­luaq­quneqarami? Mariap inun­nit pil­luaq­quneqar­nis­sani naatsorsuutigin­ngilaa. In­ngilil­li Jehovamit Guutimit pil­luaq­quneqar­neq eq­qar­tor­paa. Guutimit iluarisaanis­sani kis­saatigigaluarlugu Maria makital­luni isum­min­ngilaq Guutip iluarereeraani. Guutimit iluarisaajumal­luta maniguul­luta iliuuseqar­tariaqar­ner­put Mariap maligas­siuineranit paasivar­put. Guutip makitasuut akerar­torlugit qanilaar­tut maniguut­tul­lu tapersersor­tar­pai. – Jaak 4:6.

6. In­ngilip Maria im­mik­kuul­laris­sumik sumik sulias­sip­paa?

⁶ Maria in­ngilimit im­mik­kuul­laris­sumik sulias­sin­neqarami maniguut­tariaqar­poq. In­ngilimit oqarfigineqar­poq inun­nit tamanit pingaar­ner­paan­ngor­tus­samik meerar­taas­sal­luni. Gabrieli ima oqar­poq: “[Guutip] Naalak­kap tunis­savaa ataataata Daavip is­siavis­saarsuanik; Jaakuk­kun­nut kun­ngius­saaq naas­saan­ngitsumik, naalagaas­susialu atajuaan­nas­saaq.” (Luk 1:32, 33) Ukiut 1.000-t sin­nerlugit tamatuma sior­nagut Daavip kinguaavisa ilaata naas­saan­ngitsumik naalak­kersuilerumaar­neranik Guutip neriorsuutaa Mariap qular­nan­ngitsumik nalun­ngilaa. (2 Sam 7:12, 13) Mariap er­nera tas­saalis­saaq Mis­siarsi Guutip in­nut­taasa ukiuni hundredilin­ni neriuutigisimasaat.

7. (a) Apeq­qutaanit Maria pil­lugu suna paasivar­put? (b) Inuusut­tut Maria qanoq ilin­niarfigisin­naavaat?

⁷ Tamatuma saniatigut in­ngilip Maria oqarfigaa er­nera ‘Qutsin­nerus­saar­tup er­neranik’ taaneqas­sasoq. Ar­naq qanoq ilil­luni Guutip er­neranik meerar­taarsin­naagami? Maria qanoq ilil­luni meerar­taarsin­naagami? Josefilu aap­pas­siariip­put, sulili katin­ngil­lat. Taman­na pis­sutigalugu Maria toq­qaan­narluni ima aperivoq: “Qanoq ilil­luni taman­na pis­sava? Angum­mim­mi ilaqarsiman­ngilanga.” (Luk 1:34) Maluginiaruk angum­mik ilaqarsiman­ngin­nini peq­qusiileqinani eq­qar­tormagu. Paarlat­tuanik minguis­sutsi eriagaa. Ul­lumik­kut inuusut­tor­pas­suit atoqateqar­taler­nis­samin­nut utaq­qisin­naaneq ajor­put atoqateqarsiman­ngitsul­lu il­laruaatigisarlugit. Pis­sutsit al­lan­ngorluin­narsimap­put. Jehovali al­lan­ngorsiman­ngilaq. (Mal 3:6) Mariap nalaanisut ileq­qoris­saar­nermik najoq­qutas­siaminik maleruaasut pingaar­tip­pai. – Hebræerit 13:4 atuaruk.

