Gûte kanok kanigtigissutut issigaiuk?
RAPHAELIP pingasunik ukiugdlup ĸinunine autdlartípâ oĸautsit perssuarsiúngitsut uko autdlarniutigalugit: „ĸanoĸ ípit, Jehova?“ inersimassut taimatut oĸarnigssât iluarinásángíkaluarpoĸ, mêrĸavdle mêrarpalugtumik ilumôrnera ĸungujûtigisínauvarput. misiutigissagssáungíname Raphael Gûtimut ĸanigdlune misigissoĸ. táussuma Gûte issigíngilâ píssaunerínartut kináussusiliúngitsutut. kináussusiligtut piviussutut issigâ. ivdlit Gûte taima piviutigissutut, taima ĸanigtigissutut, issigaiuk?
ila erĸumĩssusia inugpagssuit Gûtimut ugpernerartut ilisariniángingmássuk Gûtimutdlo ĸanitdlagtorniarneĸ ajordlutik! iláine angneruniarumatunerat Gûtimut ĸanitdlagtornigssãnut akornutaussarpoĸ. Gûtivdle ’issaisa angneruniartut agssortortarpait’, kúnge David oĸarpoĸ. (2 Sâmuale 22:28, NW) ilaitdle nikanartípatdlâramik ingmingnutdlo pingârtitsíngitdluínaramik isumaĸarput Gûte píssuseĸarfigísavdlugo ajornaĸissoĸ. angneruniartut ilagsiumássuseĸ mêrĸanut ilisarnautaussoĸ ineríkiartortítariaĸarpât. Jesus oĸarpoĸ: „ilumut oĸarfigâvse, uterdluse mêránguatut ilíngíkuvse ĸilangmiup nâlagauvfianut písángilase.“ (Matîuse 18:2-4) nikanartípatdlârtutdlo iluaĸutigísagaluarpât mêrarpalugtumik píssuseĸ Raphaelip Gûtimut taima igtôrutigssaĸángitsigissumik ornigúnermigut píssusia.
erĸortumik isumaĸaráine autdlarnerdluarnerugaluarpoĸ; Gûtimutdle ĸanigdluínartutut misigísagáine tamána nãmángilaĸ. sujugdlermik, Gûtip piviussûnera ilisarissariaĸarparput. Gûtip píngortitai alutornangârtut tupingnangârtutdlo ĸiviarângagkit kivdlingneĸartarpit Gûte erĸarsautigísavdlugo, únersiutigísavdlugo ĸutsavigísavdlugulo, tugsiausiortup Davidip iliorneratut? táuna aperivoĸ: „Takugaangakkit qilak pigisat, assappit pinngortitaat, qaammat ullorissallu tassani ivertitatit, — taava inuk suummat eqqaasarpiuk? Inuup qitornaa suummat isumagisarpiuk?“ (Tussiaat 8:4, 5) pivfigssaĸ nãmagtoĸ atortarugko Gûtip píngortitai pingârtitdlugit erĸarsautigalugit, Gûtimut asangningnerit sákortusíngitsôrsínaunaviángilaĸ.
„Gûtimut patdligúniaritse“
magnîtit ingmingnut erĸortumik inigssisimassut ingmingnut kajungerissarput. ingmingnut ĸanigdliartordlutik kajungertíkiartortarput. Gûtimut píssutsivtíne tamatumúnga ássingussumik pissoĸarsínauvoĸ, ajoĸersugaĸ Jakob agdlangmat: „Gûtimut patdligúniaritse, tauva ilivsínut patdligutísavoĸ.“ — Jâko 4:8.
Gûte ilisaralugo táussumúnga patdligúneruvoĸ. (Juánase 17:3) Gûtip oĸausia, bîbile, atuarĸigsâruniuk aitsât inûp ilíniarsínáusavai Gûtip arĸa, Jehova, nunamut sujunertainik sagdlusuíssut píssusîlo, sôrdlo asangningnera, ilisimássusia, nâpertuivdluássusia píssauneralo. (Tussiaat 83:18; ãmátaoĸ takúkit Davidim ivngerutéj Niels Wolfip kalâtdlisũngortitai 1824-mêrsut.) ’kisiánile,’ ímaĸa oĸarumásautit, ’nalúngerêrpara Gûte ajugaĸángitsûssoĸ, tamarmigut nâpertuivdluartûssoĸ ilisimássuseĸangârtordlo asangningârtordlo.’ tamánale kisime Gûtimik ilisarssineruva ilumôrtoĸ nãmagtordlo? ímaĸa nâgga.
