Toqqaan­nartuuneq

Jiisusi qanoq iliortoq

VIDEO: Jiisusip angut inuusuttoq pisooq siunnersoraa

1. VIDEO isiginnaaruk, imaluunniit Makkorsi 10:17-22 atuakkit. Apeqqutillu uku eqqarsaatigikkit:

1. Angutip inuusuttup pissusii nuannersut suut Jiisusip maluginiarsimassavai?

2. Jiisusi siunnersuigami sooq asannillunilu toqqaan­nartuusariaqarpa?

Jiisusi sumik ilinniarfigaarput?

2. Ilinniar­titagut anersaakkut siumukar­tuassappata asannittumik toqqaan­nartumillu oqaluut­tariaqarpagut.

Jiisusi ilaaruk

3. Ilinniartitat anguniak­kaminik angusinissaanut ikiortaruk.

1. Naassaan­ngitsumik pilluarsin­naavutit!-mi ilinniagassani tamani “Iliuuserisassatit” atortakkit.

2. Ilinniartitat siunissami qaninnerusumi ungasin­nerusumilu anguniakkani angujumallugit massakkut qanorpiaq iliorsin­naanersoq paasitiguk.

3. Anersaakkut siumukarnera pillugu nersualaartaruk.

4. Siumukar­nissaanut akorngutaasinnaasut paasiniartakkit, qaangiinis­saanullu ikiortaruk.

1. Imminut aperigit:

   • ‘Ilinniartitara imermut morsutsitaanissamut siumukan­ngippat taava suna akorngutaava?’

   • ‘Qanoq ikiorsin­naavara?’

2. Ilinniar­titannik asannillutit toqqaan­nartumillu siunnersuisin­naaqqullutit sapiissusermik Jehova qinnuigisaruk.

5. Anersaakkut siumukan­ngippat misissueq­qissaaqatigiinnersi unitsiguk.

1. Ilinniartitat siumukarnersoq paasiumallugu imminut ima aperigit:

   • ‘Ilikkakkani maleruarpai?’

   • ‘Ataatsimiigiartarpa, ilikkakkanilu allanut ingerlateq­qittarpai?’

   • ‘Sivisuumik misissueqatigeereerlusi Jehovamik Nalunaajaasun­ngorusus­suseqalerpa?’

2. Ilinniartitat siumukar­nissaminut piumassuseqan­ngippat:

   • Aperiuk sooq tunuarsimaarnersoq.

   • Inussiar­nersumik nassuiaruk sooq misissueqatigiinnersi unitsit­tariaqarit.

   • Paasitiguk misissueqatigiit­taqqilis­sagussi qanoq iliussanersoq.