8. Maria naam­mal­luin­nan­ngitsuugaluarluni qanoq naam­mal­luin­nar­tumik er­ner­taarsin­naava?

⁸ Maria Guutimut kif­faagaluarluni aalajaatsoq naam­mal­luin­nan­ngitsuuvoq. Taamaat­tumik Guutip er­nera naam­mal­luin­nar­toq qanoq meerar­taarisin­naagamiuk? Gabrieli ima nas­suiaavoq: “Anersaaq Il­ler­nar­toq ilin­nut piumaar­poq, Qutsin­nerus­saar­tul­lu pis­saanerata ulik­kumaar­paatit. Taamaat­tumik meeraq er­niusus­saq taaneqas­saaq Il­ler­nar­tumik, Guutip er­neranik.” (Luk 1:35) Il­ler­nar­toq ‘minguitsumik’ aam­ma ‘ipiitsumik’ isumaqar­poq. Meeq­qat angajoq­qaamik naam­mal­luin­nan­ngis­sutaat kingor­nut­tar­paat. Matumanili Jehova as­seqan­ngitsumik tupin­nar­tulius­saaq. Er­nini qilam­mi anersaajusoq Mariap il­liaanut nuus­savaa meerarlu ajor­timit mingutsin­neqan­ngin­nias­sam­mat nukiminik sulisumik, imaluun­niit anersaaminik il­ler­nar­tumik, Maria ‘ulis­sal­lugu’. In­ngilip neriorsuutaa Mariap up­peraa? Qanoq akiva?

Mariap Gabrielimut akissutaa

9. (a) Sooq isor­nar­torsiuisar­tut Maria pil­lugu oqalut­tuamik apeq­qusiisar­nerat tun­ngavis­saqan­ngila? (b) Gabrielip Maria up­per­nik­kut qanoq nakus­satsip­paa?

⁹ Isor­nar­torsiuisar­tut, aam­ma kristumiuunerar­tut teologiisa ilaasa, niviarsiap er­ner­taarsin­naanera up­periuminaatsit­tar­paat. Sivisuumik ilin­niar­nikuugaluarlutik sal­lusuis­sut tun­ngaviusoq paatsuugas­saan­ngitsorlu paasisin­naan­ngilaat. Gabrielip oqar­neratut ‘Guutimut sumik ajor­nar­toqan­ngilaq’. (Luk 1:37) Up­perluarami Gabrielip oqaasii Mariap inuusut­tup up­perai. Mariali up­per­tik­kuminar­tuun­ngilaq. Eq­qarsarsin­naas­suseqar­tutut al­latul­li Mariap up­per­nini up­per­narsaatinik tun­ngaveqar­tit­tariaqar­paa. Gabrielip up­per­narsaavigeq­qik­kusuk­kamiuk ilaqutaa utoq­qaq Elisabethi, er­nisuitsutut sivisuumik ilisimaneqar­toq, tupin­nar­tulior­nik­kut Guutimit naar­tusin­naan­ngor­tin­neqar­toq pil­lugu oqalut­tuup­paa.

10. Guutip er­neranik er­nineq ataq­qinaataagaluar­toq sooq Mariamut imaan­naan­ngitsuua?

¹⁰ Maan­na Maria sus­sava? Sulias­siis­sut pil­lugu nas­suiaan­neqarlunilu Gabrielip oqar­neratut Guutip iliuuseqarumaar­neranik up­per­narsaavigineqar­poq. Guutip er­neranik er­nineq ataq­qinaataagaluar­toq Mariamut imaan­naan­ngitsuuvoq. Siul­ler­tut, Josefi aap­pas­siaraa. Taas­suma Maria naar­tulersimasoq tusaruniuk suli katik­kusus­saner­paa? Aap­paat­tut, im­mik­kut pisin­naatitaaf­fik an­ner­tooq taman­na merser­nar­pasingaarsimas­saaq. Guutip pin­ngor­titaasa pingaar­ner­paar­taat – er­nera asasaa – er­ner­taarisus­saavaa! Inoorlaaq nam­mineersin­naan­ngitsoq isumas­sorlugulu silarsuarmi ajor­tumi il­lersor­tus­saavaa. Akisus­saaf­ferujus­suaq isumagisus­saavaa!

11, 12. (a) Al­laat angutit nukit­tuut aalajaatsul­lu Guutimit unam­miniar­nar­tunik sulias­sin­neqaraangamik ilaan­nik­kut susar­pat? (b) Gabrielimut akis­sutaanit Maria pil­lugu suut paasivavut?