Gûte píssusîlo pivdlugit oĸauseĸautit soĸutaorpiángitsutut isumaĸarfigineĸarsínáuput, ingangmik inûp misigisimassainut súniuteĸarsimángíkunik. ássersûtigalugo: tusilardlune erniussup ĸanoĸ ilivdlune „nipitôĸ“ ãmalo „nipikitsoĸ“ ássigĩngíssusîsigut pâsisínáusavai? ĸupalorârssûp ĸardlornera tuivdlo ĸuluaussarnera ĸanoĸ ilivdlugit ingmíkôrtísínáusavai, tusarsimángínamigit nalerĸiússíssuteĸángíkune? taimatut, oĸautsit „Gûte asássutauvoĸ“ oĸausĩnaussutut pingârtoĸángitsutut isumaĸarfigineĸarsínaugaluarput. (1 Juánase 4:8) Gûtivdle asangningnera isúmamigut misigíssutsimigutdlo pâsisínáusaguniuk, inûp erĸarsautigissariaĸarpâ asangningneĸ tamána ĸanoĸ ilivdlune inuiangnut erssersíneĸarsimassoĸ. (Juánase 3:16) ãmátaordle Gûtip asangningnera nangmineĸ misigisimassane nâpertordlugit oĸautigisínaussariaĸarpâ. „misigisiuk takusiugdlo Jehova avâgingnigtûssoĸ,“ tugsiausiortoĸ oĸarpoĸ. (tugsiaut 34:8, NW; verse 9 kalâtdlisũngortitame.) taimailiorune inûp misigíngitsôrsínáungilâ Gûtimit kajungerineĸardlune.
atâtane ĸiviardlugo ilãne nukagpiarángûp Larryp oĸarfigâ: „nalúngíkaluarpara Jehova avdlanit tamanit angnerussumik asassugssaugaluariga, ĸanordle ilivdlunga táuna ilingnit asanerusínauvara? ivdlit takusínauvavkit asavdlutitdlo, kisiánile Jehova takusínáungilara.“ atâtâta nukagpiaránguaĸ erĸigsisarpâ oĸarfigalugo ugpilerĸârnerme taimatut misigíssuseĸarneĸ píssusigssamisûgínartoĸ. mêránguardlo ĸularungnaersíneĸarpoĸ Jehovap píssusê suliailo tupingnangârtut bîbilime agdlauserineĸartut ilíniarêrsimagunigit, Gûtivdlo asangnigtumik isumagssuingârnera nangmineĸ misigerêrsimaguniuk, Jehova átavigisínaulísagâ inungnut avdlanut tamanut atássuteĸarnerminit sákortunerussumik! (Matîuse 22:37, 38) kinaugaluaruvtalũnît tamána misigisínauvarput Jehova Gûte ilisariniardlugo pivfigssaĸ pissariaĸartoĸ atoruvtigo.
Gûtimik „ilisarssineĸ“ ĸanoĸ isumaĸartoĸ
oĸauseĸ „ilisaralugo“ atortarparput inuk ilisarisimatsiaruvtigo, imalũnît takorĸingnerane ilisariguvtigo. ímaĸa oĸartarpugut ’erĸaimanerdlúngíkuma ilisarâra.’ ímaĸa oĸartarpugut: ilisaralugo, nauk ilisarissaĸ ardlâne takutdlatsiáinarsimagaluardlugo imalũnît sivikitsuínarmik oĸaloĸatigisimagaluardlugo.
