Biilearmip siutituujutaa oqaluttoq

Israalikkut ukiut 40-ngajaat inoqajuitsumiis­simapput illoqarfip­passuillu ajugaaf­figisimallugit. Maanna kuussuup Jordanip kangiatungaani Moabip narsartaani tupersimaarput nunamullu neriorsuutigisamut isingajalerlutik. Baalarkip, Moabip kunngiata, Israalikkunnit nunaminik arsaarneqar­nissani annilaangas­sutigilerpaa. Taamaattumik angut Biilearmimik atilik Moabimut aggeqquaa Israalikkut perloqqunias­sammagit.

Kisianni Jehovap Biilearmi oqarfigaa: ‘Israalikkut perloqqus­sanngilatit.’ Biilearmillu aallarnissani itigartippaa. Kunngip Baalarkip aappassaanik qaaqquaa neriorsorlugulu piumasani tamaasa pisinnaagai. Biilearmili suli aallarumanngilaq. Guutip oqarfigaa: ‘Aallarsin­naavutit, oqaatigeq­qusakkali kisiisa oqaatigis­savatit.’

Biilearmi siutituuminut qaqeriarluni Moabimut aallarpoq. Pilersaarutigaa Israalikkut perloqquniarlugit naak Jehovap taamaalioq­qunngik­kaluaraani. Aqqutaani Jehovap inngilia pingasoriarluni saqqummerpoq. Biilearmip inngili takusin­naanngilaa, siutituujutaatali takusinnaavaa. Siullermik siutitooq aqqusinermit sanguvoq narsaammullu pilluni. Aappassaanik siutitooq qarmamut qanillerujus­suarpoq Biilearmip isigaa kiggisillugu. Naggataatigut aqquserngup qeqqanut nallarpoq. Pinerit tamaasa Biilearmip siutitooq ajaappis­saminik anaalertarpaa.

Taava Jehovap siutitooq oqalussin­naalersippaa. Siutituup Biilearmi aperaa: ‘Sooruna anaaleqat­taaginnarpinga?’ Biilearmip akivaa: ‘Kamassaarparma. Panaqar­tuuguma toqussimas­sagaluarpakkit.’ Taava siutitooq oqarpoq: ‘Ukiorpassuarni qimuffiginikuuarma, siornatigut taamaaliortunga takunikuugamma?’

Taava Jehovap Biilearmi inngilimik takusin­naalersippaa. Inngilip oqarfigaa: ‘Jehovap oqarfigigaluarpaatit Israalikkut perloqqus­sanngikkitit.’ Taava Biilearmi nassuerpoq ajortuliorsimalluni angerlar­nialerlunilu. Inngililu nangilluni oqarpoq: ‘Moabimukarsin­naavutit, Jehovalli oqaatigeqqusai kisiisa oqaatigis­savatit.’

Biilearmi ilikkagaqarpa? Naamik. Tamatuma kingorna Biilearmip Israalikkut pingasoriarluni perloqquniaraluarpai, pinerilli tamaasa Jehovap pilluaq­qutittarpai. Kingusin­nerusukkut Israalikkut Moabikkunnut saassus­simmata Biilearmi toqutaavoq. Aallaqqaammulli Biilearmip Jehova naalassimasuuppagu ajunngin­nerusimas­sagaluarpoq, ilaa?