‘Tarninnik paarsisuusumut nakkutilliisuusumullu’ uterit

QULARIS­SAN­NGILAT uter­niar­nin­ni Jehovap taperser­sorumaa­raatit. Isumakuluk­kun­naar­nis­san­nut, aliatsaq­qajun­naar­nis­san­nut, ilerasuuteqarun­naar­nerup pianik isumak­kut uum­matik­kul­lu eq­qis­sinis­san­nut ikiorumaar­paatit. Taava up­peqatitit peqatigalugit Jehovamut kif­far­toq­qiler­nis­san­nut piumas­suseqalis­saatit. Atuk­katit kristumiut siul­liit atugaan­nut as­singus­sap­put, apustilip Petrusip taak­ku ima al­laf­figai: “Savatut tam­mar­tajaaraluar­tusi maan­na tar­nis­sin­nik paarsisuusumut nak­kutil­liisuusumul­lu saatsitaavusi.” – 1 Petrusi 2:25.

Jehovamut uter­nerit iliuuserisin­naasavit nuan­ner­ner­paar­taraat. Sooq? Jehovap uum­mataa nuan­naar­tis­sagak­ku. (Us­satit 27:11) Jehova misigis­suseqarami iliuutsin­nit sun­ner­neqar­tar­poq. Soorunami Jehovap asaq­qul­luni kif­far­torfigeq­qul­lunilu pin­ngitsaalineq ajor­paatigut. (5 Mosesi 30:19, 20) Biibilimik misis­sueq­qis­saar­tar­toq ima oqar­poq: “Kialuun­niit uum­mam­miutit am­marsin­naan­ngilai. Il­lit kisivit taamaaliorsin­naavutit.” Jehova qaman­nga pisumik asal­lugulu pal­lorfigigutsigu uum­mater­put am­mar­niarlugu aalajangersin­naavugut. Taamaaliorut­ta tunis­sum­mik erlin­nangaar­tumik – as­suar­naas­sutsitsin­nik – tunis­sal­lugulu uum­mataa nuan­naar­tingaas­savar­put. Jehovap piumasaatut pal­lorfigin­nin­neq sunit tamanit pil­luar­nar­ner­paavoq. – Apustilit Suliaat 20:35; Saq­qum­mersitat 4:11.

Tamatuma saniatigut kristumiutut pal­lorfigin­neq­qileruit anersaak­kut pisariaqar­titatit matus­suser­neqas­sap­put. (Mat­thæusi 5:6) Qanoq? Silarsuarmi inuit ima eq­qarsar­tar­put: ‘Sooq piuvugut?’ Inuunerup siuner­taa pil­lugu apeq­qutitik akis­sutis­sarserusungaar­paat. Jehovamit taamatut pin­ngor­tin­neqaramik inuit taman­na pisariaqar­tip­paat. Jehovap im­minik kif­far­torfigin­nin­nermik nalerisimaarutigin­nit­tus­san­ngorluta pin­ngor­tip­paatigut. Asan­nin­neq kil­lin­neqaatigalugu Jehovamik pal­lorfigin­nin­neq sunit tamanit nalerisimaar­nar­ner­paavoq. – Tus­siaat 63:2-6.

Eq­qaamajuk Jehovap uterfigis­sagin­ni kis­saatigigaa. Taman­na qanoq qularin­ngis­sin­naaviuk? Uku eq­qarsaatigik­kit: Qup­persagaq una qinusaqat­taareer­nerup kingor­na piareersar­neqarmat. Im­maqa utoq­qaaner­tamit up­peqatin­nil­luun­niit pisimavat. Taava atuar­nis­saanut maleruar­nis­saanul­lu kajumis­sisin­neqar­putit. Tamak­ku tamarmik Jehovamit puior­neqarsiman­ngin­nin­nut up­per­narsaataap­put. Jehovap im­minut uter­nis­san­nut kajungilersik­kusup­paatit. – Johan­nesi 6:44.

Jehovap kif­faminik tam­marsimasunik puiun­ngisaan­nar­nera nalun­ngin­natsigu tup­pal­lersaatigaar­put. Qatan­ngutip Don­namik atil­lip taman­na qujamasuutigiler­paa. Taan­na ima oqar­poq: “Arriitsumik sal­lusuis­sum­mit ungasil­liar­tulersimavunga, taamaat­torli Tus­siaat 139:23, 24-milu al­las­simasut eq­qarsaatigikulasar­pak­ka: ‘Misis­suif­figin­nga, Guuti, ilisimajul­lu uum­matiga, misilin­nga, eq­qarsaatik­ka ilisimaniak­kit. Alaper­naasin­nga guutipiluit aq­qutaan­nik atuaanersunga, ingerlatin­ngalu aq­qutik­kut naas­saan­ngitsuk­kut!’ Silamiunit al­laanerusutut misigiuaan­narama Jehoval­lu peqatigiis­sor­taanut ilaanis­san­nik pisariaqar­titsinera nalun­ngin­nak­ku silarsuarmut ilaan­ngin­nera nalun­ngilara. Jehovamit qiman­neqarsiman­ngin­nera paasiar­tuler­para, uangaliuna Jehovamut uter­nis­san­nut periarfis­sarsiun­nar­tus­saasunga. Taamaalior­nera nuan­naarutigeqaara!”

Qaman­nga pisumik kis­saatigaar­put aam­ma il­lit ‘Jehovami nuan­naar­neq’ misigeq­qis­sagit. (Nehemia 8:10) Jehovamut uter­nerit peq­qis­simis­sutigin­ngisaan­nas­savat.