Ilagiit taperser­sukkit

Nunarsuarmi sumi tamani ilagiip­passuarni inuit millionillit nuannaarlutik Jehova kiffartorfigisarpaat. Ilitsersor­neqarnertik siulersor­neqarnertillu qujamasuutigisarpaat ilagiinnillu arlalitsigut tapersersuerusut­tarlutik. Aamma illit ilagiit attavigisatit pillugit taama misigivit?

1. Piffissat nukitillu atorlugit ilagiinnik ilaatigut qanoq tapersersuisinnaavit?

Tamatta ikiueqataasin­naavugut. Assersuutigalugu ilagiin­niittut ilaat utoqqaappata innarluuteqarpataluunniit ikiorsin­naavatit, soorlu ataatsimiin­nissamut aasinnaavatit, pisinius­sinnaavatit illulerinermiluunniit ikiortarlugit. (Jaaku 1:27 atuarsiuk). Aamma ataatsimiit­tarfimmik eqqiaaqataasin­naavutit aserfal­latsaaliueqataal­lutilluunniit. Jehova uppeqatigullu asagatsigit ‘kajumilluta sassartarpugut’ pinngitsaalineqarnata. – Tussiaat 110:3.

Imermut morsutsin­neqarsimasut aamma allatigut ikiuutaasarsin­naapput. Assersuutigalugu qatanngutit angutit piumasaqaatinik eqqortitsisut ilagiinni kiffartor­tunngorsin­naapput kingusin­nerusukkullu utoqqaaner­tanngorlutik. Qatanngutit arnat angutillu pionerin­ngorlutik oqaluus­sinermik tapersersuil­luarsin­naapput. Qatanngutit ilaat ataatsimiit­tarfinnik sanaartoqataasin­naapput ilagiin­nulluunniit ikiortarialinnut nuussin­naallutik.

2. Aningaasaatigut pigisagullu ilagiit tapersersorumallugit qanoq atorsin­naavagut?

Jehovap periarfis­sippaatigut pigisatsinnik tunissuteqarnikkut taassumunnga asannin­nitsinnik ersersitsisar­nissatsinnut. Biibilimi allassimavoq ‘Jehova ataqqinaasis­sagipput pisuussutigisatsinnik’. (Ussatit 3:9) Taamaattumik aningaasanik allanillu tunissuteqarsin­naanerput qujamasuutigisarparput. (Korintimiunut 2. 9:7 atuarsiuk). Tunissutigisagut sumut atorneqartarpat? Ilagiinni aningaasar­tuutinut, nunarsuaq tamakkerlugu oqaluus­sinermut aamma ajunaar­nersuaqar­tillugu ikiuinermut. Biibilimi kajumis­saarutigineqartutut qatannguterpassuit aningaasanik tunissuteqarumallutik ‘immikkoor­titsisarput’. (Korintimiunut 1. 16:2 atuarsiuk). Qanoq tunissuteqarsin­naavugut? Aningaasat ataatsimiit­tarfimmi nakkakaatitsivinnut nakkartis­sinnaavagut internetik­kulluunniit donate.jw.org-ikkut tunissutigalugit.

ITISILIINEQ

3. Pigisagut atorsin­naavagut

Jehovap Jiisusillu nuannaarluni tunisisoq asavaat. Assersuutigalugu Jiisusip uillarneq piitsoq tunissuteqarumalluni ilungersortoq maluginiarsimavaa. Lukkarsi 21:1-4 atuarsigit apeqqutillu uku eqqartorlugit:

• Jehova nuannaar­tikkumallugu aningaasarpas­suarnik tunissuteqar­tariaqarpugut?

• Kajumilluta tunissuteqaraangatta Jehova Jiisusilu qanoq misigisarpat?

Tunissutigisagut sumut atorneqartartut paasiumallugu VIDEO takusiuk apeqqullu tulliuttoq eqqartorlugu.

VIDEO: Jehovamut ‘kajumilluni tunissutit’ (4:47)

• Nunarsuaq tamakkerlugu ilagiit tapersersorumallugit tunissutigineqartut qanoq atorneqartarpat?