apustile Johannesip ikiorpâtigut pâserĸuvdlugo Gûtimik „ilisarssineĸ“ tássáináungitsoĸ Gûte ilisarisimatsiardlugo. Johannesip agdlagaine sujugdlerne Gûtip súnîneratigut isumagssarsiarititaussune ersserĸigsarneĸartut ilait malugeriákit. imáitumik pingârnersiorneĸarsínauvoĸ: Gûtimik ilisarssissup Gûte asásavâ. Gûtimik ilisarssigune asangnigkunilo tauva inássutainik maleruáisaoĸ. tássauvoĸ târtume saĸiungnaerdlune sagdlusuíssutdlo inûnerme malerualerdlugo. tássauvoĸ Gûtip oĸausia anersâvalo sujulerssuissoralugit sagdlusuíssutdlo átavigalugo. Gûte ilisariguvtigo taĸimanata ĸinuníkut orniguvfigísavarput, ĸularinago tusásagâtigut, akissivdlunilo perĸussânik nãmagsingningniarnivtíne pissariaĸartitavtínik tamanik tunísagâtigut. — 1 Juánase 1:5-7; 2:3, 4, 13, 14; 3:19-24; 4:6-8, 13; 5:3, 14, 15.
tauva nalunángilaĸ Gûtimik ilisarssineĸ suniángínerúngitsoĸ. Jehova Gûte ilisariniardlugo ĸanigtumigdlo píssuseĸarfiginiardlugo ilungersornaĸaoĸ. ugperissarsiornermut maligtarissagssanik sungiusimangârnermit erĸarsautiginago malingningnerínáungilaĸ. Gûtimik ilisarssineĸ tássáungilaĸ tássángáinartumik misigissaĸarneĸ misigíssutsip pilersitâ, sôrdlo kristumiut „erniorĸigsimanerartut“ misigisimavdlugo oĸartartut. tugsiausiortoĸ oĸarpoĸ: „Ingerlavigisannik ilinniartinnga, [Jehova], aqqutigisannik ajoqersuunnga! Sallusuissutsikkut tasissersunnga ajoqersunngalu, illit tassaagavit guutiga annatsitsisigalu, neriuffigiuaannarpakkit.“ (Tussiaat 25:4, 5) taimáitumik Gûtimik „ilisarssineĸ“ inôriausiuvoĸ!
ãmalo, oĸaorĸigsârêrdluta „misigisiuk takusiullu [Jehova] avaaginnittuusoq“, tugsiausiortoĸ oĸarpoĸ: „Ajortoq nigorsimaak ajunngitsuliorillu, eqqissinissaq ujaruk tumaalu atuarlugit!“ (Tussiaat 34:9, 15) ’ajortoĸ nigorsimásaguniuk’ ilâtigut inuk avdlángordluínartariaĸarpoĸ.
sôrdlo Mari, 1960-íkúne hippie-ugatdlarame ikiarôrnartunik atuinerdlungârpoĸ. tamatuma kingunerai tigdligtarnera, kángunartuliornera nârtuersíneralo — agdlâtdlo akilersitdlune atortítarnera. tauvale Jehovap nalunaiaissue atássuteĸarfigilerpai, pâsilerpâlo avdlángortariaĸardlune Gûtimut ĸanigtumik píssuseĸalísagune. „uvdlormut sikarítit pôrtat mardluk pingasutdlũnît pujortartardlugit ilerĸorissaraluara soraerúpara ikiarôrnartortortarungnaerdluínardlungalo, ũmativnilo aulajangerpunga kángunartuliorneĸ inerterĸutigalugo Jehovap inássutâ maleruásavdlugo. atuagautíka singnagtugkat, uvdloríssat najorĸutaralugit sujuligtuiniarneĸ anersârsiornerdlo pivdlugit imaĸartut tamaisa igípáka, inûssaliautíkalo, nanerûtíkalo ássiliautíkalo gûtipilugsiornermut atortagaraluáka tamaisa igitdlugit.“ kîsa ingminut Gûtimut túniutdluínarpoĸ mánalo tikitdlugo táuna kivfartûtdlugo.
ivdlitdle pissariaĸartumik ilungersúsanerpit Gûte ilisariniardlugo? ivdlit inôriautsit Marip inôriauserigaluatut ímaĸa ingassagtigíngíkaluarpoĸ, taimáikaluartordle ímaĸa angnertungâtsiartunik avdlángortitsissariaĸarputit. ĸularísángilatdle inuit ilumôrtumik nikanartítumigdlo ujardlerssine mêrĸatut ilíniarusugdlutik perĸussânigdlo nãmagsingnigkusugdlutik Gûtip pakatsisíneĸ ajorai.
[Qupp. 4-mi assiliartaq]
inugpagssuit Gûte ilisarinerujumavdlugo inûnertik avdlángortísimaĸait