Gûtip oĸausia ûmavoĸ
makínerit ássigĩngitsut mardluk
ILIVEK’ inugtaĸángitsoĸ! Jesusip timâ pêrúpoĸ! palasiunerit sákutût ilivermik pârssissut aningaussanik tunivait sagdluvdlutik oĸarĸuvdlugit Jesusip ajoĸersugai aggersimassut timâlo toĸungassoĸ tigdligsimavdlugo. (Matîuse 28:11-15) imáipordle, Gûtip Kristus makitíkâ, inungnilo sujugdliuvdlune Jesus anersãngordlune makípoĸ. — apustilit suliait 26:22, 23; 1 Pîtruse 3:18.
Jesusĩnáungitsoĸ ãmátaordle avdlat anersãngordlutik makísáput, sôrdlo bîbilime agdlagsimassoĸ: „nungutdlutigdle tugdlerĩssusertik migssiliordlugo: naorĸautaussoĸ tássa Kristuse; tugdliúsáput Kristusip pigissai, [najũnerane, NW].“ (1 Korintumiut 15:20-23) „Kristusip pigissai“ kíkũpat? tássáuput ajoĸersugkat ilumôrtut 144.000-iussut ĸinigaussut Gûtip nâlagauvfiane Kristus ilagalugo nunamut kúngiuvdlutik nâlagkersuinigssamingnut. — sarĸúmersitat 5:10; 14:1, 3; 2 Timûtiuse 2:11, 12.
ĸilangme anersâtut inûnigssamut makíneĸ sôruname inungnut takugssáungilaĸ. anersãngorneĸ bîbilime imáitumik agdlautigineĸarpoĸ: „ilissauvoĸ aserujassoĸ, makísavoĸ aserujuitsoĸ; ilissauvoĸ kángusûtilik, makísavoĸ nâlangnássusilik; . . . ilissauvoĸ time [uvinilik, NW], makísavoĸ time anersâp pia.“ — 1 Korintumiut 15:42-44.
ĸilangme inûnigssamut makíneĸ tamána ’makivfingmik sujugdlermik’ taineĸarpoĸ. bîbilime agdlagsimavoĸ: „pivdluardlunilo iluarpoĸ makivfingme sujugdlerme pigssaĸartoĸ; táukunúnga toĸup áipâ pigínáussuseĸángilaĸ, kisiáne . . . [kúngioĸatigísavât] ukiut tûsintigdlit.“ (sarĸúmersitat 20:6) ĸilangme inûnigssamut makíneĸ taineĸarportaoĸ ’makivfingmik sujusingnerussumik’. (Filípimiut 3:11, NW) sôrdlo taineĸarêrsoĸ, tamána nagdliúpoĸ ’Kristusip najũnerane’ 1914-ime autdlartítume, taimane Jesus Kristus uterame kúngitut nâlagaulerdlune akerĸame akornáne. — Eprîarit 10:12, 13.
oĸautsit ’makivfik sujugdleĸ’ ãma ’makivfik sujusingnerussoĸ’ takutípât avdlamigtaoĸ makivfigssaĸartoĸ. Kristusip nâlagkersueĸatigssaisa makínerata kingornagut, Gûtivdlo nâlagauvfianut agssortuissut tamarmik nunamit pêrsíneĸarnerata kingornagut, tauva toĸussut makitíneĸalerumârput nuname inûnigssamingnut. taimáikame makínerit ássigĩngitsut mardlũput. sujugdlermik makivfigssaĸarpoĸ ĸilangme inûnigssamut. áipagssânik „iluartutdlo iluaitsutdlo“ makíkumârput, nuname nâgssáungitsumik inûnigssamik periarfigssaĸardlutik. — apustilit suliait 24:15.
makititsinerup tupingnangãssusia erĸarsautigeriaruk — inuit ûmajungnaersimassut ũmartitaunigssât! Gûtivdlo sujunertaisa piviussúngornigssãnut tamatuma pissariaĸavíssusia erĸarsautigeriaruk! Gûtip tamatumínga nuáningârtumik periarfigssînera ĸujássutigalugo kivdlingneĸásángínerpugut Gûtimut asangningnivtínik túniutdluínarnivtínigdlo sapíngisavtínik nivtaiviginiardlugo. (wD 15/3 85)