Immikkoortoq 1-mut aallarniut

Biibilip pinngor­titsinermik oqaluttuaq aallarniutigaa. Atuarnerani Jehovap qilammi nunarsuarmilu pinngor­titarsuinik kusanangaartunik paasitin­neqarpugut. Meeraqaruit pinngor­titarsuup tupinnangaartup qanoq assigiin­ngiiaar­tigineranik paasitin­nissaanik ikioruk. Ersersiguk Guutip inuit uumasuniit piginnaaneqar­nerutillugit pinngortikkai. Assersuutigalugu oqalussin­naavugut, eqqarsarsin­naavugut, nutaaliorsin­naavugut, erinarsorsin­naavugut Guutimullu qinusin­naalluta. Meeqqat Jehovap pissaaneranik, ilisimas­susianik minnerun­ngitsumillu pinngor­titaminut tamanut, aamma uagutsinnut, asannin­neranik pingaar­titsinissaanik ikioruk.