Inuit arfineq-pingasut annapput

Nooa, ilaqutai uumasullu umiarsuarmut ikipput. Jehovap matu matuaa, siallilerporlu. Siallingaarmat umiarsuaq immami puttalerpoq. Naggataatigullu nunarsuaq imaannan­ngorpoq. Inuit ajortut umiarsuarmut ikinikuun­ngitsut toqupput. Nooali ilaqutaalu ikinikuugamik annapput. Takorloorsin­naaviuk qanoq nuannaarsimatigissasut Jehovamut naalakkamik?

Ullut unnuillu 40-t sialler­tuarpoq, taava siallerun­naarpoq. Imersuaq tinikkiartorpoq. Naggataatigut umiarsuaq qaqqap qaavanut pivoq. Sulili suna tamarmi imaannaagami Nooa ilaqutaalu umiarsuarmit anisinnaan­ngillat.

Arriitsun­nguamik imaaruk­kiartuaarpoq. Nooa ilaqutaalu ukioq ataaseq sinnilaarlugu umiarsuarmeereersut Jehovap oqarfigai anisinnaasut. Jehovamit annaanneqar­nikuunertik qujamasuutigingaarpaat, Jehovamullu tamanna takutippaat pilliuteqar­nermikkut.

Jehovap taamaaliornerat nuannaarutigingaarpaa. Neriorsuivoq ulersuar­titsinikkut nunarsuarmiittunik sunik tamanik aserortereq­qinnaviarnani. Neriorsuinini ersersin­niarlugu aatsaavissuaq neriusaamik nuisitsivoq. Neriusaamik takunikuuit?

Aamma Jehovap Noa ilaqutaalu oqarfigai nunarsuaq ulikkaarlugu meeqqiussasut.