OQALOQATIGINNEQQAARNERMI
ILINNIAGASSAQ 6
Sapiissuseq
Najoqqutassiaq: ‘Guutitsinnit sapiillisinneqarluta nutaarsiassanik nuannersunik Guutimeersunik oqaluttuuppassi.’ – Tes 1. 2:2.
Jiisusi qanoq iliortoq
1. VIDEO isiginnaaruk, imaluunniit Lukkarsi 19:1-7 atuakkit. Apeqqutillu uku eqqarsaatigikkit:
Inuppassuit Zakiusi qanoq isumaqarfigaat?
Sooq Jiisusip Zakiusi oqaluussiffigilerpaa?
Jiisusi sumik ilinniarfigaarput?
2. Kikkunnut tamanut oqaluussissagutta sapiitsuusariaqarpugut.
Jiisusi ilaaruk
3. Jehova tatigiuk. Guutip anersaani iluaqutigalugu Jiisusi oqaluussinissamut nakussatsittarpaa, aamma illit nakussatsissinnaavaatit. (Mat 10:19, 20; Luk 4:18) Jehova qinnuigisaruk inunnut siooragisannut oqaluussinissamut sapiissuseqaqqullutit. – ApS 4:29.
4. Inuit pillugit isummiussereernaveersaartarit. Inuit ilaasa aningaasatigut inuiaqatigiinniluunniit inissisimaffiat, isikkuat, inooriaasiat upperisaalluunniit pissutigalugit saaffiginissaat nangaassutigisinnaavarput. Eqqaamajulli:
Jehova Jiisusilu kisimik inuit uummataannik takunnissinnaapput.
Inuit kikkulluunniit Jehovamit nallittorneqarsinnaapput.
5. Sapiitsuugit, aammali ataqqinnittuullutillu mianersortarit. (Mat 10:16) Assortuinaveersaarit. Tusarumanngippat navianartorsiulissagaluaruillu oqaloqatigiinnersi unitsiinnaruk. – Uss 17:14.