4. Kajumilluta ikiueqataasin­naavugut

Itsaq Jehovamut kiffartortut guutisiorfik paarilluarumallugu tamaviaar­tarsimapput. Aningaasanik tunissuteqartarput aammali allatut iliuuseqar­tarlutik. Nalunaarsuutit 2. 34:9-11 atuarsigit apeqqullu una eqqartorlugu:

• Israalikkut tamarmik immikkut Jehovap illuanik, tassa guutisiorfimmik, qanoq paarsil­luaqataasarpat?

Jehovap Nalunaajaasuisa Israalikkut taakku nalitsinni qanoq ilaartaraat paasiumallugu VIDEO takusiuk apeqqutillu tulliuttut eqqartorlugit.

VIDEO: Ataatsimiit­tarfinnik paarsil­luarneq (3:31)

• Sooq ataatsimiit­tarfitta eqqiluitsuutinnissaa aserfal­latsaalior­nissaalu pingaaruteqarpat?

• Qanoq ikiuussinnaavit?

5. Qatanngutit angutit akisussaaf­feqarneruler­nissartik anguniarsin­naavaat

Angutit kristumiut Biibilimi kajumis­saarneqarput ilagiit tapersersorluarumallugit akisussaaf­feqarneruler­nissartik anguniaq­qullugu. VIDEO takusiuk apeqqullu tulliuttoq eqqartorlugu.

VIDEO: Qatanngutit angutit – Ajunngitsumik anguniagaqaritsi (5:19)

• Qatanngut angut ilagiinnik tapersersuinerujumalluni qanoq iliorpa?

Ilagiinni kiffartortunut utoqqaaner­tanullu piumasaqaatit suunersut paasiumallugit Timuutiusimut 1. 3:1-13 atuarsigit apeqqutillu uku eqqartorlugit:

• Ilagiinni kiffartortunut utoqqaaner­tanullu sunik piumasaqaateqarpa?

• Taakkua ilaqutaannut qanoq piumasaqaateqarpa? – Versit 4 aamma 11 takukkit.

• Qatanngutit angutit piumasaqaatit taakku eqqortin­niarlugit ilungersoraangata ilagiin­niittut tamarmik qanoq iluaqutigisarpaat?

EQIKKAANEQ

Piffissarput, nukigut pigisagullu atorlugit ilagiit tapersersoraangatsigit Jehova nuannaartarpoq.

Uteqqiineq

• Piffissarput nukigullu atorlugit ilagiit qanoq tapersersorsin­naavagut?

• Pigisagut atorlugit ilagiit qanoq tapersersorsin­naavagut?

• Illit ilagiit qanoq tapersersorusuppigit?

NAMMINEQ MISISSUGASSATIT

Sooq Guutip guutisiorfigin­nitsimik pissarsiaasa qulinginik tunnius­sisarnissaat piumasaqaatigiunnaaraa atuaruk.

“Pissarsiat qulinginik tunnius­sisarneq pillugu Biibilimi qanoq allassimasoqarpa?” (Nittartak­katsinni allaaserisaq)

Biibili naapertorlugu angutit imermut morsutsitaasimasut assigiinngitsutigut akisussaaffilerneqartarput. Taavami akisussaaffiit taakkua ilaat arnamit imermut morsutsitaasimasumit isumagineqassappata?

“Ilagiinni siulersuinermut najoqqutassiaq” (Napasuliaq Alapernaarsuiffik, februaari 2021)

Nalunaajaasut uppeqatiminnut Biibililersaarutinik pajussiumallutik sapiillutik qanoq tamaviaartartut takuuk.

Congomi Biibililersaarutinik pajuttuisarneq (4:25)

Sulinerput upperisarsioqatigiinnit allanit allaanerul­luinnartumik qanoq aningaasalersor­neqartoq paasiniaruk.

“Jehovap Nalunaajaasuisa sulinerat qanoq aningaasalersor­neqarpa?” (Nittartak­katsinni allaaserisaq)