¹¹ Biibilimi ersersin­neqar­poq al­laat angutit nukit­tuut aalajaatsul­lu Guutimit unam­miniar­nar­tunik sulias­sin­neqaraangamik ilaan­nik­kut pinaat­tar­tut. Mosesi Guutip oqaaseqar­tar­tuatut kif­far­tor­nis­saminut ajuk­kun­nerar­poq. (2 Mos 4:10) Jeremia Guutip sulias­siis­sutaanik isumagin­nin­nis­samut ‘inuusup­pal­laar­nerar­poq’. (Jer 1:6) Aam­ma Jona sulias­sin­neqarami qimaavoq! (Jon 1:3) Mariami sua?

¹² Maniguul­luni naalal­lunilu akinera al­laat ul­lumik­kut inup­pas­suar­nit ilisimaneqarluar­poq. Gabrielimut ima oqar­poq: ‘Jehovap kif­faraanga. Oqaatsisit malil­lugit pineqarlanga.’ (Luk 1:38) Kif­faq ar­naq kif­fanit al­lanit tamanit nikanar­nersaam­mat naalagaa kisimi taas­suma inuuneranut oqar­tus­saasuusar­poq. Mariap Naalak­kani, Jehova, taamatut tatigitigaa. Nalun­ngilaa isumagis­sagaani, ilumoorfigin­nitsini ilumoorfigigai sulias­samil­lu unam­miniar­nar­tumik sapin­ngisaminik naam­mas­sin­nin­niar­nermini pil­luaq­qus­sagaani. – Tus­s 18:26.

13. Guutip sulias­siis­sutai saper­nar­tutut, al­laat ajor­narluin­nar­tutut, isigigutsigit Mariap maligas­siuinera qanoq iluaqutigisin­naavar­put?

¹³ Guutip sulias­siis­sutai im­maqa ilaan­nik­kut saper­nar­tutut, al­laat ajor­narluin­nar­tutut, isigisar­pavut. Im­minil­li tatigin­neq­qul­luta, Mariatut tatigin­nil­luin­naq­qul­luta, oqaatsimini up­per­narsaavigaatigut. (Us­s 3:5, 6) Jehova tatigaar­put? Taamaap­pat akis­sarsisis­savaatigut, up­per­nik­kul­lu nakus­satsis­saagut.

Mariap Elisabethimut tikeraarnera

14, 15. (a) Elisabethi Zakarialu tikeraaramigit Maria Jehovamit qanoq up­per­narsaavigineqaq­qip­pa? (b) Lukasip iivangkiiliua 1:46-55 Maria pil­lugu sunik ersersitsip­pat?

¹⁴ Misigis­sutsini Elisabethip silarsuarmi ar­nanit tamanit paasil­luar­nerusin­naam­magit Gabrielip oqaasii Mariap tup­pal­lersaatigai. Maria tuaviorluni Judæap qaq­qalit­taanut, im­maqa ul­luni pingasuni sisamaniluun­niit, angalavoq. Elisabethip palasil­lu Zakariap angerlarsimaf­fian­nut isermat Jehovap Maria up­per­nik­kut nakus­satsin­niarlugu up­per­narsaavigeq­qip­paa. Mariap iserluni ilas­sin­nis­sutaa Elisabethip tusaramiuk ilumiua nuan­naar­nermik pikeriar­poq. Anersaamik il­ler­nar­tumik ilumioqangaarluni Maria ‘Naalak­kami anaanaanik’ taavaa. Guutip Elisabethi Mariap er­nerata Naalagan­ngorumaar­neranik, Mis­siarsin­ngorumaar­neranik, paasitis­simavaa. Tamatuma saniatigut Mariap aalajaal­luni naalan­nera pil­lugu nersualaarinis­samut isumas­sarsisitaagami ima oqar­poq: “Pil­luar­poq una up­per­toq.” (Luk 1:39-45) Aap, Jehovap Mariamut neriorsuutai tamarmik eq­quutis­sap­put!

