Gûtip oĸausia ûmavoĸ
Gûtip ínugtai Rutip pingârtípai
ARNAK’ inûsugtúnguaĸ pínersoĸ una tássa Rut, Maobime, Ímap Ũmaitsup kangianĩtume, najugaĸarsimassoĸ. Moabíkut, gûtipilungnik patdlorfigingnigtartut, akornáne peroriartornikûgaluardlune, taimáitoĸ Gûtimut ilumôrtumut, Jehovamut, ínugtai Israelíkut ilagalugit, kivfartorniaraluarpoĸ. (4 Môrsase 25:1-5) Gûtimut ilumôrtumut kivfartornigssamut periarfigssíneĸarame, Jehovamut patdlorfigingnigtartunit avdlanit asaneĸalíssutigissaminik periarfik tamána ilumôrdlune tiguvâ. táukualo nalúngilât ’arnaussoĸ píkorigsoĸ’. — Rúte 3:11.
Israelime kângnerssuaĸarnerata Rut Jehovamut kivfartornigssamut periarfigssípâ. kângnerssuaĸarnera píssutigalugo ilaĸutarît sisamanik inugtagdlit Betlehemimêrsut Moabíkut nunãnut nûgput. uvane ilaĸutarît táuko takusínauvatit — Elimelek, nulia No’omi ernerilo Malon Kiljonilo. kisiáne Elimelek toĸujârpoĸ. kingorna Malonip Rut nuliartârâ, Kiljonilo niviarsiamik Moabíkûssumik, Orpamik atilingmik, nuliartârdlune. tauva uveĸarame sakeĸardlunilo Jehovamik patdlorfigingnigtûssunik, Rutip Gûte ilumôrtoĸ ilisarilerpâ.
kisiáne sivitsúngitsoĸ Malon Kiljonilo tamarmik toĸúput, arnatdlo táuko pingasut uveĸaratik mêraĸaratigdlo kiserngorúput. ĸanoĸ aliasugtigisimanersut takordlôrsínaugunarpat. ĸanoĸ iliorniásápat? No’omip tusarpâ Israelime kângnerssuaĸ ĸângiúsimassoĸ. taimáitumik aulajangerpoĸ ilaĸútaminut Betlehemimĩtunut angerdlarniardlune. Rutip Orpavdlo sakertik agsut asavât autdlaĸatigalugulo. kisiáne ingerdlámersordlutigdlo No’omip arnat inûsugtut oĸarfigai: ’autdlaritse uterdluse tamavse ingmíkut anânavse igdluinut.’
No’omip arnat inûsugtut kunigdlugit inûvdluarĸuvai, táukulo ĸíssaserput. „utimut ilagísavavtigit ínugtangnut,“ manigtordlutik akivât. No’omile oĸarĸigpoĸ: „uteritse, paníka, autdlaritse.“ Orpalo angerdlamut autdlarpoĸ. Rutile taimailiúngilaĸ.
No’omi Rutimut sâgpoĸ oĸardlunilo: „uterit ukuaĸatit maligdlugo.“ kisiáne Rutip nakimaitdluínartumik ilumôrdlune akivâ: „inániaĸinanga ĸimarĸuvdlutit uterĸuvdlungalo áipariungnaerdlutit; sumut autdlaruvit autdlásaunga, sume únuiguvit únuísaunga; ínugtatit ínugtarãka, Gûtitdlo Gûtigâra.“ (Rúte 1:1-17) tauva Rutip No’omi ingerdlaĸatigâ Gûtivdlo ínugtai Israelíkut ilagilerdlugit.
ivdlit nangmineĸ Rutitut Gûte ilumôrtoĸ, Jehova, inuitdlo patdlorfigingnigtai ilisarisimavigit? taimaigpat, tauva aulajangersimásautit ilumôrdlutit uvdlumíkut Jehovamut kivfartortut tapersersorniardlugit, sôrdlo ĸanga Rut taimailiorsimassoĸ. (wD 1/4 85)
[Qupp. 8-mi nunap assinga]
(Allassimasut qanoq inissisimanersut naqitami takuneqarsinnaavoq)
Imaĸ Ũmaitsoĸ
Moab