¹⁵ Tamatuma kingor­na Mariap oqaasii Guutip oqaasiani tam­matsaalineqar­put. (Lukasi 1:46-55 atuakkit). Al­las­simaf­fin­ni taak­kunani Biibilimi Mariamik is­suaanerit takiner­paar­taan­ni Maria pil­lugu paasisaqarluar­pugut. Mis­siarsimut anaanan­ngor­nis­samik im­mik­kut pisin­naatitaaf­filer­neqar­nini pil­lugu Jehovamik un­nersiutigin­nin­neranit qujamasut­tuunera erser­poq. Jehovap makitasuunik pis­sarsuar­nil­lu nikanarsaasar­nera aam­ma nikanar­tunik piitsunil­lu im­minik kif­far­torfigin­nik­kusut­tunik ikiuisar­nera pil­lugit oqaasiinit up­perluar­nera erser­poq. Aam­ma ilisimasaqarluar­nera oqaasiinit ersersin­neqar­poq. Al­lak­kanut Hebræerisuunut in­nersuus­sutai 20-nit amerlanerusut kisin­neqarsimap­put.a

16, 17. (a) Maria er­neralu as­sigalugit qanoq isigin­nit­taaseqar­tariaqar­pugut? (b) Mariap Elisabethimut tikeraar­neranit pil­luaq­qus­sut suna eq­qaavar­put?

¹⁶ Guutip oqaasianik Mariap eq­qarsaatigin­neq­qis­saar­tar­nera ersarip­poq. Nam­minerli isum­mani oqaatiginagu maniguul­luni Al­lak­kat Il­ler­nar­tut is­suaavigerusun­neruai. Nukap­piaraq ilumiua taamatut maniguun­nermik ersersitsisus­saavoq ima oqarluni: “Ajoqersuutiga uanga nam­mineq pigin­ngilara, aal­lar­titsisimali pigaa.” (Joh 7:16) Im­minut ima aperisariaqar­pugut: ‘Guutip oqaasia ataq­qingaarlugu mianeringaarlugulu ersersit­tar­para? Imaluun­niit nam­mineq isumaga pingaar­nerutit­tar­para?’ Mariap ajun­ngitsumik isigin­nit­taaseqar­nera ersarip­poq.

¹⁷ Mariap qaam­matit pingasut mis­siliorlugit Elisabethik­kun­ni tikeraar­nera qular­nan­ngitsumik ar­nanut taak­kunun­nga qiim­mas­saataangaar­poq. (Luk 1:56) Tikeraar­nerup Biibilimi qiim­maal­lan­nar­tumik al­laatigineqar­neranit ikin­nguteqar­nerup pil­luaq­qus­sutaaneranik eq­qaasin­neqar­pugut. Guutitsin­nik, Jehovamik, ilumoorlutik asan­nit­tunik ikin­ngutis­sarsior­tarut­ta anersaak­kut ineriar­torlutalu Jehovamut qanin­nerulis­saagut. (Us­s 13:20) Maan­na Mariap angerlar­nis­saanut pif­fis­san­ngor­poq. Mariap naar­tunera paasiguniuk Josefi qanoq oqas­sava?

Maria Josefilu

18. Mariap Josefi sumik oqalut­tuup­paa, Josefilu suniarluni aalajanger­pa?

¹⁸ Naar­tunermi takuneqarsin­naaler­nis­saanut utaq­qisin­naan­ngin­nami Mariap Josefi naar­tunerminik oqalut­tuut­tariaqar­paa. Angut taan­na eq­qor­tuliorusut­toq Guutimil­lu mianerin­nit­toq qanoq isum­mis­sanersoq eq­qarsaatigisimas­savaa. Pisimasul­li tamaasa oqalut­tuarai. Takorloorsin­naasat­tut Josefi er­numatsangaar­poq. Asasani up­pererusuk­kaluar­paa, Mariali al­lasiorsimar­pasip­poq. Qanoq eq­qarsar­nersoq Biibilimi al­las­siman­ngilaq. Al­las­simavorli avin­niarlugu aalajanger­toq. Taamani katin­nis­samik neriorsuineq unioq­qutin­neqarsin­naan­ngitsutut isigineqar­tar­poq. Kan­ngunarsar­neqar­nis­saali kis­saatigin­ngin­namiuk iser­tor­tumik avin­niarlugu aalajanger­poq. (Mat­t 1:18, 19) Josefi pisoq im­mik­kuul­laris­soq pil­lugu isumakulut­toq takul­lugu Maria aliasus­simas­saaq. Mariali narrutsan­ngilaq.

19. Jehovap Josefi eq­qor­tulioq­qul­lugu qanoq ikior­paa?

¹⁹ Jehovap Josefi eq­qor­tulioq­qul­lugu inus­siar­nersumik ikior­paa. Mariap tupin­nar­tulior­nik­kut naar­tuler­nera Guutip in­ngiliata sin­nat­tuk­kut oqaatigaa. Josefi eq­qis­sial­las­simas­saqaaq! Maan­na Maria ilaarlugu Jehovap piumasaatut iliuuseqar­poq. Maria nulis­siup­paa Jehoval­lu er­neranik isumas­suinis­samik akisus­saaf­fiup as­seqan­ngitsup naam­mas­sinis­saanut piareersarluni. – Matt 1:20-24.

20, 21. Aap­pal­lit katin­nis­samil­lu pilersaaruteqar­tut Maria Josefilu qanoq ilin­niarfigisin­naavaat?

²⁰ Aap­pal­lit katin­nis­samil­lu pilersaaruteqar­tut aap­pariit inuusut­tut taak­ku ukiut 2.000-t matuma sior­na inuusut ilin­niarfigingaarsin­naavaat. Josefip nuliani inuusut­toq anaanatut sulias­saminik isumagin­nit­toq takugamiuk Jehovap in­ngilianit siulersor­neqarsimanini qular­nan­ngitsumik nuan­naarutigingaar­paa. Pingaarutilin­nik aalajangigas­saqar­nermi Jehovamik tatigin­nin­nis­sap pingaaruteqas­susia Josefip paasivaa. (Tuss 37:5; Uss 18:13) Qular­nan­ngitsumik ilaqutariin­ni it­tuusutut aalajangiisar­nermini asan­nit­tuul­lunilu inus­siar­nersuuvoq.

²¹ Mariap Josefimut katik­kusun­nera aam­ma qanoq ilin­niarfigisin­naavar­put? Josefip aal­laq­qaam­mut up­periuman­ngik­kaluaraani ilaqutariin­ni it­tun­ngor­tus­saam­mat aalajanger­nis­saa utaq­qeq­qaar­paa. Taman­na Mariap ilin­niarfigingaar­paa, kristumiut­taaq ar­nat nalitsin­ni inuusut ilin­niarfigingaarsin­naavaat. Josefip Marial­lu pisut un­neq­qaris­sumik oqaloqatigiit­tar­nerup pingaaruteqas­susianik paasin­nin­nis­samut qular­nan­ngitsumik iluaqutigaat. – Ussatit 15:22 atuaruk.

22. Josefip Marial­lu aap­pariin­nerat sumik tun­ngaveqar­pa, sumil­lu sulias­saqar­pat?

²² Aap­pariit inuusut­tut taak­kua aap­pariin­nerat pitsaaner­paamik tun­ngaveqarluni aal­lar­tip­poq. Marluul­lutik Jehova Guuti asaner­paal­lugulu angajoq­qaatut akisus­saas­suseqar­nermik­kut isumas­suinermik­kul­lu nuan­naar­tik­kusup­paat. Soorunami an­nerusunik pil­luaq­qus­sutisias­saqar­put – sulilu an­nerusumik unam­miniagas­saqarlutik. Jiisusi, silarsuarmi inun­ni tamani pingaar­ner­paan­ngor­tus­saq, perorsar­tus­saavaat.